Connect with us

ක්‍රීඩා

ක්‍රිකට් තහනම ඉවත්කරන්නැයි ඉල්ලා ICCයට ලියුම් දෙකක්!

Published

on

ශ්‍රී ලංකා ක්‍රිකට් වෙත පනවා ඇති ජාත්‍යන්තර තහනම ඉවත් කරන ලෙස ඉල්ලමින් ක්‍රීඩා ඇමැති හරීන් ප්‍රනාන්දු මහතා ජාත්‍යන්තර ක්‍රිකට් කවුන්සිලයට ලිඛිතව ලිඛිත දැනුම්දීමක් කර ඇතැයි වාර්තා වේ.

ඒ මහතා ශ්‍රී ලංකා ක්‍රීඩා නීතිය යටතේ ක්‍රිකට් ව්‍යවස්ථාව ආරක්ෂා කරමින් පවතින නීති උල්ලංඝනය නොවන්නට මේවන විට කටයුතු කරමින් සිටින බවද ඔහු අයිසීසීය දන්වා තිබේ.

ක්‍රීඩා ඇමැතිවරයා අයිසීසීය වෙත යැවූ එම ලිඛිත දැනුම්දීම අනුව එහි විධායක කමිටුව රැස්වී ඉක්මනින් ශ්‍රී ලංකා ක්‍රිකට් වෙත පනවා ඇති ජාත්‍යන්තර තහනම ඉවත් කරනු ඇතැයි විශ්වාස කෙරේ.

මේ අතර, ක්‍රීඩා ඇමැතිවරයා විසින් අතුරු කමිටුව අවලංගු කිරීම සම්බන්ධව හා ශ්‍රී ලංකා ක්‍රිකට් ආයතනයේ ස්වාධීනත්වය සම්බන්ධව ජාත්‍යන්තර ක්‍රිකට් කවුන්සිලයට ශ්‍රී ලංකා ක්‍රිකට් ආයතනය විසින් ද ලිඛිත දැනුම්දීමක් කර ඇත.

එමඟින් ශ්‍රී ලංකා ක්‍රිකට්වලට පනවා ඇති ජාත්‍යන්තර තහනම ඉවත් කර ගැනීම පිළිබඳව අයිසීසීයේ අවධානය යොමු කර ඇතැයි පැවසේ. 

මේ ලිපි දෙකම ජාත්‍යන්තර ක්‍රිකට් කවුන්සිලයේ ඉදිරි විධායක කමිටුව රැස්වීමේදී සාකච්ඡාවට ගනු ඇතැයි පැවසේ.

අයිසීසීය හා ශ්‍රී ලංකා ක්‍රීඩා පරිපාලනය අතර, විශ්වාසය තහවුරු කර ගැනීමේ පළමු පියවර ලෙස ගැසට් පත්‍රයක් මඟින් පනවා තිබූ ක්‍රිකට් අතුරු කමිටුව අවලංගු කිරීමේ ගැසට් පත්‍රය ක්‍රීඩා ඇමැති හරීන් ප්‍රනාන්දු මහතා විසින් පසුගියදා ප්‍රසිද්ධියට පත් කළ අතර, ජාත්‍යන්තර ක්‍රිකට් කවුන්සිලය ශ්‍රී ලංකාවට පැනවූ ක්‍රිකට් තහනම ඉවත් කර ගැනීමේ අරමුණින් තමන් මේ තීරණය ගත් බව ක්‍රීඩා ඇමැතිවරයා සඳහන් සඳහන් කර ඇත.

ශ්‍රී ලංකා ක්‍රිකට් ආයතනය පිළිබඳව විගණකාධිපතිවරයා විසින් නිකුත් කර ඇති වාර්තාව සම්බන්ධයෙන් ඉදිරි පියවර ගැනීමට නීතිපතිවරයාට දැනුම්දුන් බවද ඔහු කියා සිටී.

එම විගණන වාර්තාව පිළිබඳව ජාත්‍යන්තර ක්‍රිකට් කවුන්සිලයේ නිරීක්ෂණ ලබා ගැනීම සඳහා ඔවුන් වෙත ලිඛිතව දැනුම්දීමට පියවර ගත් බවද ඇමැතිවරයා පවසයි. 

