Connect with us

ක්‍රීඩා

බ්‍රැඩ්බි පළිහ පිට පිටම පස්වැනි වරටත් රාජකීයන්ට

Published

on

‘බ්‍රැඩ්බි’ පළිහ වාර්ෂික රග්බි තරගාවලියේ 77 වැනි තරගයේ දෙවැනි අදියර යටතේ අද (05) පැවැති තරගයෙන් ලකුණු 27-17ක් ලෙස ත්‍රිත්ව විදුහල පරදා රාජකීය විදුහල තියුණු ජයක් වාර්තා කිරීමට සමත් විය.

පසුගිවර ශූරයින් වූ රාජකීයයන් බ්‍රැඩ්බි පලිහ දිනූ 36 වැනි අවස්ථාව මෙයයි.

ශ්‍රී ලංකාවේ පාසල් රග්බි තරග අතර ප්‍රධානතම තරගයක් වන මේ තරගය අදියර දෙකකින් සමන්විතය.

මෙහි මහනුවරදී පැවැති පළමු අදියර ලකුණු 13-10 ක් ලෙස තරගය ජය ගැනීමට ත්‍රිත්ව විදුහල සමත් විය.

අදියර දෙකම අවසානයේ වැඩිම ලකුණු සංඛ්‍යාවක් රැස් කරන කණ්ඩායමට බ්‍රැඩ්බි පලිහ හිමි වේ.

ඒ අනුව එහි දෙවැනි අදියර අද පැවැත්වුණේ, කොළඹ රාජකීය විදුහල් ක්‍රීඩා සංකීර්ණයේදී.

අද තරගයේ පළමු අර්ධයේදී ලකුණු 17- 10ක් ලෙස රාජකීය විද්‍යාලීය කණ්ඩායම ඉදිරියෙන් සිටියේ ය.

එම අර්ධයේදී ත්‍රිත්ව විදුහල් කණ්ඩායමට රැස් කිරීමට හැකි වුණේ ලකුණු 10 ක් පමණි.

දෙවැනි අර්ධයේදී උත්සාහක දිනුම් 2ක් සමගින් රාජකීය කණ්ඩායම තවත් ලකුණු 10ක් රැස් කළේය.

එහිදී ත්‍රිත්ව ක්‍රීඩකයන්ට රැස් කිරීමට හැකිවූයේ ලකුණු 7ක් පමණි.

ඒ අනුව තරගයේ දෙවැනි අදියර ලකුණු 27ට 17ක් ලෙස කොළඹ රාජකීය විදුහල් කණ්ඩායම ජය ගත්තේ ය.

ජයග්‍රාහී රාජකීයයන්  වෙනුවෙන් එක් ගෝලයක් සහ  උත්සාහක දිනුම් 5ක් ඇතුළත් විය.

ඒ අනුව ලකුණු 37-30ක් ලෙස තරගය ජයගත් රාජකීය විදුහල් කණ්ඩායම බ්‍රැඩ්බි පලිහ අකණ්ඩව ජය ගත් පස්වැනි අවස්ථාව මෙයයි.

ක්‍රීඩා

ඩිලන්ත, GT4 යුරෝපියානු මෝටර් රථ තරගාවලියේ ඉසව්වකින් 2වැනි තැනට

Published

on

By

ඉතාලියේ මිසානෝ ජාත්‍යන්තර මෝටර් රථ ධාවන පථයේ පැවැති GT4 යුරෝපියානු තරගාවලියේ ඒ.කැන්ටු සමග යුගල ධාවනයක නිරත වූ ඩිලන්ත මාලගමුව එහි දෙවෙනි ස්ථානය දිනා ගැනීමට සමත් විය.

මෙහි දෙවෙනි තරගයට සහභාගි වූ ඩිලන්තගේ මෝටර් රථය අනතුරකට ලක්වීම නිසා විනාඩි 15 කට තරගයෙන් ඉවත්ව සිටීමට සිදුවුණද යළි තරගයට එක්ව තරගය අවසන් කිරීමට ඩිලන්ත හා සහායක රියදුරුට හැකි විය.

මෙම තරගාවලියේ මීළඟ තරගය ජූනි 28 දා ස්පාහිදී පැවැත්වේ.

Continue Reading

ක්‍රීඩා

රෝම් ස්ප්‍රින්ට් ෆෙස්ටිවල් හිදී යුපුන්ට 4වැනි ස්ථානය

Published

on

By

ඉතාලියේ පැවැත්වෙන රෝම් ස්ප්‍රින්ට් ෆෙස්ටිවල් හි මීටර 100 පිරිමි ඉසව්වට තරගවැදි ශ්‍රී ලංකාවේ කෙටි දුර ධාවන ශූර යුපුන් අබේකෝන් එම තරගය තත්ත්පර 10:21කින් නිමා කරමින් එහි සිව්වැනි ස්ථානයට පත්ව තිබේ.

කෙසේවුවද, ඔහුට මේ තරගයේදී ඔහුගේ හොඳම කාලය වන තත්ත්පර 10:18 සීමාව පසු කිරීමට නොහැකි වී ඇත.

ඔලිම්පික් වරම් අපේක්ෂාවෙන් ඔහු මේ තරගය සඳහා සහභාගි විය.

මේ අතර ජපානයේ පැවැත්වෙන සීකෝ ගෝල්ඩන් ග්‍රෑන්ඩ් ප්‍රික්ස් මළල ක්‍රීඩා තරඟාවලියේ මීටර 400 පිරිමි ඉසව්ව සඳහා කාලිංග කුමාර අද (19) ශ්‍රී ලංකා වේලාවෙන් පෙරවරු 11.47ට තරඟ වදීමට නියමිත බවද වාර්තා වේ.

Continue Reading

ක්‍රීඩා

යුපුන් අද තරඟ බිමට

Published

on

By

ඔලිම්පික් වරම් අපේක්ෂාවෙන් ශ්‍රී ලංකාවේ කෙටි දුර ධාවන ශූර යුපුන් අබේකෝන් අද (18) යළි ජාත්‍යන්තර තරඟ බිමට එක්වේ.

ඉතාලියේ පැවැත්වෙන රෝම් ස්ප්‍රින්ට් ෆෙස්ටිවල් හි මීටර 100 පිරිමි ඉසව්ව සඳහා එක්වන යුපුන් අබේකෝන් ශ්‍රී ලංකා වේලාවෙන් රාත්‍රී 10.25 ට තරඟ වැදීමට නියමිතය.

මේ අතර ජපානයේ පැවැත්වෙන සීකෝ ගෝල්ඩන් ග්‍රෑන්ඩ් ප්‍රික්ස් මළල ක්‍රීඩා තරඟාවලියේ මීටර 400 පිරිමි ඉසව්ව සඳහා කාලිංග කුමාර හෙට (19) ශ්‍රී ලංකා වේලාවෙන් උදෑසන 11.47ට තරඟ වදිනු ඇත.

Continue Reading
Advertisement

Trending

Copyright © 2023 Sri Lanka Mirror. All Rights Reserved