Connect with us

ක්‍රීඩා

ලෝක කුසලානයට යන දැල්පන්දු සංචිතය නම් කරයි; තර්ජනිත් ඒ අතර

Published

on

ලබන ජූලි 28 වැනිදා දකුණු අප්‍රිකාවේ කේප් ටවුන්හිදී ආරම්භ වීමට නියමිත දැල්පන්දු ලෝක ශූරතාව සඳහා සහභාගි වන 20 දෙනෙකුගෙන් යුත් ශ්‍රී ලංකා මූලික සංචිතය ඊයේ (09) නම් කර තිබේ.

මෙම සංචිතයට සුපුරුදු පරිදි ආසියානු ශූරතාව දිනූ කණ්ඩායම් නායිකා ගයාන්ජලී අමරවංස සහ උප නායිකා දුලන්ගි වන්නිතිලක ඇතුළත්ව සිටී.

මේ අතර ශ්‍රී ලංකා දැල්පන්දු කණ්ඩායමේ සිටින ප්‍රධානතම තුරුම්පුව වූ තර්ජනී සිවලිංගම් ද මෙවර ලෝක කුසලානයට ඇතුළත්ව සිටීම විශේෂත්වයකි.

ඊට අමතරව යොවුන් ක්‍රීඩිකා මල්මි හෙට්ටිආරච්චි ද මෙම සංචිතයට කැඳවා තිබේ.

‘සී’ කාණ්ඩයෙන් තරග වදින ශ්‍රී ලංකාව එම කාණ්ඩයෙන් සත්කාරක දකුණු අප්‍රිකාව, ජැමයිකාව සහ වේල්සය සමගින් තරග වදිනු ඇත.

ශ්‍රී ලංකා කණ්ඩායමේ පුහුණුකාරිනිය වශයෙන් තිලකා ජිනදාස මහත්මිය කටයුතු කරනු ලබයි.

නම්කර ඇති ශ්‍රී ලංකා සංචිතය මෙසේය.
තිසාලා අල්ගම, සෙමිනි අල්විස්, ශානිකා පෙරේරා, හංසිමා දිසානායක, ඉමාෂා පෙරේරා, ගයාන්ජලී අමරවංස, රශ්මි පෙරේරා, රුක්ෂලා හපුආරච්චි, පාරමි කොඩිතුවක්කු, චමුදි වික්‍රමරත්න, දුලංගි වන්නිතිලක, මල්මි හෙට්ටිආරච්චි, තරුෂි නවෝද්‍යා, ගයනි දිසානායක, චතුරංගි ජයසූරිය, දුලාංජලී සුරවීර, ගයත්‍රී කෞෂල්‍යා, ඉෂානි මධුෂිකා, තර්ජනී සිවලිංගම්, භාෂිණි යෝෂිතා.

ක්‍රීඩා

පළමු පුහුණු තරගයේ ජය නෙදර්ලන්තයට

Published

on

By

20යි 20 ලෝක කුසලානය වෙනුවෙන් පැවැත්වුණු පළමු පුහුණු තරගයෙන් ලකුණු 20ක පරාජයක් ලැබීමට ශ්‍රී ලංකා කණ්ඩායමට සිදුවුණි.

ඒ නෙදර්ලන්ත කණ්ඩායම හමුවේය.

අමෙරිකාවේ ෆ්ලෝරිඩා හිදි පැවති තරගයේ කාසියේ වාසිය දිනු ශ්‍රී ලංකා කණ්ඩායම පළමුව පන්දුවට පහර දීමට නෙදර්ලන්ත කණ්ඩායමට ආරාධනා කළේය.

ඒ අනුව පිටියට පිවිසි නෙදර්ලන්ත කණ්ඩායම නියමිත පන්දුවාර 20 අවසානයේදී කඩුලු 5ක් දැවි ලකුණු 181ක් රැස්කර ගත්තේය.

