Apr 17, 2017

සුව වූ මැතිවුස් IPL ගහන්න යයි

ආබාධයකට ලක්වීම හේතුවෙන් බංගලාදේශයට එරෙහිව පැවති එක්දින ජාත්‍යන්තර හා පන්දුවාර විස්සයි 20 තරගාවලි සඳහා සහභාගී වීමට නොහැකි වූ ශ්‍රී ලංකා ක්‍රිකට් නායක ඇන්ජෙලෝ මැතිවුස් මේ වන විට සුවය ලබා ඇතැයි වාර්තා වේ.

මෙම ආබාධය හේතුවෙන් මැතිවුස් හට IPL තරගාවලියට සහභාගී වීමට නොහැකි වනු ඇතැයි අපේක්ෂා කෙරුණද, මේ වන විට ඔහු සුවය ලබා ඇති බැවින් යළි දිල්ලි ඩෙයාඩෙවිල්ස් පිළ හා එක්වීමට නියමිත බව ඉන්දීය මාධ්‍ය සඳහන් කරයි.

මේ වන විට එම පිළේ ප්‍රධාන පුහුණුකරු වන රාහුල් ඩ්‍රාවිඩ් ගේ සහය ඇතිව ඔහු පුහුණු සැසියකට ද සහභාගී වී ඇති බවත් කිංග්ස් XI පංජාබ් පිළ සමග ඉදිරියේ පැවැත්වීමට නියමත තරගයට ඔහු බොහෝවිට සහභාගී වනු ඇති බවත් එම වාර්තා වල වැඩිදුරටත් දැක්වේ.

මේ අතර, පැපොල රෝගයට ගොදුරු වී සිටි ශ්‍රෙයාස් අයියර් ද මේ වන විට සුවය ලබා ඇති බැවින් ඔහු ද මෙ තරගයට සහභාගී වනු ඇති බව පැවසේ.

(india.com ඇසුරෙනි)

 

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - [email protected] දුරකථන - +94 114 546 362

Top