Connect with us

ක්‍රීඩා

ඇමරිකානුවන්ගේ ක්‍රිකට් ඇම්ම ඉහලට!

Published

on

ඇමරිකාව කියන්නෙ ක්‍රීඩා වලින් ලෝකෙ අංක එකේ තියෙන රටක්.

ඔලිම්පික් වලත් ඇමරිකාවට තර්ජනයක් ගෙන දෙන්නේ රුසියාව හෝ චීනය පමණයි.

පැසිපන්දු වල අනභිබවනීය ශූරයෝත් ඇමරිකාවයි.

ක්‍රිකට් කියන්නෙ හැබැයි ඇමරිකාවට ආගන්තුක ක්‍රීඩාවක්. 

මීට දශකයකට දෙකකට කලින් ක්‍රිකට් කියන්නෙ මොකක්ද කියල  ඇමරිකානුවො දැන හිටියෙත් නැති තරම්. 

ඇමරිකානුවො කැමති බොහොම සුළු වෙලාවක් එක තැන ඉඳන් බලන් ඉන්න පුළුවන් කෙටි කාලීන ක්‍රීඩා වලටයි.

දවස් පහක් තිස්සෙ ගහන ටෙස්ට් ක්‍රිකට් ඔවුන් වැඩි දෙනෙකුට අරහන්.

ඒත් විස්සයි විස්ස වගේ ක්‍රිකට් ක්‍රීඩාවක් ඔවුන් අතර ටිකෙන් ටික ජනප්‍රිය වෙන්න  ගත්තා. 

ඒ අනුව හතු පිපෙන්න වගේ හැම තැනම ක්‍රිකට් ක්‍රීඩා සමාජ හා ක්‍රිකට් ක්‍රීඩාංගණ ඉදිවෙන්න පටන් ගත්තා. මිනිස්සුත් මොකක්ද මේ ක්‍රිකට් කියන්නෙ කියල තේරුම් ගන්න උනන්දු වුණා.  පොඩි පොඩි ක්‍රිකට් ක්‍රීඩාංගණ වල ගහන මැච් බලන්න පටන් ගත්තා.

මුලින්ම ඇමරිකන් ක්‍රිකට් වලට ඇතුළත් වුණේ කොදෙව්වොයි.

දැන් දැන් ඉන්දීය හා පකිස්තානු ජාතිකයො ඇමරිකානු ක්‍රිකට් වල ආදිපත්‍යයක් ගොඩ නගන් තියෙනවා.

ලංකාවෙන් ගිය ක්‍රීඩකයොත්  සෑහෙන පිරිසක් ඇමරිකාවේ දැන් ක්‍රිකට් ගහනවා.

කෝසල කුලසේකර, ඩිල්හාර ප්‍රනාන්දු, ඇන්ජෙලෝ පෙරේරා, සුජීව ද සිල්වා , ෂෙහාන් ජයසූරිය , අමිල අපෝන්සු වගෙ ලංකාවට ගහපු ක්‍රීඩකයොත් ඒ අතර ඉන්නවා. 

සජිත් ප්‍රනාන්දු කලක් එහි කණිෂ්ට තේරීම් කමිටු සාමාජිකයකු ලෙසත් කටයුතු කළා.

හැබැයි ලංකාවෙන් ගිය ක්‍රීඩකයකුට ඇමරිකානු පිලේ නියෝජන වරම් හිමි වෙන්න නම් ඒ රටේ අවුරුදු පහක් එහි දේශීය ක්‍රිකට් ගහන්න වෙනවා. 

දැනටත් ඇමරිකානු පිල නියෝජනය කරන්නෙ වැඩි හරියක් වෙන රටවලින් ආ ක්‍රීඩකයොයි. නවසීලන්ත පිල නියෝජනය කළ කොරී ඇන්ඩර්සනුත් දැන් ඇමරිකානු පිලේ නිත්‍ය සාමාජිකයෙක්.

ඇමරිකාව අයිසීසියේ ශ්‍රේණිගත කිරීම් වල ඉහළට ගෙනාවෙ මෑතක් වන තුරු එහි පුහුනුකරු ලෙස කටයුතු කළ  ලංකාවෙ පුබුදු දසනායකයි. දැන් ඔහු කැනඩා පිලේ පුහුණුකරු හැටියට කටයුතු කරනවා. 

විස්සයි විස්ස ලෝක කුසලාන ආරම්භක තරගයේදී කැනඩාවට එරෙහිව ලැබූ විශිෂ්ට ජයග්‍රහණය ඇමරිකානුවන්ගේ  ක්‍රිකට් උන්මාදය තව තවත් වැඩි වන්නට හේතුවක් වෙන බව නම් නොඅනුමානයි.

ඒ තරගයේදීත් ක්‍රීඩාංගණයේ සිටි ඇමරිකානු ප්‍රේක්ෂකයන්ගෙන් ඒ බව හොඳින්ම පෙනුණා.

කොහොම වුණත් මෙවර විස්සයි විස්ස ලෝක කුසලානය ඇමරිකානුවන්ට ඉදිරියේ ක්‍රිකට් වලිනුත් අනෙක් රටවලට අභියෝගයක් වන්නට හොඳ   අඩිතාලමක් වෙන බව සිකුරුයි.

