May 25, 2020

කුඩු සමඟ හසුවූ ක්‍රිකට් ක්‍රීඩක මධුසංඛ රිමාන්ඩ් 

මෙරට මුල් පෙලේ හිටපු ක්‍රිකට් ක්‍රීඩකයකු වන ශෙහාන් මධුසංඛ හෙරොයින් ග්‍රෑම් 2යි මිලි ග්‍රෑම් 700ක් සමඟ පන්නල පොලිසිය විසින් අත්අඩංගුවට ගෙන අධිකරණයට ඉදිරිපත් කිරීමෙන් පසුව දින 14ක කාලයකට රිමාන්ඩ් බන්ධනාගාරගත කර තිබේ.

විසිපස් හැවිරිදි මේ ක්‍රීඩකයා කලක සිට හෙරොයින් පානය කරන බවත්, ඔහුට ක්‍රීඩා බලධාරීන් පවා කිහිපවිටක් මේ සම්බන්ධයෙන් අවවාද කර ඇති බව පැවසේ.

සැකකාර ක්‍රීඩකයා 2018 වසරේදී තරග කිහිපයකදී ශ්‍රී ලංකාව නියෝජනය කළ අයෙකි.

සැකකාර ක්‍රීඩකයා සමඟ කුඩපොත්ත ප්‍රදේශයේ පදිංචි 24 හැවිරිදි තරුණයකු ද හෙරොයින් ග්‍රෑම් 2යි මිලි ග්‍රෑම් 810 ක් සමඟ අයෙකු ද පොලිස් අත්අඩංගුවට පත්ව පසුව අධිකරණයෙන් රිමාන්ඩ්ගත කර ඇත.

අධිමිල සුපිරි මත්ද්‍රව්‍ය ගන්න ක්‍රිකට් ක්‍රීඩකයෝ

මේ අතර, තවත් ක්‍රිකට් ක්‍රීඩකයන් කිහිපදෙනෙකු අධික මිල සුපිරි මත්ද්‍රව්‍ය පාචිච්චියට ඇබ්බැහිවී ඇති බවද ක්‍රිකට් කේෂ්ත්‍ර ආරංචි මාර්ගවලින් වාර්තා වේ.

 

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - [email protected] දුරකථන - +94 114 546 362

Top