Connect with us

ක්‍රීඩා

ශ්‍රී ලංකාව සහ ඕමාන එක්දින කණ්ඩායම් ඉතිහාසයේ පළමු වරට අද මුහුණට මුහුණ ගැටේ

Published

on

එක්දින ලෝක කුසලාන තරඟාවලිය‌ට සුදුසුකම් ලබා ගැනීමේ තරඟාවලිය‌ යටතේ ශ්‍රී ලංකා කණ්ඩායම ක්‍රීඩා කරන දෙවැනි තරඟය අද (23) ඕමාන පිල සමඟ බුලවායෝ නුවර කුයින්ස් පාක් ක්‍රීඩාංගණයේදී ආරම්භ කිරීමට නියමිතය.

ශ්‍රී ලංකා කණ්ඩායම හා ඕමාන කණ්ඩායම එක්දින ක්‍රිකට් ඉතිහාසයේ පළමු වරට මුණගැසෙන මෙම තරඟය ශ්‍රී ලංකා වේලාවෙන් අද මධ්‍යාහ්න 12.30ට ආරම්භ වන අතර මෙම තරඟයේ  විශේෂත්වය වන්නේ ශ්‍රී ලංකා ක්‍රිකට් පිලේ හිටපු නායකයකු වන දුලිප් මෙන්ඩිස් ඕමාන පිලේ පුහුණුකරු ලෙස කටයුතු කිරීමය.


මේ වන විට සුදුසුකම් ලැබීමේ තරගාවලියේ මූලික වටයේ ක්‍රීඩා කළ තරග දෙකම ජයගෙන සිටින ඕමානය අද එක්වන්නේ සිය තුන්වැනි තරගයටය.

මීට වසර කිහිපයකට පෙර ජාත්‍යන්තර ක්‍රිකට් කවුන්සිලයේ එක්දින වරම් හිමි කර ගැනීම දක්වා ඕමානය රැගෙන ගිය දුලිප් මෙන්ඩිස්ගේ මෙවර ඉලක්කය වසර අගභාගයේ ඉන්දියාවේ පැවැත්වෙන එක්දින ලෝක කුසලානයට සිය කණ්ඩායම රැගෙන යෑමය.

එසේ වුවද අද තරඟය  ශ්‍රී ලංකා පිලට විශාල අභියෝගයක් නොවනු ඇත්තේ තුන් ඉරියව්වෙන්ම දස්කම් අතර සිටින බැවිිනි.

එමෙන්ම ශ්‍රී ලංකා පිලේ ආරම්භක වේගපන්දු යුගලය වන කසුන් රාජිත හා ළහිරු කුමාරත්, දඟ පන්දු යවන මහීෂ් තීක්ෂණත් ඕමාන පිතිකරුවන්ට දැඩි තර්ජනයක් වනු නිසැකය.

තවද ජයගත් තරඟ 2දීම අර්ධ ශතක රැස් කළ අකීබ් ලියාස්, පළමු තරගයේදී ලකුණු අතරට පිවිසි කෙෂ්යැප් ප්‍රජාපති, නායක ශීෂාන් නදීම් සහ මොහොමඩ් නදීම් ශ්‍රී ලංකා පිලේ වැඩි අවධානයට ලක්විය යුතු පිතිකරුවෝ වෙති.

මේ අතර ආබාධයක් නිසා පළමු තරඟය අහිමි වූ වේගපන්දු යවන දුෂ්මන්ත චමීරට අද තරඟයට ක්‍රීඩා කිරීමේ හැකියාව තිබුණද ඔහු තවදුරටත් විවේක ගන්වනු ඇතැයි ද වැඩිදුරටත් වාර්තා වේ.

ක්‍රීඩා

දඹුල්ල තන්ඩර්ස් කණ්ඩායමට අලුත් හිමිකරුවෙක්

Published

on

By

එළඹෙන LPL තරගාවලිය නියමිත පරිදි පැවැත්වීමට කටයුතු සුදානම් කර ඇති බව ලංකා ප්‍රිමියර් ලීග් සංවිධායකයින් නිවේදනය කරයි.

