Connect with us

Uncategorized

තානාපතිලා 5කගේ නිල කාලය දික් කිරීම ජනපති ප්‍රතික්ෂේප කරයි!

Published

on

තානාපතිවරුන් සිව් දෙනෙකුට සහ එක් මහ කොමසාරිස්වරයෙකුට විශ්‍රාම යන වයස අවුරුදු 60 ඉක්මවා ඔවුන්ගේ වසර තුනක සේවා කාලය සම්පූර්ණ කිරීමට අවසර ලබා දෙන ලෙස විදේශ අමාත්‍යාංශයෙන් කළ ඉල්ලීම ජනාධිපති කාර්යාලය විසින් ප්‍රතික්ෂේප කර ඇතැයි වාර්තා වේ.

මෙම දූත මණ්ඩල ප්‍රධානීන්ගෙන් එක් අයෙක් දැනටමත් විශ්‍රාම යන දිනය සම්පූර්ණ කර ඇති අතර ලබන වසර වන විට විශ්‍රාම යන වයසට පැමිණෙන තවත් සිව් දෙනෙකුට – තෙවසරක නිල කාලය සම්පූර්ණ කිරීමට අවසර ඉල්ලා තිබු බව පැවසේ.

ජනපතිවරයා විසින් රාජ්‍ය අංශයේ සේවකයින් වයස අවුරුදු 60 දී විශ්‍රාම ගත යුතු බවට රජයේ ප්‍රතිපත්තියක් තබා ගනිමින් කිසිදු සේවා දිගුවක් ලබා නොදීමට තීරණයක් ගෙන ඇති බව මේ අතර වාර්තා වේ.

මේ අතර විදේශ අමාත්‍යාංශයේ තවත් ඉල්ලීම් කිහිපයක් ද ප්‍රතික්ෂේප කර ඇතැයි වාර්තා වේ.

ඉන් එක් ඉල්ලීමක් වන්නේ ශ්‍රී ලංකා විදේශ සේවයෙන් පත් කරන ලද දූත මණ්ඩල ප්‍රධානීන්ගේ විශ්‍රාම වයස සංශෝධනය වුවද වසර තුනක සේවා කාලය සම්පූර්ණ කිරීමට අවසර දිය යුතු බවට විදේශ අමාත්‍යාංශයේ ස්ථාවරයයි.

මේ ඉල්ලීම සමඟ විදේශ සේවයෙන් පත් කරන ලද දූත මණ්ඩල ප්‍රධානීන්ට වයස අවුරුදු 60 ඉක්ම වූ පසු වසර තුනක සම්පූර්ණ සේවා කාලය සම්පූර්ණ කිරීමට අවසර දීමේ පුරුද්ද ද අමාත්‍යාංශය උපුටා දක්වා ඇත.

තානාපතිවරුන් සම්බන්ධයෙන් දීර්ඝ කිරීම් ඉල්ලා ඇත්තේ පී. අම්සා (රියාද්), ග්‍රේස් ආසිර්වතම් (බ්‍රසල්ස්), ඒ. සබරුල්ලා ඛාන් (ඕමානය) සහ එස්.ඩී.කේ සේමසිංහ (වෝර්සෝ) සහ මහ කොමසාරිස් ඒ.එම්.ජේ. සාදික් (මාලදිවයින) යන අය වෙනුවෙනි.

අමාත්‍යාංශය නිර්දේශ කර තිබුණේ අම්සා මහතාට 2024 ඔක්තෝබර් දක්වාද, ආශිර්වතම් මහත්මියට 2023 ජුනි දක්වාද, සේමසිංහ මහත්මියට 2024 ජූනි දක්වාද, සාදික් මහතාට 2025 ජනවාරි දක්වාද, ඛාන් මහතාට 2025 සැප්තැම්බර් දක්වාද ඔහුගේ ධුර කාලය සම්පූර්ණ කිරීමට ඉඩ ලබා දෙන ලෙස ඉල්ලා ඇතැයි පැවසේ.

