Connect with us

ක්‍රීඩා

අන්තර් සමාජ තුන්දින ලීග් ක්‍රිකට් තරඟාවලිය අද සිට

Published

on

මෙරට ප්‍රධානතම ක්‍රීඩා සමාජ තරඟ වදින තුන්දින ලීග් ක්‍රිකට් තරඟාවලිය අද (22) සිට ආරම්භ කිරීමට ශ්‍රී ලංකා ක්‍රිකට් ආයතනය පියවර ගෙන තිබේ.

ශ්‍රී ලංකා ක්‍රිකට් ආයතනය සහ ක්‍රීඩා හා යෞවන කටයුතු අමාත්‍යාංශය අතර පැවැති සාකච්ඡාවකින් අනතුරුව මෙම තරඟාවලිය පැවැත්වීම සඳහා ක්‍රීඩා අමාත්‍යාංශය අනුමැතිය ලබා දී තිබේ.

මෙරට සියලුම දේශීය තරඟ නවතා දමන ලෙස ක්‍රීඩා අමාත්‍යවරයා විසින් පත් කරන ලද අභියාචානා කමිටුව විසින් ගනු ලැබූ තීරණයක් අනුව, පසුගිය අගෝස්තු 25දා ශ්‍රී ලංකා ක්‍රිකට් ආයතනය වෙත ඒ බව ලිඛිතව දැනුම් දීමෙන් අනතුරුව ඉකුත් සැප්තැම්බර් 01දා සිට දේශීය තරඟාවලි තාවකාලිකව නවතා දැමුණි.

කෙසේවෙතත් ශ්‍රී ලංකා ක්‍රිකට් ආයතනය විසින් ඉකුත් දා ක්‍රීඩා අමාත්‍යවරයා හමුවේ සිදුකරන ලද කරුණු පැහැදිළි කිරීමකින් පසු, ඊට පිළිතුරු ලෙස නැවතත් දේශීය ක්‍රීඩා සමාජ තුන්දින ක්‍රිකට් තරඟාවලිය ආරම්භ කරන ලෙසට ක්‍රීඩා අමාත්‍යාංශයෙන් ශ්‍රී ලංකා ක්‍රිකට් ආයතනය වෙත දැනුම් දී තිබේ.

ක්‍රීඩා

පළමු පුහුණු තරගයේ ජය නෙදර්ලන්තයට

Published

on

By

20යි 20 ලෝක කුසලානය වෙනුවෙන් පැවැත්වුණු පළමු පුහුණු තරගයෙන් ලකුණු 20ක පරාජයක් ලැබීමට ශ්‍රී ලංකා කණ්ඩායමට සිදුවුණි.

ඒ නෙදර්ලන්ත කණ්ඩායම හමුවේය.

අමෙරිකාවේ ෆ්ලෝරිඩා හිදි පැවති තරගයේ කාසියේ වාසිය දිනු ශ්‍රී ලංකා කණ්ඩායම පළමුව පන්දුවට පහර දීමට නෙදර්ලන්ත කණ්ඩායමට ආරාධනා කළේය.

ඒ අනුව පිටියට පිවිසි නෙදර්ලන්ත කණ්ඩායම නියමිත පන්දුවාර 20 අවසානයේදී කඩුලු 5ක් දැවි ලකුණු 181ක් රැස්කර ගත්තේය.

ඩිල්ෂාන් මධුෂංක ලකුණු 39ට කඩුලු දෙකක් දවා ගැනීමට සමත් විය.

ශ්‍රී ලංකාවට ලෝක කුසලාන ක්‍රිකට් තරගාවලියේ පළමු වටයේදී ද නෙදර්ලන්තය සමඟ තරගයක් පැවැත්වෙන බැවින් ශ්‍රී ලංකා කණ්ඩායමේ  ප්‍රධාන පන්දු යවන්නන් වන වනිඳු හසරංග, මතීෂ පතිරණ සහ මහීෂ් තීක්ෂණ පන්දු යැවීම් සිදු වූයේ නැත.

ලකුණු 182ක ජයග්‍රාහි ඉලක්කයක් හඹා යෑමට පිටියට පිවිසි ශ්‍රී ලංකා කණ්ඩායමට පන්දුවාර 18යි පන්දු 5කදී සියලුදෙනා දැවි රැස්කරගත හැකි වූයේ ලකුණු 161ක් පමණි.

ශ්‍රී ලංකා මුල් පෙළ පිිතිකරුවන් අසාර්ථක වෙද්දි වනිඳු හසරංග පන්දු 15කින් ලකුණු 43ක් රැස්කිරීමට සමත්වුණි.

දසුන් ශානක ලකුණු පන්දු 20කදී නොදැවි ලකුණු 35ක් රැස්කළ අතර ධනංජය ද සිල්වා ලකුණු 31යි.

ශ්‍රී ලංකා කණ්ඩායම සහභාගි වන දෙවන පුහුණු තරගය මැයි 31 වැනිදා අයර්ලන්තයට එරෙහිව පැවැත්වීමට නියමිතව තිබේ.

Continue Reading

ක්‍රීඩා

චීනයේ දී රන් දිනූ අරුණ

Published

on

By

“Belt and Road” ආරාධිත මලල ක්‍රීඩා ශූරතාවලියේ පිරිමි මීටර් 400 ඉසව්වේ ප්‍රථම ස්ථානය ශ්‍රී ලාංකික ක්‍රීඩක අරුණ දර්ශන විසින් හිමිකරගත්තේය.

එහිදී ඔහු මීටර් 400 ඉසව්ව නිමකිරීමට ගතකළ කාලය තත්පර 45.48කි.

“Belt and Road” ආරාධිත මලල ක්‍රීඩා ශූරතාවලිය චීනයේදී පැවැත්වෙයි.

Continue Reading

ක්‍රීඩා

T20 ලෝක කුසලානයේ ශ්‍රී ලංකාවේ පළමු තරඟය අද

Published

on

By

පන්දුවාර 20යි 20 ලෝක කුසලාන ක්‍රිකට් තරගාවලියේ ශ්‍රී ලංකාව සහභාගී වන පළමු පුහුණු තරගය අද (28) පැවැත්වේ.

ඒ, නෙදර්ලන්තයට එරෙහිවයි.

2024 පන්දුවාර 20යි 20 ලෝක කුසලාන ක්‍රිකට් තරගාවලිය අමෙරිකාවේ සහ බටහිර ඉන්දීය කොදෙව් දූපත්වල සත්කාරකත්වයෙන් පැවැත්වේ.

ශ්‍රී ලංකාව එහි මූලික වටයේදී තරග කරන්නේ ඩී. කාණ්ඩයෙනි.

ශ්‍රී ලංකා කණ්ඩායම සහ නෙදර්ලන්තය අතර පුහුණු තරගය අමෙරිකාවේ ලවුඩර්හිල්හිදී පැවැත්වීමට නියමිතය.

අද තරගය මෙරට වේලාවෙන් රාත්‍රී 8.00 ට ආරම්භ වීමට නියමිතව ඇත.

Continue Reading
Advertisement

Trending

Copyright © 2023 Sri Lanka Mirror. All Rights Reserved