@රංජන්

ක්‍රීඩා

ශ්‍රී ලංකා ක්‍රිකට් නව ව්‍යවස්ථා කෙටුම්පත ජනාධිපතිට

Published

on

By

ශ්‍රී ලංකා ක්‍රිකට් ආයතනයේ නව ව්‍යවස්ථා කෙටුම්පත ජනාධිපති රනිල් වික්‍රමසිංහ මහතා වෙත භාරදී තිබේ.

ශ්‍රී ලංකා ක්‍රිකට් ආයතනයේ සංයුතිය සහ ව්‍යුහය ප්‍රතිව්‍යුහගත කිරීමටත් ඉන් යෝජනා කර ඇති අතර එම වාර්තාව අද (15) ජනාධිපතිවරයාට භාරදුන්නේය.

විශ්‍රාමික විනිසුරු කේ. ටී. චිත්‍රසිරි මහතා ප්‍රමුඛ කමිටුවක් මගින් එම නව ව්‍යවස්ථා කෙටුම්පත සැකසීය.

සම්පූර්ණ නිවේදනය පහතින්,

Continue Reading

ක්‍රීඩා

2024 T20 තීරණාත්මක තරඟ කිහිපයක් අද

Published

on

By

2024 T20 ලෝක කුසලාන ක්‍රිකට් තරගාවලියේ අදපැවැත්වෙන 32 වැනි තරගයේ කාසියේ වාසිය දිනා ගැනීමට නවසීලන්ත කණ්ඩායම සමත්  විය.

උගන්ඩාව සමඟ පැවැත්වෙන මෙම තරඟයේ කාසියේ වාසිය දිනාගත් නවසීලන්තය තීරණය කළේ, පළමුවෙන් පන්දු රැකීමටයි.

ශ්‍රී ලංකා වේලාවෙන් අද උදෑසන 06.00ට ආරම්භ වූ තරගය පැවැත්වෙන්නේ  Brian Lara Stadium, Tarouba, Trinidad හිදීය .

ශ්‍රී ලංකා වේලාවෙන් අද අලුයම 05.00ට ආරම්භ වූ 31 වැනි තරගය වූ දකුණු අප්‍රිකා – නේපාල තරගයේ කාසියේ වාසිය හිමිකර ගැනීමට නේපාලය සමත් විය.

එමෙන්ම T20 ලෝක කුසලානයේ 33 වැනි තරගය ලෙසින් ඉන්දියාව සහ කැනඩාව සහභාගීවන තරගය ශ්‍රී ලංකා වේලාවෙන් අද රාත්‍රී 08.00 ට Central Broward Regional Park Stadium Turf Ground, Lauderhill, Florida හිදී ද, 34වැනි තරගය ලෙසින් නැමීබියාව සහ එංගලන්තය Sir Vivian Richards Stadium, North Sound, Antigua හිදි ශ්‍රී ලංකා වෙලාවෙන් අද රාත්‍රී 10.30ට තරග වැදීමට නියමිතය.

Continue Reading

ක්‍රීඩා

Nassau County ක්‍රීඩාංගණය ගලවා ඉවත්  කරයි?

Published

on

By

2024 පන්දුවාර විස්සයි විස්ස ලෝක කුසලාන ක්‍රිකට් තරගාවලිය වෙනුවෙන් අමෙරිකාවේ නිව්යෝක්හි තාවකාලිකව ඉදි කෙරුණු  නාසා කවුන්ටි ක්‍රීඩාංගණය බෙහෙවින් අවධානයට ලක්විය.

විදෙස් මාධ්‍ය වාර්තා කර ඇත්තේ, නාසා කවුන්ටි ලෙස නම් කරපු මේ ක්‍රීඩාංගණය ඉවත් කිරීමේ කටයුතු මේ වනවිට ආරම්භ කර ඇති බවයි.

ඒ, නිමාවූ ඉන්දු – අමෙරිකා තරගයෙන් අනතුරුවය.

ඩ්‍රොපිං පිච් හෙවත් පෙර සැකසූ තණතිලි තැම්පත් කිරීමේ ක්‍රමවේදයට අනුකූලව මෙම ක්‍රීඩාංගනය සකස් කර තිබූ අතර එවැනි තණතීරු 10කින් ක්‍රීඩා පිටිය සමන්විත විය.

නාසා කවුන්ටි ක්‍රීඩාංගණය සකස් කළේ ඔස්ට්‍රේලියාවේ ඇඩිලෙයිඩ් ටර්ෆ් ඉන්ටර්නැෂනල් ආයතනය විසින් වන අතර, මෙම ක්‍රීඩාංගණයේ දී එකවර ප්‍රේක්ෂකයින් 34,000 දහසකට අසුන් ගැනීමට හැකියාව තිබේ.

මෙම ක්‍රීඩාංගනයේ පළමු තරගය ලෙස පැවැත්වුණේ පන්දුවාර විස්සයි විස්ස ලෝක කුසලාන ක්‍රිකට් තරගාවලියේ ශ්‍රී ලංකා දකුණු අප්‍රිකා තරඟයයි.

මීට අමතරව, තරගාවලියේ ඉන්දු – අමෙරිකා, දකුණු අප්‍රිකා – බංග්ලාදේශ සහ ඉන්දු – පකිස්ථාන තරගද ඇතුළුව තරග 8ක් නාසා කවුන්ටි ක්‍රීඩාංගනයේදී පැවැත්විය.

Continue Reading

Trending

Copyright © 2023 Sri Lanka Mirror. All Rights Reserved