Connect with us

Uncategorized

පාර්ලිමේන්තුව අලුත් කරන ඇස්තමේන්තුව බිලියන 10 කින් ඉහළට

Published

on

පාර්ලිමේන්තු සංකීර්ණය කඩිනමින් ප්‍රතිසංස්කරණය කිරීම සඳහා 2019 වසරේදී ඉදිරිපත් කරන ලද පිරිවැය ඇස්තමේන්තුව මේ වනවිට තවත් රුපියල් බිලියන දහයකින් ඉහළ ගොස් ඇතැයි වාර්තා වේ.

පාර්ලිමේන්තු ගොඩනැගිල්ල අලුත්වැඩියා කිරීමේ ව්‍යාපෘතිය සඳහා නාගරික සංවර්ධන අධිකාරියෙන් සමූහ උපදේශන සේවාව ලබා ගැනීමට සහ ඉදි කිරීම් කටයුතු සඳහා නාවික හමුදාවේ සේවය ලබා ගැනීමට 2018 වසරේදී සහ 2022 වසරේදී ඉදිරිපත් කරන ලද කැබිනට් පත්‍රිකා මගින් අනුමැතිය ලබාදී තිබේ.

ඒ අනුව, පාර්ලිමේන්තු සංකීර්ණය ප්‍රතිසංස්කරණය කිරීමේ ව්‍යාපෘතිය සඳහා නාගරික සංවර්ධන අධිකාරිය විසින් 2019 වසරේදී ඉදිරිපත් කරන ලද දළ පිරිවැය ඇස්තමේන්තුව රුපියල් බිලියන තුනක් (3, 520, 000, 000.00) වූවත්, ඉහළ යන මිල ගණන් සහ වැඩ විෂය පථයේ වෙනස්වීම් හේතුවෙන් එම ඇස්තමේන්තුව මේ වනවිට රුපියල් බිලියන දහතුනක් (13, 088, 746, 299.56) ඉක්මවා ඇතැයි අනාවරණය වේ.

මෙම ප්‍රතිසංස්කරණ ව්‍යාපෘතිය සඳහා මෙම වසරට (2024) අදාළව රුපියල් මිලියන පනස් අටක මුදලක් (58, 800, 000.00) මූල්‍ය ප්‍රතිපාදන වෙන්කර ඇතත්, ව්‍යාපෘතියේ ඉතිරිවී තිබෙන වැඩ කොටස් සම්පූර්ණ කිරීමට අතිරේක අයවැය ප්‍රතිපාදන සම්පාදනය කර ගැනීමට සිදුවී ඇතැයි අගමැතිවරයා විසින් ඉදිරිපත් කරන ලද කැබිනට් පත්‍රිකාවේ දැක්වේ.

මේ වසර සඳහා වෙන්කරන ලද මුදල පාර්ලිමේන්තු සංකීර්ණයේ වහලය ප්‍රතිසංස්කරණය කිරීම, ටෙරස් නිවැරදි කිරීම සහ අනෙකුත් හදිසි වැඩ සඳහා යොදා ගැනීමට නියමිත වූවද, ව්‍යාපෘතිය සම්පූර්ණයෙන් නිම කිරීමට එම මුදල් ප්‍රතිපාදන ප්‍රමාණවත් නොවන බැවින් ඉදිරි වසර පහ තුළදී (2025-2029) අමතර මූල්‍ය ප්‍රතිපාදන අවශ්‍ය බවට ගණන් බලා ඇත.

මූලාශ්‍රය – අරුණ

Uncategorized

වතුකරයට නව “ජනාවාස ගම්මාන”

Published

on

By

දැනට රාජ්‍ය වැවිලි සමාගම හා ප්‍රාදේශීය වැවිලි සමාගම් යටතේ පාලනය වන වතුකරයේ ජනතාව ජීවත්වන ප්‍රදේශ හඳුනාගෙන එම ප්‍රදේශ නීත්‍යානුකූලව නව ජනාවාස ගම්මාන ලෙස ප්‍රකාශයට පත් කිරීමට අවශ්‍ය නීති සම්පාදනය සඳහා ජනාධිපති රනිල් වික්‍රමසිංහ මහතා විසින් ඉදිරිපත් කළ යෝජනාවට පසුගියදා කැබිනට් මණ්ඩලයේ අනුමැතිය හිමි විය.