Uncategorized

එක ෆැක්ට්‍රියක් වැසෙන බව MAS නිල වශයෙන් පිළිගනියි

Published

on

By

මාස් (MAS) හෝල්ඩිංග්ස් සමූහයට අයත් මිහින්තලේ පිහිටි කර්මාන්ත ශාලා දෙකක් වසා නොදමන බවත්, එක් කර්මාන්ත ශාලාවක් මාස 4ක කාලයකට තාවකාලිකව වසා දැමෙන බවත්, මාස් (MAS) හෝල්ඩිංග්ස් හි නිල සංනිවේදන ආයතනය වන ඇඩ් ෆැක්ටර් අපවෙත දන්වා තිබේ.

ඒ අප වෙබ් අඩවිය විසින් “මිහින්තලේ MAS ෆැක්ට්‍රි දෙකක වහයි; දහසකගේ රැකියා ඉවරයි” යන සිරස්තලය යටතේ ඊයේ (31) පළකරන ලද පුවතට ප්‍රතිචාර දක්වමිනි.

එසේම, එම සංනිවේදන ආයතනය කියා සිටින්නේ මෙසේ කර්මාන්ත ශාලාවක් වැසීමෙන් සේවකයන් 1000ක ගේ රැකියා අහිමිවීමක් සිදු නොවන බවයි.

පිළිතුරේ දිගුවක් ලෙස MAS සමූහයේ ප්‍රධාන විධායක නිලධාරී සුරේන් ප්‍රනාන්දු මහතා මීට පෙර ඩේලි එෆ්ටී වෙත අදහස් දක්වමින්  “අපගේ නිෂ්පාදන ධාරිතාව සහ පොදු කාර්ය පිරිවැය තාවකාලිකව අඩු කර ගැනීම සඳහා අපි ඇතැම් කර්මාන්ත ශාලාවලට නිවාඩු ලබා දෙන්නෙමු. මෙම තාවකාලික වසා දැමීමේ කාලය තුළ මෙම කම්හල්වල සේවකයින්ට ඔවුන්ගේ වැටුප් ගෙවනු ලැබේ.” යනුවෙන් මේ සම්බන්ධයෙන් පූර්ව දැනුවත් කිරීමක් සිදු කර ඇති බවද කියා සිටී.

වසර 36කට ආසන්න කාලයක් මෙරට විශාලතම ඇඟළුම් අපනායන සමගමක් ලෙස මාස් (MAS) හෝල්ඩිංග්ස් විශාල ධනස්කන්ධයක් රැස්කරගත් සමාගමකි.

තාවකාලිකව වැහුවත් රැකියාවලට බඩුම තමයි

කෙසේවුවද, තාවකාලිකව කර්මාන්ත ශාලාවක් වසා දැමීම එහි සේවකයන්ගේ රැකියා අහිමිවීමේ අවදානමට සෘජුවම බලපාන බව අප කළ විමසීමකදී නිදහස් වෙළෙඳ කලාප සහ පොදු සේවා සේවක සංගමයේ සම ලේකම් ඇන්ටන් මාර්කස් මහතා කියා සිටියේය.

මෙසේ කර්මාන්ත ශාලාව තාවකාලිකව වසා දැමූ විට කර්මාන්ත ශාලාවේ හිමිකරුවට ලබාදෙන්නේ මූලික වැටුප පමණක් බවත්, එම කර්මාන්ත ශාලාවල සේවකයන්ගේ මූලික වැටුප ඉතා අවම බවත් ඔවුන් ඔවුන්ට ඉන් ජීවත් විය නොහැකි බවත් මාකස් මහතා ‌කියා සිටී.

එම සේවකයනට මූලික වැටුපට අමතරව එකතුවන පැමිණීමේ දීමනාව, උනන්දු දීමනාව සේම ‌අඩු මිලට හෝ නොමිලේ ලැබෙන  ආහාර ‌වේල් ද වැදගත් බව  ඇන්ටන් මකස් මහතා පෙන්වා දෙයි.

