Connect with us

ක්‍රීඩා

විස්සයි විස්ස ලෝක කුසලාන තීරණාත්මක තරග දෙකක් අද

Published

on

පන්දුවාර 20යි 20 ලෝක කුසලාන ක්‍රිකට් තරගාවලියේ සුපිරි 12 දෙනාගේ වටයේ පළමු කාණ්ඩයේ තීරණාත්මක තරග දෙකක් අද (04) පැවැත්වීමට නියමිතය.

ප්‍රසාද ලකුණු සටහනේ පෙරමුණේ පසුවන නවසීලන්තය සහ එහි පස්වැනි ස්ථානය හිමි අයර්ලන්තය මෙරට වෙලාවෙන් උදෑසන 9. 30ට තරග වැදීමට නියමිතව ඇත.

පළමු කාණ්ඩයේ ලකුණු සටහනට අනුව පිළිවෙළින් පළමු, දෙවැනි සහ තුන්වැනි ස්ථානවල පසු වන්නේ නවසීලන්තය, එංගලන්තය සහ ඔස්ට්‍රේලියාවයටයි.

ඔවුන් ලකුණු 5 බැගින් ලබා ඇති අතර ශූද්ධ ලකුණු රැස් කිරීමේ වේගය මත ඉහත ස්ථානවල රැඳී සිටී.

ප්‍රසාද ලකුණු 5ක් ලබා සිටින නවසීලන්තය මෙම තරගය ජය ගැනීමට සමත් වුවහොත්, අවසන් පූර්ව වටයේ ස්ථානය වෙනුවෙන් ඔවුන්ගේ බලාපොරොත්තු ඉහළ යනු ඇත.

මේ අතර අද දිනයේ පැවැත්වීමට නියමිත දෙවැනි තරගය ඔස්ට්‍රේලියාව සහ ඇෆ්ගනිස්ථානය අතර පැවැත්වේ.

ඔස්ට්‍රේලියාව සහ ඇෆ්ගනිස්ථානය පන්දුවාර 20යි 20 තරග බිමකදී පළමුව මුණගැසෙන්නේ මෙම තරගයෙදී වීම විශේෂත්වයකි.

අද දිනයට නියමිත තරග දෙකම ඇඩිලේඩ් ක්‍රීඩාංගණයේදී පැවැත්වීමට නියමිත අතර විදෙස් වාර්තා පවසන්නේ ඇඩිලේඩ් ක්‍රීඩාංගණය ආශ්‍රිත ප්‍රදේශයට යහපත් කාලගුණ තත්ත්වයක් පවතිනු ඇති බවයි.

අවසන් පූර්ව වටයේ තම ස්ථාන තහවුරු කර ගැනීම සඳහා කරට කර තරගයක නිරත වන ශ්‍රී ලංකාව ඇතුළු කණ්ඩායම්වලට මෙම තරග දෙකේ ප්‍රතිඵල අතිශය වැදගත් වේ.

ක්‍රීඩා

රෝම් ස්ප්‍රින්ට් ෆෙස්ටිවල් හිදී යුපුන්ට 4වැනි ස්ථානය

Published

on

By

ඉතාලියේ පැවැත්වෙන රෝම් ස්ප්‍රින්ට් ෆෙස්ටිවල් හි මීටර 100 පිරිමි ඉසව්වට තරගවැදි ශ්‍රී ලංකාවේ කෙටි දුර ධාවන ශූර යුපුන් අබේකෝන් එම තරගය තත්ත්පර 10:21කින් නිමා කරමින් එහි සිව්වැනි ස්ථානයට පත්ව තිබේ.

කෙසේවුවද, ඔහුට මේ තරගයේදී ඔහුගේ හොඳම කාලය වන තත්ත්පර 10:18 සීමාව පසු කිරීමට නොහැකි වී ඇත.

ඔලිම්පික් වරම් අපේක්ෂාවෙන් ඔහු මේ තරගය සඳහා සහභාගි විය.

මේ අතර ජපානයේ පැවැත්වෙන සීකෝ ගෝල්ඩන් ග්‍රෑන්ඩ් ප්‍රික්ස් මළල ක්‍රීඩා තරඟාවලියේ මීටර 400 පිරිමි ඉසව්ව සඳහා කාලිංග කුමාර අද (19) ශ්‍රී ලංකා වේලාවෙන් පෙරවරු 11.47ට තරඟ වදීමට නියමිත බවද වාර්තා වේ.

Continue Reading

ක්‍රීඩා

යුපුන් අද තරඟ බිමට

Published

on

By

ඔලිම්පික් වරම් අපේක්ෂාවෙන් ශ්‍රී ලංකාවේ කෙටි දුර ධාවන ශූර යුපුන් අබේකෝන් අද (18) යළි ජාත්‍යන්තර තරඟ බිමට එක්වේ.

ඉතාලියේ පැවැත්වෙන රෝම් ස්ප්‍රින්ට් ෆෙස්ටිවල් හි මීටර 100 පිරිමි ඉසව්ව සඳහා එක්වන යුපුන් අබේකෝන් ශ්‍රී ලංකා වේලාවෙන් රාත්‍රී 10.25 ට තරඟ වැදීමට නියමිතය.

මේ අතර ජපානයේ පැවැත්වෙන සීකෝ ගෝල්ඩන් ග්‍රෑන්ඩ් ප්‍රික්ස් මළල ක්‍රීඩා තරඟාවලියේ මීටර 400 පිරිමි ඉසව්ව සඳහා කාලිංග කුමාර හෙට (19) ශ්‍රී ලංකා වේලාවෙන් උදෑසන 11.47ට තරඟ වදිනු ඇත.

Continue Reading

ක්‍රීඩා

හර්දික් පාණ්ඩ්‍යා ට තරඟ තහනමක්

Published

on

By

මුම්බායි ඉන්දියන්ස් කණ්ඩායමේ නායක හර්දික් පාණ්ඩ්‍යා ට ඉන්දීය ක්‍රිකට් පාලක මණ්ඩලය විසින් තරග තහනමක් සහ දඩ මුදලක් නියම කර තිබේ.

ඒ ඉන්දීය ප්‍රිමියර් ලීග් ක්‍රිකට් තරගාවලියේ මුම්බායි ඉන්දියන්ස් කණ්ඩායම ඊයේ සහභාගී වූ අවසන් තරගයේදී අඩු පන්දුවාර වේගයක් පවත්වාගෙන යාම හේතුවෙනි.

හර්දික් පාණ්ඩ්‍යාට දඩයක් හා එක් තරග තහනමක් පනවා ඇති බව සඳහන් ය.

ඉන්දීය මාධ්‍ය වාර්තා කරන්නේ,  කණ්ඩායමේ සෙසු ක්‍රීඩකයින්ට ද ඉන්දීය රුපියල් ලක්ෂ 12ක දඩයක් හෝ තරග ගාස්තුවෙන් 50%ක් නියම කර ඇති බවය.

අවස්ථා 05ක දී අයි.පී.එල් ශූරතාව හිමිකරගෙන ඇති මුම්බායි ඉන්දියන් කණ්ඩායමට මෙවර තරගාවලියේ ජයගැනීමට හැකිවූයේ නියමිත තරග 14න් 04ක් පමණක් වන අතර ඒ හේතුවෙන් ඔවුන් ප්‍රසාද ලකුණු සටහනේ අවසන් ස්ථානයට පත්වුණි.

Continue Reading
Advertisement

Trending

Copyright © 2023 Sri Lanka Mirror. All Rights Reserved