Jun 26, 2017

මහේල ඉන්දියන් පුහුණුකරු වෙන්නෙ නෑ !

ඉන්දීය ක්‍රිකට් කණ්ඩායමේ පුහුණුකරු තනතුර සඳහා තමන් ඉදිරිපත් වනු ඇති බවට පළ වන මාධ්‍ය වාර්තා ශ්‍රී ලංකා කණ්ඩායමේ හිටපු ක්‍රිකට් නායක මහේල ජයවර්ධන ප්‍රතික්ෂේප කර තිබේ.
 
 ට්විටර් පණිවුඩයක් නිකුත් කරන මහේල ජයවර්ධන මේ මොහොතේ තමන් පූර්ණ කාලීන තනතුරක් බලාපොරොත්තු නොවන බව සඳහන් කර ඇත.
 
Mahela tweet 670px 17 06 26
 
"ඉන්දීය පුහුණුකරු ධුරය හා මා සම්බන්ධ කර පැතිර යන රාවයෙන් ගරු කටයුතු බවක් එක් කළද මේ මොහොතේ මා පූර්ණ කාලීන තනතුරක් අපේක්ෂා කරන්නේ නැහැ" යනුවෙන් ට්විටර් පණිවුඩයේ දැක්වේ.
 
අයිපීඑල් තරගවලට ක්‍රීඩා කරන මුම්බායි ඉන්දියන්ස් කණ්ඩායමේ පුහුණුකරු ධුරයේ කටයුතු කිරීමට පෙර මහේල ජයවර්ධන එංගලන්ත කණ්ඩායමේ පිතිකරු උපදේශකයෙකු වශයෙන් කෙටි කලක් කටයුතු කළේය.
 

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - [email protected] දුරකථන - +94 114 546 362

Top