Sathosa

Sep 18, 2017

මාලිංගගේ කට තරගපාවාදීමේ සැකයක දොර අරියි ! Featured

ශ්‍රී ලංකා ක්‍රිකට් ක්‍රීඩාවේ වත්මන් කඩා වැටීමට කණ්ඩායමේ අවශ්‍යතාව නොතකා තණතීරු සැකසීම හා ගුණාත්මක බවින් අඩු පුහුණුකරුවකු ප්‍රධාන පුහුණුකරු කිරීම හේතුවක් වූ බව වේගපන්දු ක්‍රීඩක ලසිත් මාලිංග කියා සිටී.

පසුගියදා බත්තරමුල්ල වෝටර්ස් එජ් හෝටලයේ පැවැති ක්‍රිකට් වැඩමුළුවේදී ඔහු මේ බව කියා සිටියේය.

ඔහු වැඩිදුරටත් මෙසේද කීය.
“ පසුගිය සංචාර කීපයේදිම තණතිරුවට ගියාම අපි කියනවා, රයිට් අපිට මේ වගේ තණකොළ තියල තණතීරුව දෙන්න කියල. තණතීරුවට ගිහිල්ල අඩි දෙකක් යනකොට තණ කොළ කපනවා. තනකොළ කැපුවෙ ඇයි කියල ඇහුවම කියනවා බ්ලේඩ්එක වැරදුනා කියල. ජාත්‍යන්තර තලයේ තණතීරු හදන කෙනෙක් එතන ඉන්නවා නම්, ඔහුට බ්ලේඩ් එක වරදිනව නම් මම හිතන්නේ නෑ එයා ඒ ග්‍රවුන්ඩ් එක හදන්න සුදුසුයි පුද්ගලයෙක් කියල. මේක එකපාරක් හෝ දෙපාරක් නෙවෙයි වෙලා තියෙන්නේ”

මාලිංගගේ මේ කතාව සමඟ තරග පාවාදීමේ තවත් සැකයක් මතුව ඇති බව ක්‍රිකට් කේෂත්‍ර ප්‍රවීනයෝ කියති.

රටේ තරගයක් පැවැත්වෙද්දී දේශීය වාසිද සංචාකරක පිලට ලබාදීම පරපතල තත්ත්වයක් බවත් ඔවුහු පෙන්වාදෙති.

ගොඩ්ෆ්‍රි දබරේරා මහතා ශ්‍රී ලංකා ක්‍රිකට් ආයතනයේ ජාත්‍යන්තර තණතීරු භාරව කටයුතු කරන අතර, ජාතික තණතීරු සකසන්නා ලෙස කටයුතු කරනු ලබන්නේද ඔහුය.

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top