Apr 17, 2020

IPL ලංකාවේ තියන්න SLC යෝජනා කරයි?

මෙවර ඉන්දීය ප්‍රිමියර් ලීග් තරගමාලාවේ සත්කාරකත්ව ලබා ගැනීමට ශ්‍රී ලංකා ක්‍රිකට් ආයතනයේ අවධානය යොමු වී ඇතැයි වාර්තා වේ.

පවතින Covid-19 වසංගතය ඉන්දියාවට පෙර ලංකාවෙන් තුරන්වීමේ හැකියාවක් ඇති බවත්, එසේ වුවහොත් ඉදිරියේදී ඒ පිළිබඳ යෝජනාවක් ඉන්දීය ක්‍රිකට් පාලක මණ්ඩලයට ඉදිරිපත් කිරීමට බලාපොරොත්තු වන බවත් ශ්‍රී ලංකා ක්‍රිකට් සභාපති ශම්මි සිල්වා මහතා රොයිටර් පුවත් සේවය වෙත පවසා තිබේ.

Covid-19 වසංගතය හේතුවෙන් මෙවර IPL තරගමාලාව මේ වන විට දින නියමයක් නොමැතිව කල් දමා ඇත.

මෙම තරගාවලිය ආරම්භ වීමට නියමිතව පැවතුණේ මාර්තු 29 දා වුවත්, ඉන්දියාවේ දින 21ක ලොක්ඩවුන් තත්ත්වයක් ප්‍රකාශ වීමත් සමග එය අප්‍රේල් 15දින තෙක් කල්දමනු ලැබුණි.

ඉන්දියාවේ ලොක්ඩවුන් තත්ත්වය මැයි 03 දක්වා දීර්ඝ කිරීමත් සමග මෙම තරගාවලිය යළිත් කල්දැමීමට සිදුවිය.

 

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - [email protected] දුරකථන - +94 114 546 362

Top