Feb 06, 2017

චන්දිමාල්ගේ බැටින් කෑවේ මාවන් ? Featured

දිනේෂ් චන්දිමාල්ට දිගින් දිගටම ලකුණු අතරට පැමිණීමට නොහැකිව ඇත්තේ ඔහුගේ පන්දුවට පහරදීමේ ඉරියව්ව වෙනස් කිරීම නිසා බව ක්‍රිකට් කේෂත්‍ර ආරංචි මාර්ගවලින් වාර්තා වේ.

ඔහුගේ පන්දුවට පහරදීමේ ඉරියව්ව වෙනස් කිරීමට මූලිකව ඇත්තේ එකල ශ්‍රී ලංකා ක්‍රිකට් පිලේ පිතිකරුවන්ගේ පුහුණුකරු ලෙස කටයුතු කළ මාවන් අතපත්තු බවද පැවසේ.

මාවන් ශ්‍රී ලංකා ක්‍රිකට් පිලේ පිතිකරු පුහුණුකරු ලෙස කටයුතු කරද්දී එවකට ජ්‍යෙෂ්ඨ ක්‍රීඩකයන්ව සිටි මහේල ජයවර්ධන හා කුමාර සංගක්කාරගේ පිතිකරණයේ රටාවන් මාවන්ට වෙනස් කිරීමට අසූරු වූ බවත් එබැවින් මාවන් වැඩි වශයෙන් චන්දිමාල්ගේ පිතිකරණයට නොයෙක් වෙනස් කිරීම් සිදු කළ බවටද ඉතා විශ්වාසකටයුතු ආරංචි මාර්ගයකින් ශ්‍රී ලංකා මිරර් වෙත වාර්තා වේ.

කෙසේවුවද, මේ තර්කය සම්බන්ධයෙන් ක්‍රිකට් ප්‍රවීනයන් පවසන්නේ මාවන් චන්දිමාල්ගේ  පන්දුවට පහරදීමේ ඉරියව්ව වෙනස් කළද ඔහුට එය සකස්කරගෙන සිය පිතිකරණය දියුණු කර ගැනීමට මේවන විට ලැබුණු කාලය හොඳටම ප්‍රමාණවත් බවයි.

ඔවුන් පෙන්වාදෙන්නේ චන්දිමාල් ජාත්‍යන්තර පිටියට පැමිණියේද ඉන්දීය සුපිරි පිතිකරු විරාත් කෝලි ජාත්‍යන්තර පිටියට පැමිණි සමයේදී බවත්, ඔවුන්දෙදෙනාගේ පරස්පරය දෙස බලනකල චන්දිමාල් යම් පසුබෑමකට ලක්ව ඇති බවයි.

සබැඳි පුවත්
දිනේෂ්ගේ ගැහිල්ල FB එකේ බයිට් වීම

 

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - [email protected] දුරකථන - +94 114 546 362

Top