Jul 29, 2020

පරිපාලන ගැටළු නිසා ශ්‍රී ලංකා ක්‍රිකට් අත්හරිනවා - මතිවානන්

කේ. මතිවානන් ශ්‍රී ලංකා ක්‍රිකට් උප සභාපති ධුරයෙන් ඉල්ලා අස්වී තිබේ.

වත්මන් පරිපාලනය විනිවිදභාවයකින් තොරව කටයුතු කිරීම හේතුවෙන් තමා ඉල්ලා අස්වන බව නිවේදනයක් නිකුත් කරමින් ඒ මහතා පවසයි. 

ක්‍රිකට් ව්‍යවස්ථාවට අනුව ප්‍රධාන උප සභාපතිවරුන් දෙදෙනාගේ මූලික වගකීම් අතර ජාත්‍යන්තර ක්‍රිකට් හා දේශීය ක්‍රිකට් යන දෙඅංශයම මෙහෙයවීමේ සම්ප්‍රදායක් පැවතිය ද වර්තමානයේ කිසිදු වගකිවයුතු කටයුත්තක් ලබා නොදීම හේතුවෙන් වත්මන් පරිපාලනය තමා හුදකලා කර ඇති බව ද එහි සඳහන්ය.

මේ වන විට සිදුවන ක්‍රියාවලිය තුළ අනාගතයේදී තමා ක්‍රීඩාවෙන් උපයා ගත් කීර්තිනායමට හානී කර ගැනීමට සූදානම් නොමැති බව ද ඔහු සිය නිවේදනය මගින් අවධාරණය කර තිබේ.

 

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - [email protected] දුරකථන - +94 114 546 362

Top