තම වීඩියෝවක් ව්‍යාජ ලෙස සංස්කරණය කර ඇති බව ශ්‍රී ලංකා ක්‍රිකට් කණ්ඩායමේ හිටපු නායක ඇන්ජලෝ මැතිව්ස් පෙන්වා දෙයි.

සිය X ගිණුමේ සටහනක් තබමින් ඔහු මේ ගැන සිය අදහස් දක්වා තිබේ.

මැතිව්ස් පෙන්වාදෙන්නේ තමන් විසින් සම්මුඛ සාකඡාවකදී සිදු කරනු ලැබූ ප්‍රකාශයක් මෙලෙස විකෘති සංස්කරණය කිරීමට සිදුව ඇති බවයි.

සිය ගිණුමේ අදහස් දක්වන මැතිව්ස්,

“මෙය විශාල වංචාවක්. මිනිසුන් රවටා මගේ කීර්තිනාමය කැළැල් කිරීමේ ද්වේෂසහගත උත්සාහයක්. මෙම වංචාකරුවන් ප්‍රමුඛ පෙළේ රූපවාහිනී ජාලයකින් සංස්කරණය කළ මගේ වීඩියෝවක් භාවිතා කරනවා.

කරුණාකර එවැනි ක්‍රියාකාරකම් වාර්තා කර ඒ පිළිබඳව බලධාරීන් දැනුවත් කරන්න. මම මේ ගැන අදාළ බලධාරීන්ට වාර්තා කරන්නම්.”

එළැඹෙන ඔලිම්පික් තරගාවලියේ සිට මලල ක්‍රීඩා ඉසව්වල රන් පදක්කම් ලාභීන්ට ත්‍යාග මුදල් පිරිනැමීමට ලෝක මලල ක්‍රීඩා සම්මේලනය තීරණය කර තිබේ.

ඒ අනුව ඔලිම්පික් තරග ජයග්‍රාහකයින් සඳහා ත්‍යාග මුදල් පිරිනමන පළමු ක්‍රීඩා සම්මේලනය බවටද ලෝක මලල ක්‍රීඩා සම්මේලනය පත්වෙයි.

ප්‍රංශයේ පැරිස් අගනුවර පැවැත්වීමට නියමිත 2024 ඔලිම්පික් තරගාවලියේ සිට මෙම ත්‍යාග මුදල් ලබෙන අතර, රන් පදක්කම් ලාභියෙකුට අමෙරිකානු ඩොලර් 50,000ක් හිමිවනු ඇත. මේ අනුව, ලෝක මලල ක්‍රීඩා සම්මේලනය විසින් ත්‍යාග මුදල් ලෙස ලබාදීමට නියමිත සමස්ත මුදල ඩොලර් මිලියන 2.4කි.

මේ අතර, ලොස් ඇන්ජලීස් හි පැවැත්වීමට නියමිත 2028 ඔලිම්පික් උළෙලේදී රිදී සහ ලෝකඩ පදක්කම්ලාභීන්ට ද මුදල් ත්‍යාග ලබාදීමට නියමිතය.

2024 ලංකා ප්‍රිමියර් ලීග් තරගාවලියේ තරග කාලසටහන මේ වනවිට නිකුත් කර ඇත.
මෙම තරගාවලිය 2024 ICC T20 ලෝක කුසලානයෙන් දින 2කට පසුව ආරම්භ වීමට නියමිතයි.

එහි ආරම්භක උත්සවසය ජූලි 01දා පැවැත්වීමට නියමිත අතර එදිනම පළමු තරගය නුවර සහ දඹුල්ල අතර පැවැත්වේ.

මෙම තරගාවලියට අදාල තරග කොළඹ, මහනුවර හා දඹුල්ලේදී පැවැත්වීමට නියමිතය.

අවසන් මහා තරගය කොළඹ ආර්. ප්‍රේමදාස ක්‍රීඩාංගණයේදී ජුලි මස මස 22දා පැවැත්වෙන අතර එම කාල සටහන පහතින් දැක්වෙයි.