Connect with us

ක්‍රීඩා

ඉන්දුනීසියාව, ලෝක කුසලාන සත්කාරකත්වයෙන් ඉවතට

Published

on

20න් පහළ ලෝක කුසලාන පාපන්දු තරගාවලියේ සත්කාරක අයිතිය ඉන්දුනීසියාවට ලබා නොදීමට ජගත් පාපන්දු සම්මේලනය (ෆීෆා) විසින් තීරණය කර තිබේ.

ඉන්දුනීසියාවේ පාපන්දු සංගමය (PSSI) පැවසුවේ බාලි හි ආණ්ඩුකාරවරයා වන Wayan Koster විසින් ඊශ්‍රායල කණ්ඩායමට සත්කාරකත්වය දැක්වීම ප්‍රතික්ෂේප කිරීමත් සමඟ ෆීෆා හට මෙම තීන්දුව ගැනීමට සිදු වූ බවයි.

20න් පහළ ලෝක කුසලාන පාපන්දු තරගාවලිය මැයි 20 සිට ජුනි 11 දක්වා පැවැත්වීමට නියමිතය.

ඉන්දුනීසියාව, ඊශ්‍රායලය සමඟ කිසිදු විධිමත් රාජ්‍යතාන්ත්‍රික සබඳතාවක් නොපවත්වන අතර, පලස්තීනයට සහය පළ කරමින් ඊශ්‍රායල කණ්ඩායම මෙම තරඟාවලියට තරඟ කිරීම වළක්වන මෙන් ඉල්ලමින් විරෝධතාකරුවන් පසුගියදා පාගමන් පවත්වා තිබුණි.

මෙම තරගාවලිය සඳහා ඉන්දුනීසියාවට සත්කාරක අයිතිය 2019 දී පිරිනැමුණු අතර, ඒ වන විට ඊශ්‍රායලය තරගාවලියට සුදුසුකම් ලබා නොතිබුණි.

ෆීෆා නිවේදනයක දැක්වෙන්නේ දැනට නියම කර ඇති තරඟාවලියේ දිනයන් නොවෙනස්ව පවතින බවත්, හැකි ඉක්මනින් නව සත්කාරක රාජ්‍යයක් ප්‍රකාශයට පත් කරන බවත්ය.

තවද, ඉන්දුනීසියාවේ පාපන්දු සංගමයට එරෙහිව පැනවිය හැකි සම්බාධක ද පසුකාලීන අදියරේදී තීරණය කිරීමේ හැකියාවක් පවතින බවද එහි වැඩිදුරටත් දැක්වේ.

ක්‍රීඩා

දෙවැනි ටෙස්ට් තරගයට කසුන් වෙනුවට අසිත

Published

on

By

පිටේ ඇතිවූ ආබාධ තත්වයක් හේතුවෙන් බංග්ලාදේශයට එරෙහිව පැවැත්වෙන ටෙස්ට් තරගාවලියේ දෙවන සහ අවසන් තරගය කසුන් රාජිතට අහිමි වනු ඇත.

නිවේදනයක් නිකුත් කරමින් ශ්‍රී ලංකා ක්‍රිකට් පවසා ඇත්තේ ඒ අනුව කසුන් රාජිත වෙනුවට අසිත ප්‍රනාන්දු ටෙස්ට් සංචිතයට එක් වනු ඇති බවයි.

Continue Reading

ක්‍රීඩා

ආසියානු කුසලාන කාන්තා ක්‍රිකට් තරගාවලිය ලංකාවේ

Published

on

By

ආසියානු කුසලාන කාන්තා ක්‍රිකට් තරගාවලිය ශ්‍රී ලංකාවේ පැවැත්වීමට ආසියානු ක්‍රිකට් කවුන්සිලය තීරණය කර තිබේ.

කණ්ඩායම් 08ක් තරගවදින මෙම තරගාවලිය එළඹෙන ජුලි 19දා – 28දා දක්වා දඹුල්ල ජාත්‍යන්තර ක්‍රිකට් ක්‍රීඩාංගණයේදී පැවැත්වීමට නියමිතය.

Continue Reading

ක්‍රීඩා

පාසැල් ක්‍රිකට් තරග පැවැත්වීමට එරෙහිව වාරණ නියෝගයක්

Published

on

By

ශ්‍රි ලංකා පාසැල් ක්‍රිකට් සංගමයේ 2023-2024 දෙදින තරඟාවලියේ පහත දැමීමේ තරඟ (Demotion/Relegation) පැවැත්වීම තාවකාලිකව වළක්වමින් කොළඹ ප්‍රධන දිසා විනිසුරු සඳුන් විතාන මහතා වාරණ නියෝගයක් අද (25) නිකුත් කළේය.

