Nov 07, 2019

නෙට්බෝල් පරිපාලනයට එරෙහිව වෙළෙඳ සේවය නඩුදායි Featured

ශ්‍රී ලංකා නෙට්බෝල් සම්මේලනයේ නිලවරණය නීති විරෝධී ලෙස පවත්වා ඇති බවත් එසේ හෙයින් නැවැත නිවැරදි ආකාරයෙන් නිලවරණය පවත්වන ලෙස නියෝගයක් නිකුත් කරන ලෙසත් ඉල්ලා නෙට්බෝල් සංගමය අභියාචනාධිකරණය ඉදිරියේ නඩුවක් ගොනු කර තිබේ.

ජයන්ති සෝමසේකරන් හා සංජීවනී වනසිංහ මහත්මිය ප්‍රධානත්වය උසුලන වෙළෙඳ සේවා සංගමය විසින් මෙම නඩුව ගොනු කර ඇත.

පසුගියදා නිමාවට පත්වූ නෙට්බෝල් නිලවරණයට අදාළ ඡන්ද හිමි නාම ලේඛණය අසාධාරණ බවට ඉදිරිපත්වූ විරෝධතාව විභාග කළ අභියාචනා මණ්ඩලය නිලවරණය කල්දමන ලෙස වාර්තාවක් ලබාදී තිබියදී, නිලවරණය පැවැත්වීමට ගත් තීරණය වැරදි සහගත බව මේ නඩුවෙන් කරුණු ඉදිරිපත්කොට ඇත.

ක්‍රීඩා අමාත්‍යාංශ ලේකම් චූලානන්ද පෙරේරා, ක්‍රීඩා අධ්‍යක්ෂ ජෙනරාල් ධම්මික මුතුගල, ශ්‍රී ලංකා නෙට්බෝල් සම්මේලනයේ නව නිලධාරී මණ්ඩලය ලෙස පත්වූ සභාපති ලක්ෂ්මී වික්ටෝරියා, ලේකම් චම්පා ගුණවර්ධන, භාණ්ඩාගාරික පද්මිණී හොරණගේ, උප සභාපති ටී.එම්.පී.කුමාරිහාමි, සහකාර ලේකම් සුමිත්‍රා කුමාරි වනසිංහ හා සහකාර භාණ්ඩාගාරික හිරන්ති සේනානායක යන අන මෙම නඩුවේ වග උත්තරකරුවන් ලෙස නම්කොට ඇත.

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top