Connect with us

ක්‍රීඩා

මැම්බර් අදින රන්ජන් විෂිෂ්ඨතම ක්‍රීඩා මාධ්‍ය සම්මානයකට පාත්‍ර වෙයි

Published

on

‘සිල්ක් ස්පෝර්ට්ස්’ 8 වැනි සම්මාන උළෙලේදී ක්‍රීඩා පුවත්පත් කලාවට විශිෂ්ඨ දායකත්වයක් ලබාදුන් බර්නි විජේසේකර සිල්ක් සම්මානය ශ්‍රී ලංකා මිරර් හි රන්ජන්ගේ මැම්බර් කාටුනයේ නිර්මාන හිමිකරු ජ්‍යෙෂ්ඨ මාධ්‍යවේදී රන්ජන් පරණවිතාන මහතාට හිමිය.

මෙරට ක්‍රීඩා ක්ෂේත්‍රය තුළ දස්කම් දක්වන ක්‍රීඩක ක්‍රීඩිකාවන් ඇගැයීම වෙනුවෙන් වසර 2015 දී ආරම්භ වූ මෙම සම්මාන උළෙල මධ්‍යස්ථ විනිසුරු මණ්ඩලයක් විසින් නිර්දේශ කරනු ලබන නාමයෝජනා අතුරින් මහාචාර්ය රියර් අද්මිරාල් ශෙමාල් ප්‍රනාන්දු මහතාගේ සහ ආචාර්ය හර්ෂ බී. අබේකෝන් මහත්වරුන්ගේ සම සභාපතිත්වයෙන් යුතු විශේෂ ජූරි සභාවකින් සිල්ක් ස්පෝර්ට්ස් සම්මානලාභීන් තෝරා ගැනීම සිදුවේ.

 මෙම සම්මාන උළෙල්දී ප්‍රධාන ක්‍රීඩා සම්මාන 8ක් පිරිනැමුණු අතර සිල්ක් ජීවිතකාලීන ජයග්‍රහණ සම්මානය පිරිනැමුණේ ශ්‍රී ලංකා පළමු ලෝක කුසලාන ක්‍රිකට් නායක අනුර තෙන්නකෝන් මහතාටය.

රන්ජන් අයියාට මොකෝ මේ සම්මාන…

මේ අතර, රන්ජන් පරණවිතාන මහතා මේ සම්මාන උළෙලේදී මෙසේ ඇගයීමට ලක්වීමට හේතුවූ කරුණු ගැන ප්‍රවීන ක්‍රීඩා මාධ්‍යකරුවකු වන නිශ්මං රණසිංහ විසින් සටහන් තබා තිබුණේ මෙසේය.

අන්නාසි මාමා යනු ක්‍රීඩා මාධ්‍ය කලාව තුළ අතිශයින්ම ජනප්‍රිය වූ කොළමකි.ඒහි ලිවිම් අතිශයින්ම සියුම්ය.සියුම් ආකාරයට පතුලටම කිදා බසින සේ පහුරු ගෑම සමත් ඒ ලිවීම් මේ කාලයේ නිහඬව තිබෙන්නේ ඔහු ශ්‍රී ලංකා ක්‍රිකට් කණිෂ්ඨ ජාතික තේරීම් කමිටු සාමාජිකයෙක් සේ භාර දූර වගකීමක නියැලෙන බැවිනි.

ක්‍රිකට් ක්‍රීඩකයෙක්,මලල ක්‍රීඩකයෙක්,පාපන්දු ක්‍රිඩකයෙක් ආදී බොහෝ ක්‍රීඩා විෂයන් හි නියැලි අන්නාසි මාමා,ක්‍රිකට් ක්‍රීඩකයෙක් හැටියට දිගට ක්‍රියාත්මක විය.ක්‍රිකට් පුහුණුකරුවෙක් හැටියට ද ක්‍රිකට් ක්‍රීඩා කරන අවධියේම ක්‍රියාත්මක වූ රංජන් පරණවිතාන දුලිප් ලියනගේ ගේ සිට කළුතරින් පැමිණි බොහෝ ක්‍රීඩකයින් පිටුපස සිටි දැවන්ත ශක්තිය විය.
ජනමාධය කලාවට ඔහුගේ ප්‍රවේශය කතා කරුවෙක් සහ චිත්‍ර ශිල්පියෙක් විදිහටය.අපූරු රසවත් ලියන්නෙක් මෙන්ම අඳින්නෙක් ද වන අන්නාසි මාමා කාටුන් කලාවේද අති දක්ෂයෙක්ය.අන්නාසි මාමාගේ නම ඒළියට එන්නේම කොළමට පසුව ඔහුගේ ජනප්‍රිය රංජන්ගේ මැම්බර් හරහා ය.ඒ හැරෙන්ට ඔහුට ප්‍රවාත්ති මාධ්‍යයේද පෑන සහ කැමරාව දෙකම හොඳට හුරුය.