එහි ඉදිරි කටයුතු පිළිබඳ සාකච්ඡාවක් ජනාධිපති රනිල් වික්‍රමසිංහ මහතාගේ ප්‍රධානත්වයෙන් ඊයේ (17) ජනාධිපති කාර්යාලයේදී පැවැත්විණි.
රාජ්‍ය වැවිලි සමාගම හා ප්‍රාදේශීය වැවිලි සමාගම් යටතේ පාලනය වන වතුකරයේ ජනතාව ජීවත වන ප්‍රදේශ නීත්‍යනුකුලව නව ගම්මාන වශයෙන් ප්‍රකාශයට පත් කිරීමට අවශ්‍ය නීතිමය ප්‍රතිපාදන සම්පාදනය ඉතා වැදගත් හා කාලීන යෝජනාවක් බැවින් ඒ සඳහා මෙහිදී සියලු පාර්ශ්වයන්ගේ ප්‍රතිපත්තිමය එකඟතාවය පළ කෙරිණි.

මෙම යෝජනාව ක්‍රියාත්මක කිරීමේදී කඳුකරයේ දැනට ජීවත් වන සියලු ජනතාවගේ ඉඩම් අයිතිය තහවුරු කිරීම අත්‍යවශ්‍ය කරුණක් බව පාර්ලිමේන්තු මන්ත්‍රී මනෝ ගනේෂන් මහතා පෙන්වා දුන් අතර ඒ සම්බන්ධයෙන් වන යෝජනාවලියක් ද ජනාධිපතිවරයා වෙත භාර දුන්නේය.

එහිදී අදහස් දැක්වූ ජනාධිපති රනිල් වික්‍රමසිංහ මහතා සඳහන් කළේ ගමත්, නගරයත්, වතුකරයත්  ආවරණය වන පරිදි  ජනතාවට සින්නක්කර ඉඩම් සහ නිවාස අයිතිය ලබාදීම රජයේ අපේක්ෂාව බවත් ඒ වෙනුවෙන් වූ  විප්ලවීය වැඩපිළිවෙළ මේ වන විට ක්‍රියාත්මක කර ඇති බවත්ය.

ප්‍රාදේශීය වැවිලි සමාගම් සමඟ සාකච්ඡා කර ඔවුන්ගේ අදහස් ද ලබා ගනිමින් අදාළ නීති සම්පාදන ක්‍රියාවලිය සිදු කිරීමටත්, ඒ වෙනුවෙන් වතුකරයේ ජනතාව නියෝජනය කරන පාර්ලිමේන්තු මන්ත්‍රීවරුන් සහ අදාළ සියලු පාර්ශ්වයන්ගෙන් සමන්විත කමිටුවක් පත් කිරීමටත් ජනාධිපති රනිල් වික්‍රමසිංහ මහතා උපදෙස් දුන්නේය.

ජල සම්පාදන හා වතු යටිතල පහසුකම් අමාත්‍ය ජීවන් තොණ්ඩමන්, අධ්‍යාපන රාජ්‍ය අමාත්‍ය අරවින්ද් කුමාර්, පාර්ලිමේන්තු මන්ත්‍රීවරුන් වන මනෝ ගනේෂන්, පලනි දිගම්බරන්, වඩිවෙල් සුරේශ්, වේලු කුමාර්, එම්. රාමේශ්වරන් සහ එම්. උදය කුමාර් යන මහත්වරුන් ද, ජනාධිපති ලේකම් සමන් ඒකනායක, ජල සම්පාදන හා වතු යටිතල පහසුකම් අමාත්‍යාංශයේ ලේකම් ඒ.සී.එම්. නෆීල්, රාජ්‍ය වැවිලි ප්‍රතිසංස්කරණ අමාත්‍යාංශයේ ලේකම් ආචාර්ය සුගත් යාලේගම යන මහත්වරුන් ඇතුළු අදාළ රාජ්‍ය  නිලධාරීන්  මෙම සාකච්ඡාවට එක්ව සිටියහ.

Continue Reading

Uncategorized

එක ෆැක්ට්‍රියක් වැසෙන බව MAS නිල වශයෙන් පිළිගනියි

Published

on

By

මාස් (MAS) හෝල්ඩිංග්ස් සමූහයට අයත් මිහින්තලේ පිහිටි කර්මාන්ත ශාලා දෙකක් වසා නොදමන බවත්, එක් කර්මාන්ත ශාලාවක් මාස 4ක කාලයකට තාවකාලිකව වසා දැමෙන බවත්, මාස් (MAS) හෝල්ඩිංග්ස් හි නිල සංනිවේදන ආයතනය වන ඇඩ් ෆැක්ටර් අපවෙත දන්වා තිබේ.

