Feb 13, 2018

මරිජාගේ නුවර රග්බි කතා ඉවරයි (ඡායා)

මහනුවරින් බිහිවූ දක්ෂතම රග්බි ක්‍රීඩකයෙකු ලෙස සැලකෙන ෆසිල් මරිජා, වසර 15ක් පුරාවට ක්‍රීඩා කළ නිත්තවෙල ක්‍රීඩාංගනයට සමුදුන්නේය.

ශ්‍රී ලංකා රග්බි පිලේ ද හිටපු නායකයෙකු වන ඔහු, මේ වසරේ රග්බි සමයෙන් අනතුරුව ක්‍රීඩාවෙන් සමුගන්නා බවට පසුගිය නොවැම්බරයේදී ප්‍රකාශ කර තිබුණි.

මේ අනුව, පසුගිය 11දා හැව්ලොක්ස් කණ්ඩායමට එරෙහිව පැවති අන්තර් සමාජ ඩයලොග් ලීග් රග්බි තරගාවලියේ ශූරතාවයේ අවසන් මහා තරගය, නිත්තවෙල ක්‍රීඩංගනයේදී ඔහු ක්‍රීඩා කළ අවසන් තරගය විය.

මෙහිදී පිට පිට තෙවරක් උත්සහක ලකුණු ලබාගත් මරිජා, මහනුවර ක්‍රීඩා සමාජයට ලකුණු 30-28ක ජයක් අත්කරදීමට සමත් විය.

ඔහුට උත්තමාචාරයක් වශයෙන් මහනුවර ක්‍රීඩා සමාජය විසින් මරිජා ගේ නමින් එක් ප්‍රේක්ෂකාගාරයක් නම් කර ඇති අතර, තරගයට පෙරාතුව මෙම ප්‍රේක්ෂකාගාරය මරිජා අතින් විවෘත විය.

(ඡායා : ද පපරේ වෙබ්අඩවිය)

Fazil1

Fazil2

Fazil3

 

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - [email protected] දුරකථන - +94 114 546 362

Top