Connect with us

ක්‍රීඩා

අමෙරිකාව සුපිරි පන්දුවාරයෙන් පාකිස්තානය පරදවයි

Published

on

පාකිස්තාන කණ්ඩායම සමඟ පැවති විස්සයි 20 ලෝක කුසලාන ක්‍රිකට් තරගාවලියේ 11 වැනි තරගය සුපිරි පන්දුවාර සටනකින් පසු ලකුණු 5කින් ජය ගැනීමට සත්කාරක අමෙරිකාව ඊයේ (06) ඩලාස්හිදී සමත් විය.

අමෙරිකාව මේ තරගාවලියේ පිට පිට වාර්තා කළ දෙවැනි ජය මෙය වන අතර, අයිසීසී පූර්ණ සාමාජික රටකට එරෙහිව වාර්තා කළ තෙවැනි විස්සයි 20 ජයග්‍රහණය ද විය. 

මේ තරගාවලියට පෙර ඔවුන් බංග්ලාදේශයට එරෙහිව විස්සයි 20 තරග දෙකක් ජය ගැනීමට සමත් විය.

මේ තරගයේ පළමුව පන්දුවට පහරදුන් පාකිස්තාන පිල කඩුලු 7ක් දැවී ලකුණු 159ක් රැස් කළ අතර, පිළිතුරු ඉනිම ක්‍රීඩා කළ අමෙරිකාව ඕවර 20 අවසානයේ කඩුලු 3ක් දැවී ලකුණු 159 රැස් කිරීමට සමත් විය.

ඒ අනුව තරගයේ සුපිරි පන්දුවාරය ක්‍රියාත්මක කළ අතර එහිදී පළමුව පන්දුවට පහරදුන් අමෙරිකාව කඩුල්ලක් දැවී ලකුණු 18ක් රැස් කළේය. පිළිතුරු පන්දුවාරය ක්‍රීඩා කළ පාකිස්තානයට කඩුල්ලක් දැවී රැස් කළ හැකි වූයේ ලකුණු 13ක් පමණි.

අමෙරිකානු පිළිතුරු ඉනිමට වේගවත් ආරම්භයක් දුන් නායක මොනාන්ක් පටෙල් පන්දු 38කින් ලකුණු 50ක් රැස් කළේ හතරේ පහර 7ක් සහ හයේ පහරක් සමඟිනි. ආරොන් ජෝන්ස් පන්දු 26කින් නොදැවී ලකුණු 36ක් සහ ඇන්ඩ්රිස් ගෝස් පන්දු 26කින් ලකුණු 35ක් ඉනිමට එක් කළහ.

පළමුව පන්දුවට පහරදුන් පාකිස්තාන ඉනිමේ මුල් කඩුලු 3 ලකුණු 26ක් තුළ බිඳ වැටුණු අතර, ආරම්භක පිතිකරු නායක බාබර් අසාම් සමඟ එක්වු අංක 5 පිතිකරු ශදාබ් ඛාන් පන්දු 48කින් ලකුණු 72ක සබඳතාවක් පිහිටුවමින් ඉනිම ගොඩනැඟීය. 

පන්දු 43කින් ලකුණු 44ක් රැස් කළ අසාම් දැවී යෑමෙන් එම සබඳතාව නිමා වූ අතර, වේගවත් ඉනිමක් ක්‍රීඩා කළ ශදාබ් පන්දු 25කින් ලකුණු 40ක් රැස් කළේ හතරේ පහරක් සහ හයේ පහර 3ක් සමඟිනි. 

ශහීන් ෂා අෆ්රිඩි පන්දු 16කින් වේගවත් ලකුණු 23ක් ඉනිමට එක් කරමින් කණ්ඩායම ලකුණු 159 සීමාවට රැගෙන ගියේය. 

පන්දු යැවීමේදී නොස්තුෂ් කෙන්ජිගේ කඩුලු 3ක් සහ සෞරබ් නේත්‍රවල්කාර් කඩුලු 2ක් දවා ගත්හ.

