Connect with us

ක්‍රීඩා

දියගමදී යුපුන්ගේ ඔලිම්පික් යාමේ සිහින බ‍ොඳ වෙයි!

Published

on

ශ්‍රී ලංකා මලල ක්‍රීඩා සංග­මය මෙහෙ­ය­වන 102 වැනි ජාතික මලල ක්‍රීඩා ශූර­තා­ව­ලිය වෙනු­වෙන්ම ඉතා­ලියේ පුහු­ණු­වීම් සිදු කර­මින් සිටි­යදී ශ්‍රී ලංකා­වට පැමිණි කෙටි දුර ධාවන ශූර යුපුන් අබේ­කෝන් ඊයේ (26) දිය­ගම ධාවන පථ­යේදී මීටර් 100 මූලික වටයේ තර­ග­යට සහ­භාගි වෙමින් සිටි­යදී ආබා­ධ­ය­කට ලක්වී ඉව­තට ගියේය.

මේ හේතු­වෙන් ශ්‍රී ලංකාවේ විශා­ල­තම ඔලි­ම්පික් බලා­පො­රො­ත්තු­වක් වූ යුපුන් අබේ­කෝන්ගේ ඔලි­ම්පික් සිහි­නය බොඳවී ගොස් ඇතැයි වාර්තා වේ.

මේ මස 30 වැනිදා ඔලි­ම්පික් උලෙ­ළට සහ­භාගි වන ක්‍රීඩ­ක­යන් තෝරා අව­සන් වන අතර යුපුන්ට තවත් එක් තර­ග­යක් ඉති­රිව තිබි­යදී ඔලි­ම්පික් අපේක්ෂා අත්හැර දම­න්නට සිදු­වීම කන­ගා­ටු­වට කරු­ණකි.

යුපුන්ගේ ආබා­ධය හේතු­වෙන් මේ 30 වැනිදා කොළ­ඹදී පැවැ­ත්වී­මට නිය­මිත ඔලි­ම්පික් අපේක්ෂා ඇති ශ්‍රී ලංකාවේ ප්‍රමු­ඛ­තම මලල ක්‍රීඩක ක්‍රීඩි­කා­වන් වෙනු­වෙන් පව­ත්වන අව­සන් තේරීම් තර­ග­යට සහ­භා­ගි­වීමේ අව­ස්ථාව ද අහිමි වී ගොස් ඇතැයි ශ්‍රී ලංකා මලල ක්‍රීඩා සංග­මයේ ලේකම් සමන් කුමාර ගුණ­ව­ර්ධන මහතා මාධ්‍යට පවසා තිබේ.

යම් හෙය­කින් ඔලි­ම්පික් උලෙ­ළට ශ්‍රී ලංකා­වෙන් කිසිදු ක්‍රීඩ­ක­යකු ඍජු සුදු­සු­කම් ලබා නොග­ත­හොත් ශ්‍රී ලංකාවේ ක්‍රීඩ­ක­ය­කුට ‘වයිල් කාඩ්’ ක්‍රමය යටතේ අව­ස්ථාව ලැබුණ ද, යුපුන් එයට නම් වුව­හොත් ඔලි­ම්පික් තර­ගා­ව­ලි­යට පෙර ඔහු මීටර් 100 තර­ග­ය­කට සහ­භාගි වී යෝග්‍ය­තාව සනාථ කළ යුතුව ඇතැයි ගුණ­ව­ර්ධන මහතා පැවැ­සීය.

මේ අතර ඔලි­ම්පික් සුදු­සු­කම් ලබා ගැනීමේ අපේ­ක්ෂා­වෙන් සිටින කාන්තා හෙල්ල විසි­කි­රීමේ ක්‍රීඩිකා දිල්හානි ලේකම්ගේ ඊයේ පැවැති තර­ග­යේදී මීටර් 55.77ක දක්ෂ­තා­වක් පෙන්වූ­වාය. 

එහි දෙවැනි තැන ඩී.එච්. මදු­වන්ති මීටර් 51.01කින් හා තෙවැනි තැනට පත් ඉමාෂා හසන්ති මීටර් 49.86ක දක්ෂ­තා­වක් දැක්වූ­වාය. 

මේ තත්ත්වය අනුව දිල්හානී ලේකම්ගේ ‘රෝඩ් ටු ඔලි­ම්පික්’ ශ්‍රේණි­ගත කිරීමේ පිය­වර කිහි­ප­යක් ඉදි­රි­යට යනු ඇතැයි ද වාර්තා වේ.

