Apr 20, 2020

ද. අප්‍රිකානු පිලේ ශ්‍රී ලංකා සංචාරයත් කල් යයි

ගෝලීය මට්ටමෙන් පවතින Covid-19 වසංගත තත්ත්වය හේතුවෙන් ලබන ජුනි මස ආරම්භ වීමට නියමිතව තිබූ දකුණු අප්‍රිකානු ක්‍රිකට් කණ්ඩායමේ ශ්‍රී ලංකා තරග සංචාරය දින කල් දැමීමට ශ්‍රී ලංකා ක්‍රිකට් ආයතනය තීරණය කර තිබේ.

මෙම තරග සංචාරය යටතේ එක්දින තරග 3ක් හා පන්දුවාර විස්සයි-20 තරග 3ක් පැවැත්වීමට නියමිතව තිබුණි.

මාධ්‍ය නිවේදනයක් නිකුත් කරමින් ශ්‍රී ලංකා ක්‍රිකට් නිවේදනය කර සිටින්නේ දකුණු අප්‍රිකානු ක්‍රිකට් ආයතනය සමඟ පැවැත්වූ සාකච්ඡාවකින් අනතුරුව දෙපාර්ශවය විසින් මෙම එකඟතාවයකට එළැඹුනු බවයි.

'මිනිස් ජීවිත දහස් ගාණක් බිළිගෙන තිබෙන කොරෝනා වෛරස් තත්ත්වයෙන් යථා තත්ත්වයට පත්වීමෙන් පසු මෙම තරගාවලිය නැවත පැවැත්වීම කෙරෙහි අදාළ සාකච්ඡාවේදී දෙපාර්ශ්වය එකඟතාවයකට එළැඹ සිටින,' බව මාධ්‍ය නිවේදනයේ වැඩිදුරටත් දැක්වේ.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - [email protected] දුරකථන - +94 114 546 362

Top