Apr 17, 2017

බහරේන් ක්‍රිකට් පිළ මෙරටට

බහරේනයේ ජාතික ක්‍රිකට් කණ්ඩායම ශ්‍රී ලංකාවට පැමිණ ඇතැයි වාර්තා වේ.

ඔවුන් මෙරටට පැමිණ ඇත්තේ තරග 5කන් සමන්විත සුහද තරගාවලියක් සඳහාය.

මෙම සුහද තරගාවලියෙන් අනතුරුව ඔවුන් අප්‍රේල් 22 - මැයි 01 දක්වා තායිලන්තයේ පැවැත්වීමට නියමිත ජගත් ලී ග් තරගාවලියේ ආසියානු කොටස - ඛාණ්ඩ 01 (World Cricket League Asia Division One) තරගාවලියට සහභාගී වීමට නියමිතය.

අසීම් උල් හක් ගේ නායකත්වයෙන් යුක්ත බහරේන් ජාතික පිළට පකිස්තානු ජාතිකයන් 09 දෙනෙක්, බහරේන් ජාතිකයන් තිදෙනෙක් ශ්‍රී ලාංකික ජාතිකයන් දෙදෙනෙක් ද එක්ව සිටියි.

බහරේන පිලට එරට දක්නට නොමැති turf wickets (තණකොළ සහිත තණතීරු) වලට පුරුදු වීමට ශ්‍රී ලංකා සංචාරය ඉවහල් වනු ඇති බව කණ්ඩායම් කළමනාකරු සයිඩ් රිස්වාන් ඛාන් පවසා තිබේ. සාමාන්‍යයෙන් බහරේනයේ භාවිතා කරනුයේ matting wicket (ලණුපැදුරු) ය.

 

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - [email protected] දුරකථන - +94 114 546 362

Top