අප්‍රේල් 08 වැනිදා තෙක් බලපැවැත්වෙන අන්දමට ශ්‍රි ලංකා පාසැල් ක්‍රිකට් සංගමයට එරෙහිව අදාළ වාරණ නියෝගය නිකුත් කළ දිසා විනිසුරුවරයා මේ සම්බන්ධයෙන් විරෝධතා ඇත්නම් එදින අධිකරණයේ පෙනී සිට කරුණු දක්වන ලෙස නියම කරමින් ශ්‍රි ලංකා පාසැල් ක්‍රිකට් සංගමයට නොතිසි නිකුත් කළේය.

කොළඹ ආනන්ද විද්‍යාලය, අම්බලන්ගොඩ ධර්මාශෝක විද්‍යාලය, වෙන්නප්පුව ජෝෂප් වාස් විද්‍යාලය, කටුනේරිය ශාන්ත සෙබස්තියන් විද්‍යාලය සහ මහනුවර ශාන්ත සිල්වෙස්තර විද්‍යාලය පවරා ඇති මෙම නඩුවේ වගඋත්තරකරුවන් වශයෙන් ශ්‍රි ලංකා පාසැල් ක්‍රිකට් සංගමය එහි නිලධාරීන් ඇතුළු පිරිසක් නම් කර ඇත.

නීතීඥ ගිම්හානි ලිවේරා මහත්මියගේ උපදෙස් මත මෙම පෙත්සමම ඉදිරිපත් කරන ප්‍රධාන පෙළේ පාසැල් 05ක් විසින් ශ්‍රි ලංකා පාසැල් ක්‍රිකට් සංගමය 2023-2024 දෙදින තරඟාවලිය සඳහා ක්‍රීඩා කළ කණ්ඩායම් හතරක් පහත හෙලීම සඳහා සැලසුම් කර ඇති ක්‍රියාවලිය අසාධාරණ සහ දෝෂ සහිත බව පෙන්වා දී ඇත.

එක් තරඟාවලියකදී එක් කාණ්ඩයකින් කණ්ඩායම් දෙකක් පමණක් පහත දැමීම සහ ඒ සඳහා ලකුණු සටහනේ අවසානයට සිටින කණ්ඩායම් දෙක තොරාගත යුතු බව මෙතෙක් පැවති ක්‍රමවේදය බවත් එම ක්‍රමවේදය කඩකරමින් වගඋත්තරකාර ශ්‍රි ලංකා පාසැල් ක්‍රිකට් සංගමය එහි නිලධාරීන් මෙවර පැවැත්වෙන 2023-2024 දෙදින තරඟාවලිය සඳහා ක්‍රීඩා කළ කණ්ඩායම් හතරක් පහත හෙලීම සඳහා සැලසුම් කර ඇතැයි පෙන්වා දී ඇත.

වගඋත්තරකරුවන්ගේ එම ක්‍රියාවලිය අසාධාරණ සහ දෝෂ සහිත බව පෙන්වා දෙන පෙත්සම්කරුවෝ මෙතෙක් පැවති ආකාරයට එක් තරඟාවලියකදී එක් කාණ්ඩයකින් කණ්ඩායම් දෙකක් පමණක් පහත දැමීම සහ ඒ සඳහා ලකුණු සටහනේ අවසානයට සිටින කණ්ඩායම් දෙක තොරාගත යුතු බවට වන තීන්දුවක් නිකුත් කරන්නැයි ඉල්ලා සිටිති.

මේ බව තහවුරු කරමින් නීතීඥ හිලරි ලිවේරා මහතා දැක්වු කරුණු සැළකිල්ලට ගනිමින් ලබන මස 08 වැනිදා දක්වා බලපැවැත්වෙන අන්දමට අදාළ වාරණ නියෝගයක් නිකුත් කළ දිසා විනිසුරුවරයා එදින මෙම පෙත්සම යළි කැඳවවීමට නියම කළේය.

පෙත්සම්කාර පාසැල් වෙනුවෙන් නීතීඥ ගිම්හානි ලිවේරා මහත්මියගේ උපදෙස් මත නීතීඥ අරුණි ද සිල්වා මහත්මියය සමඟ නීතීඥ හිලරි ලිවේරා මහතා පෙනී සිටියේය.
මූලාශ්‍රය – ලංකාදීප 

Continue Reading
Advertisement

Trending

Copyright © 2023 Sri Lanka Mirror. All Rights Reserved