පසුව ක්‍රිඩා මාධ්‍යවේදියෙක් ලෙස මෙන්ම ක්‍රීඩා සංස්කාරකවරයෙක් ලෙස ලක්බිම පුවත්පත හරහා මේ රටේ තීරණාත්මක මැදිහත්වීමක් ක්‍රීඩාව වෙනුවෙන් කරන්නට මඟ පෙන්වූ රංජන් පරණවිතාන නොහොත් අන්නාසි මාමාට හැකි විය.ක්‍රීඩා මාධ්‍ය කලාවේ දී රංජන් ගේ ඇල්ම බැල්ම හැම ක්‍රීඩාවකටම වැටුණු අතර ඒ ක්‍රීඩාවන් ගැන තිබුණ ප්‍රමාණාත්මක දැණුම නිසා ද ඔහුගේ පිටුවල ලියැ වි ක්‍රිඩා තාර්කිකව සහ ක්‍රීඩාවේ තාක්ෂණික පැත්තෙන් ද පෝෂණය වි තිබුණේය.එහි මඳ හෝ අඩුවක් තිබුණහොත් එය පෝෂණය කළ යුත්තේ කෙසේද කියන්නට ද ඔහු දැන උන්නේය.

ඔහුගේ පිටු සංස්කරණය ඇතුළත බොහෝ දක්ෂයන්ට, ලංකාවේ විවිධ ක්‍රීඩාවල නිසි තැන් ලබන්නට,නිසි අවස්ථාවන් දින‌ා ගන්නට සමත් වූ වාර සුවිශාලය.සුවිශේෂය.මේ සියල්ල සළකා මෙවර සිල්ක් සම්මාන උළෙලේදී ජීවිතයේ ඒක් වරක් පමණක් දිනා ගත් හැකි ක්‍රීඩා මාධ්‍යවේදීන් වෙනුවෙන් පිරිනැමෙන සම්මානය රංජන් පරණවිතානට පිරිනමන්නට යෙදිණි.ස්ර්,මිස්ටර් කෑලිවලට අකමැති රංජන් බොහෝ විට තමන්ගේ යටතේ සිටින සියලු මාධ්‍යවේදීන්ගේ අයියා ය.සමහර විට ඔහු සමාජයටම අයියා කෙනෙකි.පැහැදිළිවම ඔහුට වඩා වයස අය ද රන්ජන් අයියා කියන්නේ එය ඔහුව හඳුන්වන ගෞරවාර්ථ පදයක් සේ සළකා ය.

වයසට යන්නෙ නැති පෙණුම මෙන්ම දැණුමද හැමවිටම තාරුණ්‍යයේ රඳවා ගන්නට සමත් රන්ජන් පරණවිතානගේ අනාගත භාවිතාවන් ලංකාවේ ක්‍රිකට් ප්‍රමුඛ සියලු ක්‍රීඩාවන්ට මඟ පෙන්වන තරු වැලක් වේවා යන්න අපේ පැතුමය.

වීඩියෝ අනුග්‍රහය – අද දෙරණ

ක්‍රීඩා

හර්දික් පාණ්ඩ්‍යා ට තරඟ තහනමක්

Published

on

By

මුම්බායි ඉන්දියන්ස් කණ්ඩායමේ නායක හර්දික් පාණ්ඩ්‍යා ට ඉන්දීය ක්‍රිකට් පාලක මණ්ඩලය විසින් තරග තහනමක් සහ දඩ මුදලක් නියම කර තිබේ.

ඒ ඉන්දීය ප්‍රිමියර් ලීග් ක්‍රිකට් තරගාවලියේ මුම්බායි ඉන්දියන්ස් කණ්ඩායම ඊයේ සහභාගී වූ අවසන් තරගයේදී අඩු පන්දුවාර වේගයක් පවත්වාගෙන යාම හේතුවෙනි.

හර්දික් පාණ්ඩ්‍යාට දඩයක් හා එක් තරග තහනමක් පනවා ඇති බව සඳහන් ය.

ඉන්දීය මාධ්‍ය වාර්තා කරන්නේ,  කණ්ඩායමේ සෙසු ක්‍රීඩකයින්ට ද ඉන්දීය රුපියල් ලක්ෂ 12ක දඩයක් හෝ තරග ගාස්තුවෙන් 50%ක් නියම කර ඇති බවය.

