රෝස පන්දුව යොදා ගත් දිවා / රාත්‍රී ටෙස්ට් ක්‍රිකට් ඉතිහාසයේ ශතකයක් වාර්තා කළ පළමු ශ්‍රී ලංකිකයා ලෙස දිමුත් කරුණාරත්න ඊයේ (06) ඉතිහාසයට එක්විය.
ඒ, ඊයේ පකිස්තානයට එරෙහිව ඩුබායි හි දී ආරම්භ වූ දෙවැනි ටෙස්ට් තරගයේදීය.
ඊයේ දිනයේ තරගය අවසන් වන විට ඔහු නොදැවී ලකුණු 133ක් ලබා සිටි අතර, දිනේෂ් චන්දිමාල් ද නොදැවී ලකුණු 49ක් ලබා සිටියේය. මේ වන විට ශ්‍රී ලංකාව පළමු ඉනිම සඳහා කඩුලු 3ක් දැවී ලකුණු 254ක් ලබාගෙන සිටියි.
දිමුත් විසින් ඊයේ දිනයේදී වාර්තා කරනු ලැබුවේ ඔහුගේ සත්වැනි ටෙස්ට් ශතකයයි. අබුඩාබි වලදී ද ඔහුට ශතකය අහිමි වූයේ ලකුණු 93ක් ලබා සිටියදී දුවද්දී දැවී යාමකට ලක්වීමෙනි.
Make sure you enter all the required information, indicated by an asterisk (*). HTML code is not allowed.
මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362