ඩිල්ෂාන් මධුෂංක ලකුණු 39ට කඩුලු දෙකක් දවා ගැනීමට සමත් විය.

ශ්‍රී ලංකාවට ලෝක කුසලාන ක්‍රිකට් තරගාවලියේ පළමු වටයේදී ද නෙදර්ලන්තය සමඟ තරගයක් පැවැත්වෙන බැවින් ශ්‍රී ලංකා කණ්ඩායමේ  ප්‍රධාන පන්දු යවන්නන් වන වනිඳු හසරංග, මතීෂ පතිරණ සහ මහීෂ් තීක්ෂණ පන්දු යැවීම් සිදු වූයේ නැත.

ලකුණු 182ක ජයග්‍රාහි ඉලක්කයක් හඹා යෑමට පිටියට පිවිසි ශ්‍රී ලංකා කණ්ඩායමට පන්දුවාර 18යි පන්දු 5කදී සියලුදෙනා දැවි රැස්කරගත හැකි වූයේ ලකුණු 161ක් පමණි.

ශ්‍රී ලංකා මුල් පෙළ පිිතිකරුවන් අසාර්ථක වෙද්දි වනිඳු හසරංග පන්දු 15කින් ලකුණු 43ක් රැස්කිරීමට සමත්වුණි.

දසුන් ශානක ලකුණු පන්දු 20කදී නොදැවි ලකුණු 35ක් රැස්කළ අතර ධනංජය ද සිල්වා ලකුණු 31යි.

ශ්‍රී ලංකා කණ්ඩායම සහභාගි වන දෙවන පුහුණු තරගය මැයි 31 වැනිදා අයර්ලන්තයට එරෙහිව පැවැත්වීමට නියමිතව තිබේ.

Continue Reading

ක්‍රීඩා

චීනයේ දී රන් දිනූ අරුණ

Published

on

By

“Belt and Road” ආරාධිත මලල ක්‍රීඩා ශූරතාවලියේ පිරිමි මීටර් 400 ඉසව්වේ ප්‍රථම ස්ථානය ශ්‍රී ලාංකික ක්‍රීඩක අරුණ දර්ශන විසින් හිමිකරගත්තේය.

එහිදී ඔහු මීටර් 400 ඉසව්ව නිමකිරීමට ගතකළ කාලය තත්පර 45.48කි.

“Belt and Road” ආරාධිත මලල ක්‍රීඩා ශූරතාවලිය චීනයේදී පැවැත්වෙයි.

Continue Reading

ක්‍රීඩා

T20 ලෝක කුසලානයේ ශ්‍රී ලංකාවේ පළමු තරඟය අද

Published

on

By

පන්දුවාර 20යි 20 ලෝක කුසලාන ක්‍රිකට් තරගාවලියේ ශ්‍රී ලංකාව සහභාගී වන පළමු පුහුණු තරගය අද (28) පැවැත්වේ.

ඒ, නෙදර්ලන්තයට එරෙහිවයි.

2024 පන්දුවාර 20යි 20 ලෝක කුසලාන ක්‍රිකට් තරගාවලිය අමෙරිකාවේ සහ බටහිර ඉන්දීය කොදෙව් දූපත්වල සත්කාරකත්වයෙන් පැවැත්වේ.

ශ්‍රී ලංකාව එහි මූලික වටයේදී තරග කරන්නේ ඩී. කාණ්ඩයෙනි.

ශ්‍රී ලංකා කණ්ඩායම සහ නෙදර්ලන්තය අතර පුහුණු තරගය අමෙරිකාවේ ලවුඩර්හිල්හිදී පැවැත්වීමට නියමිතය.

අද තරගය මෙරට වේලාවෙන් රාත්‍රී 8.00 ට ආරම්භ වීමට නියමිතව ඇත.

Continue Reading
Advertisement

Trending

Copyright © 2023 Sri Lanka Mirror. All Rights Reserved