Oct 30, 2019

ශකීබ්ට ක්‍රිකට් තහනම් වෙයි

ජාත්‍යන්තර ක්‍රිකට් කවුන්සලය විසින් බංග්ලාදේශ ක්‍රිකට් නායක ශකීබ් අල් හසන් හට වසර දෙකක තරග තහනමක් පැනවීමට තීරණය කර තිබේ.
එහි දී එක් වසරක අත්හිටවූ තහනමක් හා වසරක තහනමක් ඔහුට පනවා ඇත.

මෙම තරග තහනමට හේතුව ලෙස ජාත්‍යන්තර ක්‍රිකට් කවුන්සලය දක්වා ඇත්තේ ජාත්‍යන්තර ක්‍රිකට් කවුන්සලයේ දූෂණ මර්දන ගිවිසුමේ සඳහන් පරිදි නීති තුනක් උල්ලංඝනය කිරීම නිසාවෙනි.

බංග්ලාදේශය, ශ්‍රී ලංකාව සහ සිම්බාබ්වේ කණ්ඩායම් අතර 2018 ජනවාරී මාසයේදී පැවැති තුන්කොන් තරගයේදී චෝදනා දෙකක් සහ එම වසරේදීම ඉන්දීය ප්‍රීමියර් ලීග් ක්‍රිකට් තරගාවලියේ සන්රයියස් හයිද්‍රාබාද් සහ කිංග්ස් ඞෂ පංජාබ් අතර තරගයකදී එක් චෝදනාවක් එල්ලවී ඇත.

සකිබ් අල් හසන් චෝදනා පිළිගැනීමට තීරණය කිරීම හේතුවෙන් දූෂණ විරෝධී විනිශ්චය සභාවක් ඉදිරියේ විභාග කිරීම වෙනුවට අන්තර් ජාතික ක්‍රිකට් සභාව ලබාදෙන දඩුවම් නියම කිරීමට තීරණය කළ බව අයි.සී.සී. ය නිවේදනයක් නිකුත් කරමින් පැවසීය.

අත්හිටවූ වසරට අදාල කොන්දේසී ශකීබ් විසින් සැපිරුවහොත් 2020 ඔක්තෝබර් 29 වැනිදා සිට නැවතත් ඔහුට ක්‍රීඩා කිරීමට හැකිවනු ඇති බව අන්තර් ජාතික ක්‍රිකට් සභාව පවසයි.

එම නීති විරෝධී කටයුතු පහත පරිදි වේ.

* Article 2.4.4 – Failure to disclose to the ACU full details of any approaches or invitations he received to engage in Corrupt Conduct – in relation to the Bangladesh, Sri Lanka and Zimbabwe Tri-Series in January 2018 and / or the 2018 IPL

(මුදල් වංචා හා තරග පාවා දීම සඳහා සම්බන්ධ වීමට ලැබුණු ආරාධනා හා යෝජනා නිසි පරිදි බලධාරීන්ට දන්වා නොසිටීම. 2018 ජනවාරි මාසයේ දී ශ්‍රී ලංකාව හා සිම්බාබ්වේ අතර පැවති තුන්කොන් ක්‍රිකට් තරගාවලියේ දී හා 2018 ඉන්දීය ප්‍රිමියර් ලීග් තරගාවලියේ දී)

* Article 2.4.4 – Failure to disclose to the ACU full details of any approaches or invitations he received to engage in Corrupt Conduct – in relation to a second approach in respect of the Tri-Series in January 2018

(මුදල් වංචා හා තරග පාවා දීම සඳහා ලැබුණු ආරාධනා දෙවන අවස්ථාවේ දී ද බලධාරීන්ට දන්වා නොසිටීම. 2018 තුන්කොන් තරගාවලිය අතරතුර දී)

* Article 2.4.4 – Failure to disclose to the ACU full details of any approaches or invitations he received to engage in Corrupt Conduct – in relation to an IPL 2018 match between Sunrisers Hyderabad v Kings XI Punjab on 26 April 2018.

(2018 වසරේ ඉන්දීය ප්‍රිමියර් ලීග් තරගාවලියේ සන්‍රයිසස් හයිද්‍රාබාද් හා කිංග්ස් ඉලෙවන් පන්ජාබ් තරගයේ දී තරග පාවා දීම සඳහා ලැබුණු යෝජනා හා බලපෑම් නිසි ලෙස බලධාරීන්ට දන්වා නොසිටීම)

 

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - [email protected] දුරකථන - +94 114 546 362

Top