Jan 03, 2020

මහේල සහ මුරලි නවසීලන්තයේදී තරඟ බිමට

ලොව විශේෂ අවධානයක් දිනා ගත් නවසීලන්ත රග්බි කණ්ඩායම හෙවත් ඕල් බ්ලැක්ස් කණ්ඩායමේ ක‍්‍රීඩකයන් සහ සුපිරි ක‍්‍රිකට් තරු එක්ව පවත්වනු ලබන ක්‍රෝ-ලෝමු අනුස්මරණ බ්ලැක් ක්ලෑස් විස්සයි විස්ස ක‍්‍රිකට් තරගය සඳහා මහේල ජයවර්ධන සහ මුත්තයියා මුරලිදරන් තෝරාගෙන තිබේ.

ඉකුත් වසරේදී ආරම්භ වූ මෙම තරඟය වෙනුවෙන් මහේල සහ මුරලිදරන් තෝරාගත් පළමු අවස්ථාවද මෙය වීම විශේෂත්වයකි.

ලබන ජනවාරි 17 වැනිදා නේපියර් හිදී තරගය පැවැත්වීමට නියමිත අතර ඩැනියෙල් විටෝරි, ග‍්‍රාන්ට් එලියට්, නේතන් මැකලම් වැනි ක‍්‍රීඩකයන් බ්ලැක් කැප්ස් කණ්ඩායම නියෝජන කරනු ලබයි.
 
බ්ලැක්ස් කැප්ස් යනුවෙන් හඳුන්වනු ලබන්නේ නවසීලන්ත ක‍්‍රිකට් කණ්ඩායම වන අතර ඕල් බ්ලැක්ස් යනුවෙන් හඳුන්වනු ලබන්නේ නවසීලන්ත රග්බි කණ්ඩායමයි.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - [email protected] දුරකථන - +94 114 546 362

Top