කර්මාන්ත ශාලාව වැසීමෙන් පසුව ලැබෙන්නේ මූලික දීමනාව පමණක් නම් ඉන් සේවකයන්ට  ජීවත්වීම නොහැකි නිසා ඔවුන් රැකියාවෙන් ඉවත්වීමට කටයුතු කරක බවත්,  එය මෙවැනි කර්මාන්ත ශාලා හිමිකරුවන්ට වන්දි නොගෙවා සේවකයන්ව ඉවත් කිරීමට විශාල පිටුවහලක් ලැබෙන බවද ඔහු කියා සිටී.

වන්දි නොදී සේවක සංඛ්‍යාව අඩු කර ගැනීමට මෙම සමාගම මෙම සැලැසුම ම කොවිඩ් කාලයේදීත් ක්‍රියාත්මක කළ බවද ඔහු අවධාරණය කළ‌ේය.

සබැඳ පුවත්
මිහින්තලේ MAS ෆැක්ට්‍රි දෙකක වහයි; දහසකගේ රැකියා ඉවරයි 

Continue Reading

Uncategorized

රට යන්න හදන කතුන්ට නිවේදනයක්

Published

on

By

විදේශ රැකියා සඳහා පිටත්ව යාමට අපේක්ෂා කරන දරුවන් සිටින කාන්තාවන් සඳහා විදේශ සේවා නියුක්ති කාර්යාංශය විසින් නිවේදනයක් නිකුත් කර තිබේ.

අවුරුදු 2-18 අතර ළමුන් සිටින කාන්තාවන් විදේශ ගතවීමේදී අදාළ ප්‍රාදේශීය ලේකම් කාර්යාල මගින් නිකුත් කරන ලද DS4 ලේඛනය ඉදිරිපත් කළ යුතු බව එම නිවේදනයේ සඳහන් වේ.

කෙසේවෙතත්, DS4 ලේඛනය නිකුත් කරනු ලබන්නේ කාන්තාවන්ට ඔවුන්ගේ රැකියා ඉල්ලුම්පත්‍ර ප්‍රදේශයේ ග්‍රාම සේවක නිලධාරියා සහ පිළිගත් නොතාරිස්වරයා විසින් සහතික කළ හැකි නම් පමණක් බවද එම කාර්යාංශය පවසයි.

තවද, ඔවුන්ගේ දරුවන්ගේ ආරක්ෂාව සහ අධ්‍යාපන විධිවිධාන පිළිබඳ භාරකරුවන් විසින් සහතික කරන ලියකියවිලි ලබා දීමටද සිදුවන බව එහි වැඩිදුරටත් වාර්තා වේ.

Continue Reading

Uncategorized

සතොස භාණ්ඩ 10ක මිල අද සිට අඩුවෙයි

Published

on

By

ලංකා සතොස විසින් අද (09) සිට ක්‍රියාත්මක වන පරිදි අත්‍යවශ්‍ය භාණ්ඩ 10ක මිල ගණන් අඩු කර ඇත.

අඩු කරන ලද මිල ගණන් පහතින් දක්වා ඇත.

භාණ්ඩ වර්ගය(කි.ග්‍රැ.1)අඩු කල වටිනාකම නව මිල
රතු කැකුළු සහල්රු.6රු.139
මුං ඇට රු.325 රු.1225
වියළි මිරිස් රු.60රු.1290
හාල්මැස්සන් (තායි)  රු.10    රු.1140
රතු පරිප්පු   රු.15  රු.229
රතු නාඩු සහල්   රු.15  රු.200
තිරිඟු පිටිරු.10    රු.200
සෝයා මීට් (තොග) රු.10    රු.650
කඩල       රු. 5 රු.540
සුදු සීනිරු. 5 රු.225

Continue Reading
Advertisement

Trending

Copyright © 2023 Sri Lanka Mirror. All Rights Reserved