May 08, 2017

මාලිංග, යළිත් IPL පිටිය හොල්ලයි

ශ්‍රී ලංකාවේ සුපිරි වේග පන්දු යවන ක්‍රීඩක ලසිත් මාලිංග යළිත් වාර්තා පොත් වලට ඇතුළත් වී තිබේ.

ඒ, ඉන්දීය ප්‍රිමියර් ලීග් තරගාවලියේදී කඩුලු 150ක් වාර්තා කළ පළමු පන්දුයවන්නා බවට පත්වෙමිනි.

පසුගිය සතිඅන්තයේදී මුම්බායි ඉන්ඩියන්ස් හා දිල්ලි ඩෙයාඩෙවිල්ස් අතර පැවති තරගයේදී ඔහු මෙම වාර්තාව තැබීමට සමත් වී ඇත. ලකුණු 146ත ජයග්‍රහණයක් වාර්තා කිරීමට මුම්බායි ඉන්ඩියන්ස් පිල මෙහිදී සමත් විය.

ඉන්දීය ප්‍රිමියර් ලීග් තරගාවලිය ආරම්භයේ පටන් මුම්බායි ඉන්ඩියන්ස් පිල වෙනුවෙන් ක්‍රීඩා කළ මාලිංග, එම පිල වෙනුවෙන් තරග 105 ක දී කඩුලු 151ක් ලබාගෙන තිබේ. මේ අතර කඩුලු 4ක් ලබාගත් අවස්ථා 4ක් ද කඩුලු 5ක් දවාගත් එක් අවස්ථාවක් ද වේ.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - [email protected] දුරකථන - +94 114 546 362

Top