දඹුල්ල තන්ඩර්ස් කණ්ඩායමේ අයිතීන් වහාම ක්‍රියාත්මක වන පරිදි අත්හිටුවීමට ලංකා ප්‍රිමියර් ලීග් ඊයේ (22) කටයුතු කළ අතර, එහි හිමිකාරීත්වයේ වෙනසක් සමග මෙම තරගාවලිය ඉදිරියේ දී පැවැත්වෙන බව අදාළ නිවේදනයේ දැක්වේ.

LPL තරගාවලියේ විනිවිඳභාවය සහ ගුණාත්මක භාවය ආරක්ෂා කරගැනීම වෙනුවෙන් මෙම පියවර ගත් බව සඳහන් වේ.

2024 ලංකා ප්‍රිමියර් ලීග් ක්‍රිකට් තරගාවලියේදී තරග පාවාදීම සඳහා යෝජනා කිරීමට උත්සාහ කිරීම සම්බන්ධයෙන් දඹුල්ල තන්ඩර්ස් කණ්ඩායම් හිමිකරු සහ ප්‍රධාන විධායක නිලධාරීයා ලෙස කටයුතු කළ තමීම් රහමාන් මැයි  31 වනදා දක්වා රක්ෂිත බන්ධනාගාරගත කිරීමට කොළඹ මහෙස්ත්‍රාත් අධිකරණය ඊයේ නියෝග කළේය.

සබැඳි පුවත්:

Continue Reading

ක්‍රීඩා

දඹුල්ල තන්ඩර්ස් කණ්ඩායමේ අයිතීන් අත්හිටුවයි

Published

on

By

එළඹෙන LPL තරගාවලිය සඳහා සහභාගීවීමට නියමිතව සිටි දඹුල්ල තන්ඩර්ස් කණ්ඩායමේ අයිතීන් වහාම ක්‍රියාත්මක වන පරිදි අත්හිටුවීමට කටයුතු කළ බව ලංකා ප්‍රිමියර් ලීග් නිවේදනය කරයි.

LPL සංවිධායක කමිටුවේ සභාපති අනිල් මොහාන් මහතා පවසා ඇත්තේ  LPL තරගාවලියේ විනිවිදභාවය සහ ගුණාත්මක භාවය ආරක්ෂා කරගැනීම වෙනුවෙන් මෙම පියවර ගත් බවය. 

අදාළ නිවේදනයේ දැක්වෙන්නේ Imperial Sports Group ප්‍රධාන විධායක නිලධාරී තමීම් රහමාන් මුහුණදී ඇති නීතිමය කරුණු සලකාබලා ඉහත තීරණය ගත් බවයි.

2024 ලංකා ප්‍රිමියර් ලීග් ක්‍රිකට් තරගාවලියේදී තරග පාවාදීම සඳහා යෝජනා කිරීමට උත්සාහ කිරීම සම්බන්ධයෙන් දඹුල්ල තන්ඩර්ස් කණ්ඩායම් හිමිකරු සහ ප්‍රධාන විධායක නිලධාරීයා ලෙස කටයුතු කළ තමීම් රහමාන් මැයි  31 වනදා දක්වා රක්ෂිත බන්ධනාගාරගත කිරීමට කොළඹ මහෙස්ත්‍රාත් අධිකරණය අද (22) නියම කළේය.

Continue Reading

ක්‍රීඩා

සමිත දුලාන් ගෙන් ලෝක වාර්තාවක්

Published

on

By

ජපානයේ පැවැත්වෙන ලෝක ශූරතා පැරා මලල ක්‍රීඩා ශූරතා තරගාවලයේදී නව ලෝක වාර්තාවක් පිහිටුවීමට ශ්‍රී ලංකාවේ සමිත දුලාන් සමත්විය.

ඒ, F -44 හෙල්ල විසිකිරීමේ ඉසව්වෙන් සමිත සිය පළමු උත්සාහයේදී මීටර් 66.49 ක දක්ෂතාවක් වාර්තා කරමිනි.

Continue Reading
Advertisement

Trending

Copyright © 2023 Sri Lanka Mirror. All Rights Reserved