Connect with us

ක්‍රීඩා

ශ්‍රී ලංකාවට තවත් අමිහිරි පරාජයක්

Published

on

පන්දුවාර 20 ලෝක කුසලාන ක්‍රිකට් තරගාවලියේ බංග්ලාදේශය සමඟ පැවති තරාගයෙන් ශ්‍රී ලංකාව අද පරාජයට පත් විය.

අමෙරිකාවේ ඩලස්හි ග්‍රෑන්ඩ් ප්‍රේරි ක්‍රීඩාංගණයේ පැවති තරගයේ කාසිය වාසිය දිනූ බංග්ලාදේශ කණ්ඩායම පළමුව පන්දුවට පහරදීම සඳහා ශ්‍රී ලංකා කණ්ඩායමට ඇරයුම් කලේය.

ඒ අනුව  පන්දුවට පහරදීම සඳහා පිටියට පිවිසි ශ්‍රී ලංකා කණ්ඩායම පන්දුවාර 20 අවසානයේ කඩුලු 9ක් දැවී ලකුණු 124ක් රැස් කරන ලදී.

පළමු කඩුල්ල ලෙස කුසල් මෙන්ඩිස් දැවී ගියේ පන්දු 08කදී ලකුණු 10ක් රැස්කර සිටියදීයි. ඉන් අනතුරුව පිටියට පිවිසි කමිඳු මෙන්ඩිස්ට රැස්කිරීමට හැකි වූයේ ලකුණු 04ක් පමණි.

පැතුම් නිස්සංක ලකුණු 47ක් , ධනංජය ද සිල්වා 21ක් ,චරිත් අසලංක 19ක්,ඇන්ජලෝ මැතිව්ස් 16ක් ලබා ගත් අතර අනෙක් පිතිකරුවන්ට ලකුණු 10යේ සීමාව පසුකර යාමට බංග්ලාදේශ පන්දු යවන්නන් විසින් ඉඩක් ලබා නොදෙන ලදී.

මුස්තාෆිසුර් රහ්මාන් ,රිෂාඩ් හුසේන් කඩුලු 3 බැගින් දවාගත් අතර  අහමඩ් කඩුලු 2ක් ද හසන් සකීබ් එක් කඩුල්ලක් දවා ගැනීමට සමත් විය.

ලකුණු 125ක ඉලක්කය හඹා යෑමට පිටියට පිවිසි බංග්ලාදේශ කණ්ඩායම පන්දු වාර 19ක් අවසානයේ  කඩුලු 08ක් දැවී තරගය ජය ගැනීමට සමත් විය.

Towhid Hridoy  ලකුණු 40ක් ලබා ගැනීමට සමත් වූ අතර ලිටන් දාස් 36ක් සහ මහමුදුල්ලා 16ක් ;ලබා ගැනීමට සමත් වූ අතර  අනෙක් පිතිකරුවන්ට ලකුණු 10යේ සීමාව පසුකර යාමට ශ්‍රී ලංකා පන්දු යවන්නන් ඉඩ ලබා දුන්නේ නැත.

පන්දු යැවීමේදී  නුවන් තුෂාර කඩුලු 4ක් ලබා ගත් අතර වනිඳු හසරංග කඩුලු 2ක් සහ ධනංජය ද සිල්වා, මතීෂ පතිරණ  එක් කඩුල්ල බැගින් දවා ගැනීමට සමත් විය.

ක්‍රීඩා

Nassau County ක්‍රීඩාංගණය ගලවා ඉවත්  කරයි?

Published

on

By

2024 පන්දුවාර විස්සයි විස්ස ලෝක කුසලාන ක්‍රිකට් තරගාවලිය වෙනුවෙන් අමෙරිකාවේ නිව්යෝක්හි තාවකාලිකව ඉදි කෙරුණු  නාසා කවුන්ටි ක්‍රීඩාංගණය බෙහෙවින් අවධානයට ලක්විය.

විදෙස් මාධ්‍ය වාර්තා කර ඇත්තේ, නාසා කවුන්ටි ලෙස නම් කරපු මේ ක්‍රීඩාංගණය ඉවත් කිරීමේ කටයුතු මේ වනවිට ආරම්භ කර ඇති බවයි.

ඒ, නිමාවූ ඉන්දු – අමෙරිකා තරගයෙන් අනතුරුවය.

ඩ්‍රොපිං පිච් හෙවත් පෙර සැකසූ තණතිලි තැම්පත් කිරීමේ ක්‍රමවේදයට අනුකූලව මෙම ක්‍රීඩාංගනය සකස් කර තිබූ අතර එවැනි තණතීරු 10කින් ක්‍රීඩා පිටිය සමන්විත විය.

නාසා කවුන්ටි ක්‍රීඩාංගණය සකස් කළේ ඔස්ට්‍රේලියාවේ ඇඩිලෙයිඩ් ටර්ෆ් ඉන්ටර්නැෂනල් ආයතනය විසින් වන අතර, මෙම ක්‍රීඩාංගණයේ දී එකවර ප්‍රේක්ෂකයින් 34,000 දහසකට අසුන් ගැනීමට හැකියාව තිබේ.

මෙම ක්‍රීඩාංගනයේ පළමු තරගය ලෙස පැවැත්වුණේ පන්දුවාර විස්සයි විස්ස ලෝක කුසලාන ක්‍රිකට් තරගාවලියේ ශ්‍රී ලංකා දකුණු අප්‍රිකා තරඟයයි.

