Connect with us

ක්‍රීඩා

ධනුෂ්කට ආයෙත් WhatsApp යන්න පුළුවන් හැබැයි පෙම් කෙළින්න බෑ

Published

on

ඔස්ට්‍රේලියාවේ පැවැති ලෝක කුසලාන විස්සයි 20 ක්‍රිකට් තරගාවලියට සහභාගි වෙමින් සිටියදී ලිංගික අතවර චෝදනාවට අත්අඩංගුවට පත්ව පසුව දැඩි ඇප කොන්දේසි මත නිදහස් කළ ශ්‍රී ලංකා ක්‍රිකට් ක්‍රීඩක ධනුෂ්ක ගුණතිලකගේ ඇප කොන්දේසි දෙකක් ලිහිල් කිරීමට ඊයේ (23) සිඩ්නි නුවර ඩෝනිං සෙන්ටර් අධිකරණය පියවර ගෙන ඇත.

ඔහු වෙනුවෙන් පෙනී සිටි අධිනීතිඥ එමා සුලිවාන් විසින් ඊයේ ධනුෂ්කගේ ඇප කොන්දේසි ලිහිල් කිරීමේ අභියාචනාව අධිකරණයට ඉදිරිපත් කර තිබිණි.

එය සලකා බැලූ මහේස්ත්‍රාත් ජෙනිෆර් ඇට්කින්සන් ධනුෂ්කට වට්ස්ඇප් සමාජ මාධ්‍යය භාවිත කිරීමටත්, රාත්‍රී කාලයේ නවාතැනින් පිටතට යෑමටත් අවසර ලබා දී ඇත.

මහේස්ත්‍රාත්වරිය මේ තීන්දුව ගෙන ඇත්තේ ඇප කාලසීමාව ඇතුළත ධනුෂ්ක යහපත් කල්ක්‍රියාවෙන් පසු වූ බවට ලද වාර්තාවකට අනුව බව ද සඳහන් වේ.

වට්ස්ඇප් සමාජ මාධ්‍යය භාවිත කිරීමට ඔහුට අවසර ලැබුණ ද, එය අවභාවිත කරමින් යළි පෙම් සබඳතා පැවැත්වීමට උත්සාහ නොගන්නා ලෙස තරයේ අවවාද කර ඇත.

එමෙන්ම වට්ස්ඇප් ගිණුම හැර ඔහුගේ සෙසු සමාජ මාධ්‍ය ජාලා තහනම තවදුරටත් ක්‍රියාත්මක බව ද දැනුම් දී තිබේ.

රාත්‍රී කාලයේ නවාතැනින් පිටතට යෑමේ තහනම ඉවත් කරන ලෙස ධනුෂ්කගේ නීතිඥවරිය අධිකරණයෙන් ඉල්ලා සිටි අවස්ථාවේදී පැමිණිල්ලේ නීතිඥ සොලිසිටර් ජොර්ජ් රික්සන් ඊට දැඩි ලෙස විරෝධතාව පළ කර ඇතැයි ද වාර්තා වේ.

ඔහුට එල්ල වූ ලිංගික අතවර චෝදනාවට අදාළ සිදුවීම වාර්තා වූයේ රාත්‍රී කාලයේ දී බැවින් නැවත රාත්‍රී කාලයේ එළිමහනේ සැරි සැරීමට අවසර දීම අවදානම් තත්ත්වයක් බව සොලිසිටර් රික්සන් අධිකරණයේදී තර්ක කර ඇත.

එහෙත් එවැනි සිදුවීමක් දිවා කාලයේ වුව ද සිදු විය හැකි බව සඳහන් කරමින් මහේස්ත්‍රාත්වරිය එම විරෝධතාව ප්‍රතික්ෂේප කර තිබේ.

ඔහු ඇප කාලසීමාව තුළ යහපත් කල්ක්‍රියාවෙන් පසු වූ බවත්, ඒ පිළිබඳ අධිකරණය සෑහිමකට පත්වන බවත් සඳහන් කරමින් ධනුෂ්ක ගුණතිලකට මහේස්ත්‍රාත් ජෙනිෆර් ප්‍රකාශ කර ඇත්තේ ඉදිරියේදී ද ඒ අයුරින් යහපත් කල්ක්‍රියාවෙන් යුතුව සිටින ලෙසටය.

