ඒ ලබන අප්‍රේල් මස මුල් සතියේදී හොංකොං නුවර පැවැත්විමට නියමිත ලෝක සත් සාමාජික රග්බි ශූරතාවයට සුදුසුකම් ලැබීමේ තරගාවලිය ඉලක්ක කරමින් බවද පැවසේ.
පීටර් වුඩ්ස් ශ්‍රී ලංකා රග්බි පිලේ පුහුණුකාර තනතුර සඳහා එකඟවී ඇති අතර මේ දිනවල ඔහුගේ දීමනා සහ වෙනත් අවශ්‍යතා සඳහා අවසන් සාකච්ඡා පැවැත්වෙමින් තිබේ.
මීට පෙර ශ්‍රී ලංකා පිලේ රග්බි පුහුණුකරු ලෙස කටයුතු කළ එංගලන්ත ජාතික මැට් ටර්නර්ගේ ගිවිසුම් කාලය මේ වනවිට අවසන් වී ඇති අතර ඉදිරියේදී එළැඹෙන විදෙස් සත් සාමාජික රගර් තරගාවලි ඉලක්ක කරමින් පීටර් වුඩ්ස් වසර දෙකක ගිවිසුමකට බඳවා ගැනීමට රග්බි ආයතනය අදහස් කර ඇත.