මීට අමතරව, තරගාවලියේ ඉන්දු – අමෙරිකා, දකුණු අප්‍රිකා – බංග්ලාදේශ සහ ඉන්දු – පකිස්ථාන තරගද ඇතුළුව තරග 8ක් නාසා කවුන්ටි ක්‍රීඩාංගනයේදී පැවැත්විය.

Continue Reading

ක්‍රීඩා

මැයි මාසයේ ක්‍රිකට් ක්‍රීඩිකාවට හිමි සම්මානය චමරිට

Published

on

By

ජාත්‍යන්තර ක්‍රිකට් කවුන්සිලයේ මැයි මාසයේ දක්ෂතම ක්‍රීඩිකාව ලෙස ශ්‍රී ලංකා කණ්ඩායමේ නායිකා චමරි අතපත්තු නම් කර තිබේ.

ඒ අනුව ඇය මෙම සම්මානය දිනාගත් දෙවන අවස්ථාව මෙය වීමත් විශේෂත්වයකි.

මෙවර දක්ෂතම ක්‍රීඩිකාවන් සඳහා ස්කොට්ලන්තයේ කැත්‍රයන් බර්සි සහ එංගලන්තයේ සොෆී එක්ල්ස්ටෝන් යන අයගේ නම් යෝජනා වී තිබුණි.

චමරි අතපත්තු පසුගිය වසරේ සැප්තැම්බර් මස ක්‍රීඩිකාව ලෙස ද සම්මාන දිනාගත්තාය.

මැයි මාසයේ දී තරග හතරකට ක්‍රීඩා කළ ඇය එහි දී රැස්කරගත් ලකුණු සංඛ්‍යාව 151කි. එහි සාමාන්‍ය අගය 37.75ක් වේ.

එහි දී ඇය විසින් කඩුලු 06ක් දවා ගැනීමටයි සමත් වූවාය.

Continue Reading

ක්‍රීඩා

ශ්‍රී ලංකා කණ්ඩායමේ පරාජය ගැන තීක්ෂණ කතා කරයි

Published

on

By

20යි 20 ලෝක කුසලාන තරගාවලියේදී ශ්‍රී ලංකා කණ්ඩායම මෙතෙක් දැක්වූ දක්ෂතා පිළිබඳව කිසිසේත් සෑහීමකට පත්විය නොහැකි බව ශ්‍රී ලංකා දඟපන්දු යවන ක්‍රීඩක මහීෂ් තීක්ෂණ සඳහන් කළේය.

ඊයේ (11) මාධ්‍ය හමුවකට එක්වෙමින් ඔහු ඒ බව පැවසීය.

“අපි තරගාවලියට එද්දි හොඳ මානසිකත්වයත් තිබුණා. අපේ පන්දු යවන්නේ හොඳට කරලා තිබුණා. පන්දුවට පහරදෙන්නන් හොඳට කරලා තිබුණා අන්තිම තරගාවලීන් තුනේම. අපි ගොඩක් ඉස්සරහින් හිටියා තරගාවලියට එද්දි. මම හිතනවා ගොඩක් වැරදීම් වුණා කණ්ඩායමක් විදිහට. ඒ නිසා අපිට සුපිරි 08ට යන්න බැරි වුණා. ලොකුවටම දකින්නේ අපේ පිතිකරණයේ වුණ දේවල්. කන්ඩිෂන්වලට හැඩ ගැහුනේ නැති එක තමයි ලොකුම වැරැද්ද කියලා මම හිතනවා.”

නේපාලය සමඟ අද (12) පැවැත්වීමට නියමිතව තිබු තරගයට වර්ෂාවෙන් බාධා එල්ල වීම නිසා තරගය අත්හැර දැමීමත් සමඟ පන්දුවාර 20 ලෝක කුසලාන ක්‍රිකට් තරගාවලියේ සුපිරි 8 දෙනාගේ වටයට පිවිසීමට ශ්‍රී ලංකාවට තිබු  අවස්ථාව ගිලිහී ගියේය.

ශ්‍රී ලංකා – නේපාල තරගය වර්ෂාව හේතුවෙන් අත්හැර දැමීම නිසා කණ්ඩායම් දෙකටම එක් ප්‍රසාද ලකුණු බැගින් පිරිනැමුණි.

මෙවර තරගාවලියේ මූලික වටය යටතේ දකුණු අප්‍රිකාව සහ බංග්ලාදේශය සමග පැවති තරගවලදී ශ්‍රී ලංකා ක්‍රීඩකයින් දැක්වූ අතිශය දුර්වල ක්‍රීඩා විලාශය බොහෝ අයගේ විවේචනයට ලක්වූ අතර ශ්‍රී ලංකා පිතිකරුවන්  සිය වගකීම් කොටස නිසිලෙස ඉටු නොකිරීම එම පරාජයන්ට හේතුව ලෙස සැලකෙයි.

ශ්‍රී ලංකා කණ්ඩායම සහභාගී වන අවසන් තරගය නෙදර්ලන්තයට එරෙහිව එළඹෙන 17 වනදා ශාන්ත ලුෂියා හිදී පැවැත්වීමට නියමිතයි.

Continue Reading
Advertisement

Trending

Copyright © 2023 Sri Lanka Mirror. All Rights Reserved