ලිහිල් කළ ඇප කොන්දේසි උල්ලංඝනය කිරීමෙන් තවත් මාස ගණනාවකට සිරගත වීමට සිදුවනු ඇතැයි ද මහේස්ත්‍රාත්වරිය ධනුෂ්කට අනතුරු අඟවා තිබේ.

අනතුරුව ඔහුට එරෙහිව ඇති සාක්ෂි පිළිබඳ අධ්‍යයනය කළ අධිකරණය නඩු විභාගය ලබන අප්‍රේල් මාසය දක්වා කල් දැමීමට තීන්දු කර ඇත.

ඔස්ට්‍රේලියානු ජාතික 29 හැවිරිදි කාන්තාවකට ලිංගික අතවර කිරීමේ චෝදනාවට අනුව ධනුෂ්ක ගුණතිලක අත්අඩංගුවට පත් වූයේ පසුගිය නොවැම්බර් මාසයේ මුල් භාගයේදීය.

අත්අඩංගුවට පත් වීමෙන් පසු රාත්‍රීන් 11ක් පොලිස් රැඳවුම් භාරයේ ගත කළ ධනුෂ්ක ගුණතිලකට චෝදනා හතරක් යටතේ නඩු ගොනු කර තිබූ අතර, නොවැම්බර් මස 17 වැනිදා ඇප නියම වූයේ දැඩි කොන්දේසි රැසක් යටතේය.

ඒ අනුව ඔහුට නඩු විභාගය අවසන් වනතුරු රටින් පිටවීමත්, ඔහු අදාළ කාන්තාව සමඟ සම්බන්ධතාව ගොඩනඟාගත් ටින්ඩර් ඇතුළු මිතුරු ඇසුරු කිරීමේ කිසිදු වෙබ් අඩවියකට මෙන්ම ඔහුගේ පෞද්ගලික ගිණුම් ඇතුළත් සමාජ මාධ්‍ය අතරට ප්‍රවේශවීමත් සම්පූර්ණයෙන්ම තහනම් කර තිබිණි.

මීට අමතරව ඔහු අධිකරණයට ඉදිරිපත් කර ඇති නිශ්චිතව රැඳී සිටින ලිපිනය සඳහන් නිවෙසින් දිනපතා රාත්‍රී 9.00 සිට උදෑසන 6.00 දක්වා කාලය ඇතුළත පිටතට යෑම තහනම් කර තිබූ අතර, දෛනිකව සිඩ්නි නුවර පොලිසියට වාර්තා කළ යුතුව තිබිණි. ඔහුගේ ගුවන් ගමන් බලපත්‍රය ද අධිකරණ භාරයට ගත් අතර, ඔහුට රටින් පිටවිය හැකි කිසිදු ස්ථානයක් අසළට යෑම හෝ අදාළ කාන්තාවගේ නිවෙස පිහිටා ඇති පළාතට යෑම හෝ සපුරා තහනම් කර තිබිණි.

එහෙත් පසුව ඔහුට තනි කාමරයක් සහිත නිවෙසක පදිංචි වීමට අධිකරණය අවසර ලබා දී තිබිණි.

සබැඳි පුවත්

ධනුෂ්කගේ නඩුව පෙබරවාරි 23ට කල්  යයි  https://sinhala.srilankamirror.com/news/%e0%b6%b0%e0%b6%b1%e0%b7%94%e0%b7%82%e0%b7%8a%e0%b6%9a%e0%b6%9c%e0%b7%9a-%e0%b6%b1%e0%b6%a9%e0%b7%94%e0%b7%80-%e0%b6%b4%e0%b7%99%e0%b6%b6%e0%b6%bb%e0%b7%80%e0%b7%8f%e0%b6%bb%e0%b7%92-23%e0%b6%a7/

නීතිපති ධනුෂ්කට තරග තහනමක් නිර්දේශ කරයි!https://sinhala.srilankamirror.com/news/%e0%b6%b1%e0%b7%93%e0%b6%ad%e0%b7%92%e0%b6%b4%e0%b6%ad%e0%b7%92-%e0%b6%b0%e0%b6%b1%e0%b7%94%e0%b7%82%e0%b7%8a%e0%b6%9a%e0%b6%a7-%e0%b6%ad%e0%b6%bb%e0%b6%9c-%e0%b6%ad%e0%b7%84%e0%b6%b1%e0%b6%b8/