ඒ අනුව හිටපු ක්‍රීඩා ඇමැති රොෂාන් රණසිංහ මහතා විසින් පත්කරනු ලැබූ ක්‍රිකට් අතුරු කමිටුව අවලංගු විය.

ශ්‍රී ලංකා ක්‍රිකට් ආයතනයේ පවතින පරිපාලනමය ගැටලු හේතුවෙන් ශ්‍රී ලංකා ක්‍රිකට් තහනම් කිරීමට ජාත්‍යන්තර ක්‍රිකට් කවුන්සිලය පියවර ගත් අතර, එමඟින් ශ්‍රී ලංකා ක්‍රිකට් වෙත ලබා දෙන අරමුදල් සැපයීම දැඩි පාලනයකට යටත් කිරීමට ද තීරණය විය. 

මේ ජාත්‍යන්තර ක්‍රිකට් තහනම සමඟ 2024 ජනවාරි මාසයේදී ශ්‍රී ලංකාවේ පැවැත්වීමට නියමිත වූ 19න් පහළ ලෝක කුසලාන ක්‍රිකට් තරගාවලිය දකුණු අප්‍රිකාවේ පැවැත්වීමට අයිසීසීය තීරණය කළේය.

ජාත්‍යන්තර ක්‍රිකට් කවුන්සිලය ශ්‍රී ලංකාවට දැනුම් දී සිටියේ ක්‍රීඩාව දේශපාලනික බලපෑම්වලින් තොරව පවත්වා ගැනීම අත්‍යවශ්‍ය බවය.

ක්‍රීඩා

ඉන්දීය – පාකිස්ථාන තරඟයේ ආරක්ෂාව තර කරයි

Published

on

By

විස්සයි විස්ස ලෝක කුසලානයේ ඉන්දියා – පාකිස්ථාන තරගය පැවැත්වීමට නියමිත අයිසන්හවර් ක්‍රීඩාංගණය අවට ආරක්ෂාව තර කිරීමට ප්‍රාන්ත බලධාරීන් තීරණය කර තිබේ.

නිව්යෝක් ආණ්ඩුකාරවරයා මේ තීරණය ගෙන ඇත්තේ, ජුනි 09 වැනි දා පැවැත්වීමට නියමිත ඉන්දු – පාකිස්ථාන තරගයට ත්‍රස්ත ප්‍රහාරයක් එල්ල විය හැකි බවට පළවන වාර්තා හේතුවෙන් බව විදෙස් මාධ්‍ය වාර්තා කරයි.

ජුනි 3 වැනි දා සිට 12 වැනි දා දක්වා මෑන්හැටන් නගරයේ පිහිටා ඇති අයිසන්හවර් ක්‍රීඩාංගණයේ 20යි 20යි ලෝක කුසලාන ක්‍රිකට් තරගාවලියේ තරග 8ක් පැවැත්වීමට සැලසුම් කර ඇත.

විදෙස් මාධ්‍ය පවසන්නේ ත්‍රස්ත තර්ජන ජුනි 09 වැනිදා පැවැත්වීමට නියමිත ඉන්දු – පාකිස්ථාන තරගයට එල්ලවි තිබෙන අතර ප්‍රාන්ත බලධාරීන් විසින් ක්‍රීඩාංගණය අවට ආරක්ෂාව තර කර තිබෙන්නේ සති කිහිපයක සිට බවය.

මෙම තර්ජන සම්බන්ධයෙන් තවමත් නිශ්චිත තහවුරු කිරීම් නොමැති නමුත් ක්‍රීඩකයින්ගේ සහ ප්‍රේක්ෂකයින්ගේ ආරක්ෂාව තම ප්‍රමුඛ වගකීම බව නිව්යෝක් ආණ්ඩුකාරවරයා අවධාරණය කර සිටී.

Continue Reading

ක්‍රීඩා

හරීන්, ජාතික ක්‍රීඩා සංගම් හා සම්මේලන 4ක් තාවකාලිකව අත්හිටුවයි !

