Jun 14, 2020

චමරි ශ්‍රේණිගත කිරීම්වල එකට එයි ! Featured

ශ්‍රී ලංකා ක්‍රිකට් ආයතන නව කොන්ත්‍රාත් ගිවිසුම් ලැයිස්තුවේ ඉහළතම ශ්‍රේණිය වන ‘ඒ’ ශ්‍රේණියට ශ්‍රී ලංකා විස්සයි - 20 කාන්තා ක්‍රිකට් පිලේ නායිකා චමරි අතපත්තුව ඇතුළත් කර තිබේ.

එම ශ්‍රේණියට ඇතුළත් එකම ක්‍රීඩිකාව අය වේ.

ලෝක සහ ශ්‍රී ලංකා කාන්තා ක්‍රිකට් වාර්තා කීපයකට හිමිකම් කියන තුන් ඉරියව් ක්‍රීඩිකා චමරි අතපත්තු පසුගිය කොන්ත්‍රාත් ගිවිසුමේ ද ඉහළතම දීමනා ලාභිනිය බවට පත්ව සිටියාය.

ශ්‍රී ලංකා ක්‍රිකට් ආයතනය මාස හයක කාලයක් සඳහා ජාතික මට්ටමේ ක්‍රීඩිකාවන් 20 දෙනකු ශ්‍රේණි හතරක් යටතේ කොන්ත්‍රාත් ගතකර තිබේ.

ඊට අමතරව මාසික දීමනාවක් සඳහා නැඟීඑන ක්‍රීඩිකාවන් 15 දෙනකු ද නම් කර තිබේ.

මෙම කොන්ත්‍රාත් ගිවිසුම පසුගිය මැයි මස 1 වැනිදා සිට ක්‍රියාත්මක වේ.

‘ඒ’ ශ්‍රේණිය :
චමරි අතපත්තු

‘බී’ ශ්‍රේණිය
අනුෂ්කා සංජීවනී, ඕෂදී රණසිංහ, ඉනෝකා රණවීර, නිලක්‍ෂි ද සිල්වා, සුගන්දිකා කුමාරි, උදේෂිකා ප්‍රබෝදනී, හසිනි පෙරේරා සහ හර්ෂිතා මාධවී

‘සී’ ශ්‍රේණිය
ඩිලානි මනෝදර, ප්‍රසාදිනී වීරක්කොඩි සහ කවීෂා දිල්හාරි

‘ඩී’ ශ්‍රේණිය 
අමා කාංචනා, ඉමල්කා මෙන්ඩිස්, ඉනෝෂි ප්‍රනාන්දු, අචිනි කුලසූරිය, හංසිමා කරුණාරත්න, මධූෂිකා මෙත්තානන්ද, උමේෂා තිමාෂිනී සහ සත්‍යා සංදීපනී

නැඟීඑන ක්‍රීඩිකාවෝ
මල්ෂා ෂෙහානි, ලිහිනි අප්සරා, තාරිකා සෙව්වන්දි, ජිමාන්ජලී විජේනායක, හර්ෂනී විජේරත්න, ශෂිකලා සිල්වා, සචිනි නිසංසලා, ඉරේෂා සඳමාලි, තාරුකා ෂෙහානි, නිල්කාෂනා සඳමිනි, රෝස් පෙරේරා, ජනාදි අනලි, ශිකාරි නිවර්ථනා, තිලිශියා සත්සරණි, සඳුනි නිසංසලා

 

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - [email protected] දුරකථන - +94 114 546 362

Top