ධනුෂ්කට ඇපවුණ ඕස්ට්‍රේලිවේ සිටින ලාංකික කත කවුද?https://sinhala.srilankamirror.com/sports/%e0%b6%b0%e0%b6%b1%e0%b7%94%e0%b7%82%e0%b7%8a%e0%b6%9a%e0%b6%a7-%e0%b6%87%e0%b6%b4%e0%b7%80%e0%b7%94%e0%b6%ab-%e0%b6%95%e0%b7%83%e0%b7%8a%e0%b6%a7%e0%b7%8a%e0%b6%bb%e0%b7%9a%e0%b6%bd%e0%b7%92/

ක්‍රීඩා

ඩිලන්ත, GT4 යුරෝපියානු මෝටර් රථ තරගාවලියේ ඉසව්වකින් 2වැනි තැනට

Published

on

By

ඉතාලියේ මිසානෝ ජාත්‍යන්තර මෝටර් රථ ධාවන පථයේ පැවැති GT4 යුරෝපියානු තරගාවලියේ ඒ.කැන්ටු සමග යුගල ධාවනයක නිරත වූ ඩිලන්ත මාලගමුව එහි දෙවෙනි ස්ථානය දිනා ගැනීමට සමත් විය.

මෙහි දෙවෙනි තරගයට සහභාගි වූ ඩිලන්තගේ මෝටර් රථය අනතුරකට ලක්වීම නිසා විනාඩි 15 කට තරගයෙන් ඉවත්ව සිටීමට සිදුවුණද යළි තරගයට එක්ව තරගය අවසන් කිරීමට ඩිලන්ත හා සහායක රියදුරුට හැකි විය.

මෙම තරගාවලියේ මීළඟ තරගය ජූනි 28 දා ස්පාහිදී පැවැත්වේ.

Continue Reading

ක්‍රීඩා

රෝම් ස්ප්‍රින්ට් ෆෙස්ටිවල් හිදී යුපුන්ට 4වැනි ස්ථානය

Published

on

By

ඉතාලියේ පැවැත්වෙන රෝම් ස්ප්‍රින්ට් ෆෙස්ටිවල් හි මීටර 100 පිරිමි ඉසව්වට තරගවැදි ශ්‍රී ලංකාවේ කෙටි දුර ධාවන ශූර යුපුන් අබේකෝන් එම තරගය තත්ත්පර 10:21කින් නිමා කරමින් එහි සිව්වැනි ස්ථානයට පත්ව තිබේ.

කෙසේවුවද, ඔහුට මේ තරගයේදී ඔහුගේ හොඳම කාලය වන තත්ත්පර 10:18 සීමාව පසු කිරීමට නොහැකි වී ඇත.

ඔලිම්පික් වරම් අපේක්ෂාවෙන් ඔහු මේ තරගය සඳහා සහභාගි විය.

මේ අතර ජපානයේ පැවැත්වෙන සීකෝ ගෝල්ඩන් ග්‍රෑන්ඩ් ප්‍රික්ස් මළල ක්‍රීඩා තරඟාවලියේ මීටර 400 පිරිමි ඉසව්ව සඳහා කාලිංග කුමාර අද (19) ශ්‍රී ලංකා වේලාවෙන් පෙරවරු 11.47ට තරඟ වදීමට නියමිත බවද වාර්තා වේ.

Continue Reading

ක්‍රීඩා

යුපුන් අද තරඟ බිමට

Published

on

By

ඔලිම්පික් වරම් අපේක්ෂාවෙන් ශ්‍රී ලංකාවේ කෙටි දුර ධාවන ශූර යුපුන් අබේකෝන් අද (18) යළි ජාත්‍යන්තර තරඟ බිමට එක්වේ.

ඉතාලියේ පැවැත්වෙන රෝම් ස්ප්‍රින්ට් ෆෙස්ටිවල් හි මීටර 100 පිරිමි ඉසව්ව සඳහා එක්වන යුපුන් අබේකෝන් ශ්‍රී ලංකා වේලාවෙන් රාත්‍රී 10.25 ට තරඟ වැදීමට නියමිතය.

මේ අතර ජපානයේ පැවැත්වෙන සීකෝ ගෝල්ඩන් ග්‍රෑන්ඩ් ප්‍රික්ස් මළල ක්‍රීඩා තරඟාවලියේ මීටර 400 පිරිමි ඉසව්ව සඳහා කාලිංග කුමාර හෙට (19) ශ්‍රී ලංකා වේලාවෙන් උදෑසන 11.47ට තරඟ වදිනු ඇත.

Continue Reading
Advertisement

Trending

Copyright © 2023 Sri Lanka Mirror. All Rights Reserved