Published

on

By

වහාම ක්‍රියාත්මක වනපරිදි ජාතික ක්‍රීඩා සංගම් සම්මේලන 4ක ලියාපදිංචිය තාවකාලිකව අත්හිටුවීමට ක්‍රීඩා හා යෞවන කටයුතු අමාත්‍යාංශය පියවර ගෙන තිබේ.

ශ්‍රී ලංකා පාපැදි සම්මේලනය, රග්බි සංගමය, මෝටර් රථ සම්මේලනය සහ දැල්පන්දු සම්මේලනය යන සංගම් හා සම්මේලනවල ලියාපදිංචිය මෙලෙස අත්හිටුවා ඇති බව සඳහන් ය.

ඊට අදාළ ගැසට් නිවේදනය ද ප්‍රකාශයට පත් කර තිබේ.

අදාළ සංගම් හා සම්මේලනවල ඉදිරි කටයුතු සිදුකිරීම සහ ඊට අදාළ නිලවරණය කැඳවීම සඳහා නිසි බලධාරියා ලෙස ක්‍රීඩා සංවර්ධන දෙපාර්තමේන්තුවේ අධ්‍යක්ෂ ජනරාල්වරයා පත්කර ඇති බව සඳහන් ය.

Continue Reading

ක්‍රීඩා

පළමු පුහුණු තරගයේ ජය නෙදර්ලන්තයට

Published

on

By

20යි 20 ලෝක කුසලානය වෙනුවෙන් පැවැත්වුණු පළමු පුහුණු තරගයෙන් ලකුණු 20ක පරාජයක් ලැබීමට ශ්‍රී ලංකා කණ්ඩායමට සිදුවුණි.

ඒ නෙදර්ලන්ත කණ්ඩායම හමුවේය.

අමෙරිකාවේ ෆ්ලෝරිඩා හිදි පැවති තරගයේ කාසියේ වාසිය දිනු ශ්‍රී ලංකා කණ්ඩායම පළමුව පන්දුවට පහර දීමට නෙදර්ලන්ත කණ්ඩායමට ආරාධනා කළේය.

ඒ අනුව පිටියට පිවිසි නෙදර්ලන්ත කණ්ඩායම නියමිත පන්දුවාර 20 අවසානයේදී කඩුලු 5ක් දැවි ලකුණු 181ක් රැස්කර ගත්තේය.

ඩිල්ෂාන් මධුෂංක ලකුණු 39ට කඩුලු දෙකක් දවා ගැනීමට සමත් විය.

ශ්‍රී ලංකාවට ලෝක කුසලාන ක්‍රිකට් තරගාවලියේ පළමු වටයේදී ද නෙදර්ලන්තය සමඟ තරගයක් පැවැත්වෙන බැවින් ශ්‍රී ලංකා කණ්ඩායමේ  ප්‍රධාන පන්දු යවන්නන් වන වනිඳු හසරංග, මතීෂ පතිරණ සහ මහීෂ් තීක්ෂණ පන්දු යැවීම් සිදු වූයේ නැත.

ලකුණු 182ක ජයග්‍රාහි ඉලක්කයක් හඹා යෑමට පිටියට පිවිසි ශ්‍රී ලංකා කණ්ඩායමට පන්දුවාර 18යි පන්දු 5කදී සියලුදෙනා දැවි රැස්කරගත හැකි වූයේ ලකුණු 161ක් පමණි.

ශ්‍රී ලංකා මුල් පෙළ පිිතිකරුවන් අසාර්ථක වෙද්දි වනිඳු හසරංග පන්දු 15කින් ලකුණු 43ක් රැස්කිරීමට සමත්වුණි.

දසුන් ශානක ලකුණු පන්දු 20කදී නොදැවි ලකුණු 35ක් රැස්කළ අතර ධනංජය ද සිල්වා ලකුණු 31යි.

ශ්‍රී ලංකා කණ්ඩායම සහභාගි වන දෙවන පුහුණු තරගය මැයි 31 වැනිදා අයර්ලන්තයට එරෙහිව පැවැත්වීමට නියමිතව තිබේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved