Jul 25, 2019

"කුලේ හෙට ප්‍රේක්ෂකයෙක් විදියට හරි එන්න" - මාලි

ජාත්‍යන්තර ක්‍රිකට් පිටිය තුළ තමන්ට ඉහළ පිළිගැනීමක් හිමි කර දීමට නුවන් කුලසේකර විශාල දායකත්වයක් ලබා දුන් බවත් හෙට 26 වැනිදා සිය අවසන් එක්දින තරගය නැරඹීමට නුවන් කුලසේකරට ඇරයුම් කර සිටින බවත් ලසිත් මාලිංග පවසයි.

ජාත්‍යන්තර ක්‍රිකට්වලදී විකට් ටේකින් පන්දු යවන්නෙක් ලෙස තමාව හඳුනන බව පැවසු මාලිංග එයට සියයට 90 ක සහය හිමි වුයේ නුවන් කුලසේකරගෙන් බව ද කුලසේකර නිල වශයෙන් ඊයේ (24) දිනයේ දී ක්‍රීඩාවෙන් සමු ගත් බවත් තමා සමඟ වසර 13 ක පමණ කාලයක් ඔහු එක්ව ක්‍රිඩා කළ බවත් පැවසීය.

ඒ සම්බන්ධයෙන් මාලිංග විසින් නුවන් කුලසේකරට ස්තූතිය පළ කර සිටි තර පුහුණුවීම් සඳහා සහභාගී වී සිටිම හේතුවෙන් නුවන් කුලසේකරගේ සමුගැනීමට එක් වීමට නොහැකි වු බව ද පැවසීය.

තමා මේ මස 26 වන දින සමුගන්නා බවත් "අපි දෙන්නාම එකම කාලේ ඇවිත් එකම කාලේ යනවා, කුලසේකර ප්‍රේක්ෂකයෙක් ලෙස හෝ සමුගැනීමේ තරගයට එක්වෙනු ඇතැයි මම බලාපොරොත්තු වෙනවා, අපි දෙන්නාගේ කාලේ ඉවරයි, කුලේට ගොඩක් ස්තූතියි" යැයි ඉතා හැඟුම්බරව පැවසු මාලිංග ඉදිරියේ දී කුලසේකර පුහුණුකරුවෙක් ලෙස හෝ එක්වෙනු ඇතැයි තමා බලාපොරොත්තු වන බවද වැඩිදුරටත් පවසා සිටියේය.

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top