අවස්ථා 05ක දී අයි.පී.එල් ශූරතාව හිමිකරගෙන ඇති මුම්බායි ඉන්දියන් කණ්ඩායමට මෙවර තරගාවලියේ ජයගැනීමට හැකිවූයේ නියමිත තරග 14න් 04ක් පමණක් වන අතර ඒ හේතුවෙන් ඔවුන් ප්‍රසාද ලකුණු සටහනේ අවසන් ස්ථානයට පත්වුණි.

Continue Reading

ක්‍රීඩා

ක්‍රිකට් ලොක්කෙක්ට එරෙහිව අධි චෝදනා

Published

on

By

පල්ලෙකැලේ ජාත්‍යන්තර ක්‍රිකට් ක්‍රීඩාංගණයේ පැවැති “ලෙජන්ට් ට්‍රොපි 2024” ක්‍රිකට් තරගාවලියේදී මුදලට තරග පාවා දීමට විදේශීය ක්‍රීඩකයින්ට බලපෑම් කළේ යැයි කියන ඉන්දීය ක්‍රිකට් කළමනාකාර පෙචලෝඩියා ආකාශ් සැකකරුට එරෙහිව මහනුවර මහාධිකරණය හමුවේ අධි චෝදනා ගොනු කරන බව ක්‍රීඩා වැරදි වැළැක්වීමේ විශේෂ ඒකකය විසින් කොළඹ ප්‍රධාන මහේස්ත්‍රාත් තිළිණ ගමගේ මහතා ඉදිරියේ කරුණු දක්වමින් ඊයේ (17) පවසන ලදී.

රෝයල් පංජාබ් කණ්ඩායමේ කළමණාකාරවරයා ලෙස කටයුතු කරමින් එංගලන්ත ක්‍රිකට් ක්‍රීඩක ෆිල්ම්ස්ටඩ්ට හා නවසීලන්ත ක්‍රීඩක නිල් බෲට මුදලට තරග පාවාදීම සඳහා බලපෑම් කළේ යැයි චෝදනා කරමින් මෙම නඩු පවරා තිබුණි.

එම ක්‍රිකට් තරගාවලියේදී මුදලට තරග පාවා දීමට උපුල් තරංග ක්‍රීඩකයාට බලපෑම් කිරීමට එරෙහිව කැන්ඩි සෑම් ආමි කණ්ඩායමේ ක්‍රිකට් කළමණාකාර යෝගි පටෙල්ට එරෙහිව මාතලේ මහාධිකරණය හමුවේ පැවරූ අධිචෝදනා නඩුවේ විභාගය ජූලි මස 08 දින ආරම්භ වීමට නියමිතය.

Continue Reading

ක්‍රීඩා

ICC T20 පුහුණු තරග කාලසටහන නිකුත් වෙයි

Published

on

By

ජුනි මස ආරම්භ කිරීමට නියමිත තිබෙන 2024 විස්සයි විස්ස ලෝක කුසලාන ක්‍රිකට් තරගාවලියේ පුහුණු තරග කාලසටහන ජාත්‍යන්තර ක්‍රිකට් කවුන්සිලය විසින් නිකුත් කර තිබේ.

තරගාවලියට පෙර ශ්‍රී ලංකා කණ්ඩායම පුහුණු තරග දෙකකට සහභාගී වීමට නියමිතව තිබෙන අතර ඔවුන් නෙදර්ලන්තය සහ අයර්ලන්තයට එරෙහිව තරග වැදීමට නියමිතය.

පුහුණු තරග මැයි 27 සිට ජුනි 01 දක්වා පැවැත්වීමට සැලසුම් කර තිබේ.

ශ්‍රී ලංකාව සිය පළමු පුහුණු තරගය සඳහා නෙදර්ලන්ත කණ්ඩායම සමඟ මැයි 28 වැනිදා ක්‍රීඩා කිරීමට නියමිතය.

එම තරගයෙන් පසු ශ්‍රී ලංකා ක්‍රීඩකයින් දෙවැනි පුහුණු තරගය අයර්ලන්ත කණ්ඩායමට එරෙහිව ක්‍රීඩා කිරීමට නියමිත අතර එම තරගය මැයි මස 30 වැනිදා පැවැත්වීමට සැලසුම් කර තිබේ.

2024 ලෝක කුසලාන ක්‍රිකට් තරගාවලිය ආරම්භ කරමින් ජුනි මස 02 දා ඇමරිකා එක්සත් ජනපදය සහ කැනඩාව පළමු තරගය ක්‍රීඩා කිරීමට නියමිතය.

ශ්‍රී ලංකාව සහභාගී වන පළමු තරගය ජුනි මස 03 වැනිදා දකුණු අප්‍රිකාව සමඟින් නිව්යෝක් හී පැවැත්වේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved