Jul 21, 2020

හතුරු කැන්ගරුවන්ට මිතුරු වෙයි

ශ්‍රී ලංකා ක්‍රිකට් කණ්ඩායමේ හිටපු ප්‍රධාන පුහුණූකරුවා වු චන්දික හතුරුසිංහ මහතා ඔස්ට්‍රේලියාවේ නිව් සවුත්වේල්ස් ප්‍රාන්ත කණ්ඩායමේ පිතිකරණ පුහුණූකරු වශයෙන් පත් කර තිබේ.

එරට දේශීය ක්‍රිකට් තරගාවලිය ඉලක්ක කරගනිමින් මෙම පත්වීම සිදුකර ඇති බව වාර්තා වේ.

පසුගිය වසරේ ඔක්තොම්බර් මාසය දක්වා ශ්‍රී ලංකා ක්‍රිකට් පිලේ ප්‍රධාන පුහුණුකරු වශයෙන් කටයුතු කළ චන්දික හතුරුසිංහ මහතා ශ්‍රී ලංකා පිලට එක්වීමට පෙර 2010 සිට 2014 කාලය තුළ නිව් සවුත්වේල්ස් ප්‍රාන්ත කණ්ඩායමේ සහකාර පුහුණූකරුවෙකු වශයෙන් කටයුතු කළේය.

එම කණ්ඩායමේ හිටපු පිතිකරණ පුහුණුකරු වූ එංගලන්ත ජාතික මයිකල් යාඩි මහතාගේ සේවා කාලය පසුගියදා නිමාවට පත්වූ අතර ඔහු මේ වනවිට එංගලන්තයේ කෙන්ට් ප්‍රාන්ත කණ්ඩායමේ පුහුණු කාර්ය මණ්ඩලය සඳහා එක්වී සිටියි.

 

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top