Aug 25, 2020

ලොව වේගවත්ම මිනිසාටත් කොරෝනා ධන වෙයි

ලොව ජීවත් වන වේගවත්ම මිනිසා ලෙස සැලකෙන ඔලිම්පික් රන් පදක්කම් ලාභී, ලෝක ශූර මලල ක්‍රීඩක උසේන් බෝල්ට්හට කොරෝනා වෛරසය ආසාදනය වී ඇතිබව විදෙස් මාධ්‍ය වාර්තා කරයි.

ඒ උසේන් බෝල්ට් සිදුකළ කොවිඩ් -19 පරීක්ෂණයේදී ඔහු වෛරසය සඳහා ධනාත්මක බව තහවුරු ජැමෙයිකාවේ සෞඛ්‍ය අමාත්‍යාංශය විසින් තහවුරු කිරීමත් සමගිනි.

පසුගිය සිකුරාදා සිය 34 වන උපන් දිනය සැමරීමෙන් දින කිහිපයකට පසු බෝල්ට්ට මෙලෙස කොරෝනාවෛරසය ආසාදනය වී ඇති බව තහවුරු වී තිබේ.

එම උපන් දින සැමරුම සඳහා මුඛ ආවරණ රහිතව අමුත්තන් රැසක් සහභාගි වී ඇති බවද පැවසේ.

ජැමෙයිකාවේ මේ වන විට කොරෝනාවෛරසය ආසාදිතයන් 1,612ක් හමුවී ඇති අතර මරණ 16ක් සිදුව තිබේ.

 

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - [email protected] දුරකථන - +94 114 546 362

Top