මීටර් 400 මූලික වටයේ තර­ග­ව­ලදී තත්පර 45.97ක දක්ෂ­තා­වක් දැක්වී­මට අරුණ දර්ශන සමත් වූ අතර කාලිංග කුමාර මූලික වට­යේදී තත්පර 46.33කින් තර­ගය නිම කළේය. 

ආර්.එන්. රාජ­ක­රුණා තත්පර 46.37කින් හා පබ­සර නිකූ තත්පර 46.76ක දක්ෂ­තා­වක් දැක්වූහ.

ජාතික මලල ක්‍රීඩා ශූර­තා­ව­ලියේ අව­සන් තරග අද දිය­ගම ක්‍රීඩාං­ග­ණ­යේදී පැවැත්වේ.

මූලාශ්‍රය – දින­මිණ

ක්‍රීඩා

ආසියානු හා ආබාධිත ආසියානු තරගාවලිවල පදක්කම් ලාභීන්ට මුදල් තෑගි පිරිනමයි

Published

on

By

ආසියානු තරගාවලියේ හා ආබාධිත ආසියානු තරගාවලියේ පදක්කම් ලාභීන්ට ක්‍රීඩා අමාත්‍යාංශය මගින් පොරොන්දු ප්‍රකාරව මුදල් පිරිනැමීම පසුගියදා ක්‍රීඩා අමාත්‍යාංශයේ ඩන්කන් වයිට් ශ්‍රවණාගාරයේදී පැවැත්විණ.

මෙහිදී රුපියල් කෝටි 12 කට අධික මුදලක් එම පදක්කම් ලාභීන් හා ඔවුන්ගේ පුහුණුකරුවන් අතර බෙදා දෙන ලදී. 

මෙම ප්‍රදානයන් ක්‍රීඩා, ඉඩම් හා සංචාරක අමාත්‍ය හරීන් ප්‍රනාන්දු මහතාගේ අතින් සිදු කෙරිණ. 

පැරිස් ඔලිම්පික් යන ක්‍රීඩක ක්‍රීඩිකාවන් හය දෙනාටද රුපියල් දස ලක්ෂය බැගින් මෙහිදී පිරිනැමිණ.

මෙම අවස්ථාවට ඔලිම්පික් කමිටු ලේකම් මැක්ස්වෙල් ද සිල්වා මහතාද සහභාගි විය.

ලබන ලද ජයග්‍රහණ අනුව වැඩිම මුදලක් ලැබුණු ක්‍රීඩිකාව වූයේ තරුෂි කරුණාරත්නයි.

Continue Reading

ක්‍රීඩා

ශ්‍රී ලංකා කාන්තා පිල ආසියානු කුසලාන පළමු ජය ලබයි

Published

on

By

ආසියානු කුසලාන කාන්තා ක්‍රිකට් තරගාවලියේ සිය පළමු ජය වාර්තා කිරීමට චමරි අතපත්තු ප්‍රමුඛ ශ්‍රී ලංකා කාන්තා කණ්ඩායම අද (20) සමත් විය.

ඒ බංග්ලාදේශ කාන්තා කණ්ඩායම කඩුලු 7කින් පරාජය කරමිනි.

රංගිරි දඹුල්ල ජාත්‍යන්තර ක්‍රිකට් ක්‍රීඩාංගණයේ පැවති එම තරගයේ කාසියේ වාසිය දිනා පළමුවෙන් පන්දුවට පහරදුන් බංග්ලාදේශ කාන්තා කණ්ඩායම නියමිත පන්දුවාර 20දී කඩුලු 7ක් දැවී ලකුණු 111ක් රැස් කළේය.

පන්දුයැවිමේදි උදේෂිකා ප්‍රබෝධනී සහ ඉනෝෂි ප්‍රියදර්ශනී කඩුලු දෙක බැගින් දවා ගත්තෝය.

ලකුණු  112ක ජයග්‍රාහී ඉලක්කයක් හඹා යාමට පිටියට පිවිසි ශ්‍රී ලංකා කාන්තා කණ්ඩායමට සාර්ථක අරම්භයක් ලබාදිමට නායිකා චමරි අතපත්තු සහ විශ්මි ගුණරත්න සමත්වූවෝය.

චමරි අතපත්තු ලකුණු 12ක් රැස් කළ අතර ශ්‍රී ලංකා කාන්තා කණ්ඩායම ජය මාවත විවර කර දුන් විශ්මි ගුණරත්න ලකුණු 51ක් රැස්කළ අතර හර්ෂිතා මාධවී ලකුණු 33ක් රැස් කළාය.