පාකිස්තානය (පන්දුවාර 20කදී) 159/7

(බාබර් අසාම් 44, ශදාබ් ඛාන් 40, ශහීන් ෂා අෆ්රිඩි (නොදැවී) 23, නොස්තුෂ් කෙන්ජිගේ 30/3, සෞරබ් ත්‍රවල්කාර් 18/2)

අමෙරිකාව (පන්දුවාර 20කදී) 159/3 

(මොනාන්ක් පටෙල් 50, ආරොන් ජෝන්ස් (නොදැවී) 36, ඇන්ඩ්රිස් ගෝස් 35)

ක්‍රීඩා

Nassau County ක්‍රීඩාංගණය ගලවා ඉවත්  කරයි?

Published

on

By

2024 පන්දුවාර විස්සයි විස්ස ලෝක කුසලාන ක්‍රිකට් තරගාවලිය වෙනුවෙන් අමෙරිකාවේ නිව්යෝක්හි තාවකාලිකව ඉදි කෙරුණු  නාසා කවුන්ටි ක්‍රීඩාංගණය බෙහෙවින් අවධානයට ලක්විය.

විදෙස් මාධ්‍ය වාර්තා කර ඇත්තේ, නාසා කවුන්ටි ලෙස නම් කරපු මේ ක්‍රීඩාංගණය ඉවත් කිරීමේ කටයුතු මේ වනවිට ආරම්භ කර ඇති බවයි.

ඒ, නිමාවූ ඉන්දු – අමෙරිකා තරගයෙන් අනතුරුවය.

ඩ්‍රොපිං පිච් හෙවත් පෙර සැකසූ තණතිලි තැම්පත් කිරීමේ ක්‍රමවේදයට අනුකූලව මෙම ක්‍රීඩාංගනය සකස් කර තිබූ අතර එවැනි තණතීරු 10කින් ක්‍රීඩා පිටිය සමන්විත විය.

නාසා කවුන්ටි ක්‍රීඩාංගණය සකස් කළේ ඔස්ට්‍රේලියාවේ ඇඩිලෙයිඩ් ටර්ෆ් ඉන්ටර්නැෂනල් ආයතනය විසින් වන අතර, මෙම ක්‍රීඩාංගණයේ දී එකවර ප්‍රේක්ෂකයින් 34,000 දහසකට අසුන් ගැනීමට හැකියාව තිබේ.

මෙම ක්‍රීඩාංගනයේ පළමු තරගය ලෙස පැවැත්වුණේ පන්දුවාර විස්සයි විස්ස ලෝක කුසලාන ක්‍රිකට් තරගාවලියේ ශ්‍රී ලංකා දකුණු අප්‍රිකා තරඟයයි.

මීට අමතරව, තරගාවලියේ ඉන්දු – අමෙරිකා, දකුණු අප්‍රිකා – බංග්ලාදේශ සහ ඉන්දු – පකිස්ථාන තරගද ඇතුළුව තරග 8ක් නාසා කවුන්ටි ක්‍රීඩාංගනයේදී පැවැත්විය.

Continue Reading

ක්‍රීඩා

මැයි මාසයේ ක්‍රිකට් ක්‍රීඩිකාවට හිමි සම්මානය චමරිට

Published

on

By

ජාත්‍යන්තර ක්‍රිකට් කවුන්සිලයේ මැයි මාසයේ දක්ෂතම ක්‍රීඩිකාව ලෙස ශ්‍රී ලංකා කණ්ඩායමේ නායිකා චමරි අතපත්තු නම් කර තිබේ.

ඒ අනුව ඇය මෙම සම්මානය දිනාගත් දෙවන අවස්ථාව මෙය වීමත් විශේෂත්වයකි.

මෙවර දක්ෂතම ක්‍රීඩිකාවන් සඳහා ස්කොට්ලන්තයේ කැත්‍රයන් බර්සි සහ එංගලන්තයේ සොෆී එක්ල්ස්ටෝන් යන අයගේ නම් යෝජනා වී තිබුණි.

