Aug 01, 2019

නුවන්ට සමුගන්න තරග දෙන්න ඕන නෑ - මුරලි

නුවන් කුලසේකරට සමුගැනීම වෙනුවෙන් ක්‍රීඩා කිරීමට තරඟයක් ලබා නොදීම සම්බන්ධයෙන් ක්‍රිකට් තේරීම් කමිටුවේ තීරණය ගැන තමන්ට විවේචනයක් නොමැති බව මුත්තයියා මුරලිදරන් කියා සිටී.

කුලසේකර යනු ශ්‍රී ලංකාව වෙනුවෙන් අගනා සේවයක් කළ බව තමන් අවිවාදයෙන් පිළිගන්නා නමුත්, ඔහු හෝ අන් අයකු වේවා තම වර්තමාන දක්ෂතා ඔප්පු කර පෙන්වීමට තරම් සාධක නොමැති නම් ජාතික කණ්ඩායමේ අවස්ථාවක් නොදීම අසාධාරණයක් නොවන බව ද මුරලි සඳහන් කරයි.

ක්‍රීඩකයෙක් ලෙස කුලසේකර දක්ෂයෙක් බවත්, එසේම ඔහු පුද්ගලයෙක් වශයෙන් ඉතා හොඳ අයෙක් බවත් පවසන මුරලි පසුගිය කාලය පුරා ඔහු ක්‍රීඩා කරනු නොදුටු බවත්, එසේ ක්‍රීඩා නොකර තේරීම් කමිටුවට ඔහුගේ දක්ෂතාවය සම්බන්ධයෙන් නිගමනයකට එළඹිය නොහැකි බවද කියා සිටී.

සංචිතයට ක්‍රීඩකයන් තේරීමේ ක්‍රමවේදයක් ඇති බවත් එසේ තිබියදී ඔහුට ජාතික කණ්ඩායමේ ක්‍රීඩා කිරීමට අවස්ථාවක් ලබාදීමට ඇති පදනම කුමක්දැයි ද මුරලි ප්‍රශ්න කරයි.

බංග්ලාදේශය සමඟ පැවැති මුල් එක්දින තරග දෙකම ජය ගෙන තිබූ අවස්ථාවේ කුලසේකරට අවස්ථාවක් දීම සුදුසු බවට තර්ක කළ හැකි වුවද, තම පෞද්ගලික මතය වන්නේ රටක් ලෙස සෑම ජාත්‍යන්තර තරගයක්ම ජය ගැනීම වැදගත් බව යැයිද ඔහු කියා සිටී.

මූලාශ්‍රය - අරුණ

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top