ඒ් අනුව ශ්‍රී ලංකා කාන්තා කණ්ඩායම පන්දුවාර 17යි එක්පන්දුවක් අවසානයේ කඩුලු 3ක් දැවී ජයග්‍රාහී සීමාව පසුකර ගියේය.

Continue Reading

ක්‍රීඩා

“ආසියානු කුසලානය ජයග්‍රහණය කළ හැකි බවට ලොකු විශ්වාසයක් තියෙනවා”

Published

on

By

2024 ආසියානු කුසලානය ශ්‍රී ලංකා කාන්තා පිළට ජයග්‍රහණය කළ හැකි බවට ලොකු විශ්වාසයක් ඇති බව ශ්‍රී ලංකා කාන්තා විස්සයි-20 කණ්ඩායමේ නායිකා චමරි අතපත්තු පවසන්නීය.

චමරි මේ බව සඳහන් කර සිටියේ තරඟාවලිය ආරම්භයට පෙර පැවති මාධ්‍ය හමුව අතරතුරේ අදහස් දක්වමිනි.

“ගොඩක් හොඳ සූදානමක් තියෙනවා. විශේෂයෙන්ම අපි පහුගිය අවුරුදු එකහමාර ගත්තහහ අපි නවසීලන්තය, දකුණු අප්‍රිකාව, එංගලන්තය සහ බටහිර ඉන්දීය කොදෙව් කියන කණ්ඩායම් පරාජයට පත් කළා. ලංකාවේ සහ ඔවුන්ගේ රටවලදී. මං හිතන්නේ හොඳ මානසිකත්වයකින් කණ්ඩායම ඉන්නවා. මේ ආකෘතිය ඕනෑම අවස්ථාවක වෙනස් වෙන්න පුලුවන්. දවසේ හොදට කරන කණ්ඩායම අනිවාර්යයෙන්ම ජයග්‍රහනය කරනවා. ඒ වගේම අපේ රටේ සෙල්ලම් කරන්නේ. අපේ උපරිමයම මේ තරගාවලියට දෙන්න බලාපොරොත්තු වෙනවා“ 

ඇය වැඩිදුරටත් සඳහන් කර සිටියේ, විස්සයි-20 අන්තර්ජාතික කාන්තා කණ්ඩායම් ශ්‍රේණිගත කිරීමට අනුව ආසියානු කලාපයේ ශ්‍රී ලංකාවට වඩා ඉදිරියෙන් සිටින්නේ ඉන්දියාව පමණි. තරගාවලි ඉතිහාසයේ ශ්‍රී ලංකා කණ්ඩායම මීට පෙර පස් වතාවක් අවසන් මහ තරඟ වරම් දිනාගැනීමට සමත්ව වුවත් එකම වරක් හෝ ශූරතා කුසලානයක් දිනා ගැනීමට ශ්‍රී ලංකාවට නොහැකි වී තිබේ. කෙසේ වෙතත් මෙවර තම දේශීය තත්ත්වයන් යටතේ ක්‍රීඩා කිරීමේදී එම ඉතිහාසයේ වෙනස් කිරීමට තමන් ඇතුළු කණ්ඩායම සතුව විශාල බලාපොරොත්තුවක් තිබෙන බවය.

“මේ පාර ශූරතාව දිනා ගන්න පුලුවන් වෙයි කියලා ලොකු විශ්වාසයකින් ඉන්නවා. එතැනදි හොද මානසිකත්වයකින් යුක්තව තරගයෙන් තරගය ක්‍රීඩා කරන එක වැදගත්. අපි දන්නවා අපි ගොඩක් හොඳට පසුගිය තරඟවලි සෙල්ලම් කරලා තියෙනවා කියලා. හොද කණ්ඩායම් අපි පරාජයට පත් කරලා තියෙනවා. එංගලන්තය එංගලන්තයෙදිත් දකුණු අප්‍රිකාව දකුණු අප්‍රිකාවේදීත්. හැබැයි ඒ හැම තරගයම කරලා ඉවරයි. ඒක ඉතිහාසයට ගිහිල්ලා ඉවරයි. මේක අලුත් දවසක්. අලුත් තරගයක්. ඒ තරගය අපි හොඳින් ක්‍රීඩා කරන එක තමයි වැදගත්. එහෙම තරගයෙන් තරගය ආවොත් අවසන් මහ තරගයට, අපි දන්නවා මොනවද කරන්න ඕන කියන එක. බලාපොරොත්තුවක් තියෙනවා වෙනසක් කරන්න මේ ආසියානු කුසලාන තරගාවලියෙදී“ 

Continue Reading
Advertisement

Trending

Copyright © 2023 Sri Lanka Mirror. All Rights Reserved