චමරි අතපත්තු පසුගිය වසරේ සැප්තැම්බර් මස ක්‍රීඩිකාව ලෙස ද සම්මාන දිනාගත්තාය.

මැයි මාසයේ දී තරග හතරකට ක්‍රීඩා කළ ඇය එහි දී රැස්කරගත් ලකුණු සංඛ්‍යාව 151කි. එහි සාමාන්‍ය අගය 37.75ක් වේ.

එහි දී ඇය විසින් කඩුලු 06ක් දවා ගැනීමටයි සමත් වූවාය.

Continue Reading

ක්‍රීඩා

ශ්‍රී ලංකා කණ්ඩායමේ පරාජය ගැන තීක්ෂණ කතා කරයි

Published

on

By

20යි 20 ලෝක කුසලාන තරගාවලියේදී ශ්‍රී ලංකා කණ්ඩායම මෙතෙක් දැක්වූ දක්ෂතා පිළිබඳව කිසිසේත් සෑහීමකට පත්විය නොහැකි බව ශ්‍රී ලංකා දඟපන්දු යවන ක්‍රීඩක මහීෂ් තීක්ෂණ සඳහන් කළේය.

ඊයේ (11) මාධ්‍ය හමුවකට එක්වෙමින් ඔහු ඒ බව පැවසීය.

“අපි තරගාවලියට එද්දි හොඳ මානසිකත්වයත් තිබුණා. අපේ පන්දු යවන්නේ හොඳට කරලා තිබුණා. පන්දුවට පහරදෙන්නන් හොඳට කරලා තිබුණා අන්තිම තරගාවලීන් තුනේම. අපි ගොඩක් ඉස්සරහින් හිටියා තරගාවලියට එද්දි. මම හිතනවා ගොඩක් වැරදීම් වුණා කණ්ඩායමක් විදිහට. ඒ නිසා අපිට සුපිරි 08ට යන්න බැරි වුණා. ලොකුවටම දකින්නේ අපේ පිතිකරණයේ වුණ දේවල්. කන්ඩිෂන්වලට හැඩ ගැහුනේ නැති එක තමයි ලොකුම වැරැද්ද කියලා මම හිතනවා.”

නේපාලය සමඟ අද (12) පැවැත්වීමට නියමිතව තිබු තරගයට වර්ෂාවෙන් බාධා එල්ල වීම නිසා තරගය අත්හැර දැමීමත් සමඟ පන්දුවාර 20 ලෝක කුසලාන ක්‍රිකට් තරගාවලියේ සුපිරි 8 දෙනාගේ වටයට පිවිසීමට ශ්‍රී ලංකාවට තිබු  අවස්ථාව ගිලිහී ගියේය.

ශ්‍රී ලංකා – නේපාල තරගය වර්ෂාව හේතුවෙන් අත්හැර දැමීම නිසා කණ්ඩායම් දෙකටම එක් ප්‍රසාද ලකුණු බැගින් පිරිනැමුණි.

මෙවර තරගාවලියේ මූලික වටය යටතේ දකුණු අප්‍රිකාව සහ බංග්ලාදේශය සමග පැවති තරගවලදී ශ්‍රී ලංකා ක්‍රීඩකයින් දැක්වූ අතිශය දුර්වල ක්‍රීඩා විලාශය බොහෝ අයගේ විවේචනයට ලක්වූ අතර ශ්‍රී ලංකා පිතිකරුවන්  සිය වගකීම් කොටස නිසිලෙස ඉටු නොකිරීම එම පරාජයන්ට හේතුව ලෙස සැලකෙයි.

ශ්‍රී ලංකා කණ්ඩායම සහභාගී වන අවසන් තරගය නෙදර්ලන්තයට එරෙහිව එළඹෙන 17 වනදා ශාන්ත ලුෂියා හිදී පැවැත්වීමට නියමිතයි.

Continue Reading

Trending

Copyright © 2023 Sri Lanka Mirror. All Rights Reserved