ඒ අප වෙබ් අඩවිය විසින් “මිහින්තලේ MAS ෆැක්ට්‍රි දෙකක වහයි; දහසකගේ රැකියා ඉවරයි” යන සිරස්තලය යටතේ ඊයේ (31) පළකරන ලද පුවතට ප්‍රතිචාර දක්වමිනි.

එසේම, එම සංනිවේදන ආයතනය කියා සිටින්නේ මෙසේ කර්මාන්ත ශාලාවක් වැසීමෙන් සේවකයන් 1000ක ගේ රැකියා අහිමිවීමක් සිදු නොවන බවයි.

පිළිතුරේ දිගුවක් ලෙස MAS සමූහයේ ප්‍රධාන විධායක නිලධාරී සුරේන් ප්‍රනාන්දු මහතා මීට පෙර ඩේලි එෆ්ටී වෙත අදහස් දක්වමින්  “අපගේ නිෂ්පාදන ධාරිතාව සහ පොදු කාර්ය පිරිවැය තාවකාලිකව අඩු කර ගැනීම සඳහා අපි ඇතැම් කර්මාන්ත ශාලාවලට නිවාඩු ලබා දෙන්නෙමු. මෙම තාවකාලික වසා දැමීමේ කාලය තුළ මෙම කම්හල්වල සේවකයින්ට ඔවුන්ගේ වැටුප් ගෙවනු ලැබේ.” යනුවෙන් මේ සම්බන්ධයෙන් පූර්ව දැනුවත් කිරීමක් සිදු කර ඇති බවද කියා සිටී.

වසර 36කට ආසන්න කාලයක් මෙරට විශාලතම ඇඟළුම් අපනායන සමගමක් ලෙස මාස් (MAS) හෝල්ඩිංග්ස් විශාල ධනස්කන්ධයක් රැස්කරගත් සමාගමකි.

තාවකාලිකව වැහුවත් රැකියාවලට බඩුම තමයි

කෙසේවුවද, තාවකාලිකව කර්මාන්ත ශාලාවක් වසා දැමීම එහි සේවකයන්ගේ රැකියා අහිමිවීමේ අවදානමට සෘජුවම බලපාන බව අප කළ විමසීමකදී නිදහස් වෙළෙඳ කලාප සහ පොදු සේවා සේවක සංගමයේ සම ලේකම් ඇන්ටන් මාර්කස් මහතා කියා සිටියේය.

මෙසේ කර්මාන්ත ශාලාව තාවකාලිකව වසා දැමූ විට කර්මාන්ත ශාලාවේ හිමිකරුවට ලබාදෙන්නේ මූලික වැටුප පමණක් බවත්, එම කර්මාන්ත ශාලාවල සේවකයන්ගේ මූලික වැටුප ඉතා අවම බවත් ඔවුන් ඔවුන්ට ඉන් ජීවත් විය නොහැකි බවත් මාකස් මහතා ‌කියා සිටී.

එම සේවකයනට මූලික වැටුපට අමතරව එකතුවන පැමිණීමේ දීමනාව, උනන්දු දීමනාව සේම ‌අඩු මිලට හෝ නොමිලේ ලැබෙන  ආහාර ‌වේල් ද වැදගත් බව  ඇන්ටන් මකස් මහතා පෙන්වා දෙයි.

කර්මාන්ත ශාලාව වැසීමෙන් පසුව ලැබෙන්නේ මූලික දීමනාව පමණක් නම් ඉන් සේවකයන්ට  ජීවත්වීම නොහැකි නිසා ඔවුන් රැකියාවෙන් ඉවත්වීමට කටයුතු කරක බවත්,  එය මෙවැනි කර්මාන්ත ශාලා හිමිකරුවන්ට වන්දි නොගෙවා සේවකයන්ව ඉවත් කිරීමට විශාල පිටුවහලක් ලැබෙන බවද ඔහු කියා සිටී.

වන්දි නොදී සේවක සංඛ්‍යාව අඩු කර ගැනීමට මෙම සමාගම මෙම සැලැසුම ම කොවිඩ් කාලයේදීත් ක්‍රියාත්මක කළ බවද ඔහු අවධාරණය කළ‌ේය.

සබැඳ පුවත්
මිහින්තලේ MAS ෆැක්ට්‍රි දෙකක වහයි; දහසකගේ රැකියා ඉවරයි 

Continue Reading

Uncategorized

රට යන්න හදන කතුන්ට නිවේදනයක්

Published

on

By

විදේශ රැකියා සඳහා පිටත්ව යාමට අපේක්ෂා කරන දරුවන් සිටින කාන්තාවන් සඳහා විදේශ සේවා නියුක්ති කාර්යාංශය විසින් නිවේදනයක් නිකුත් කර තිබේ.

අවුරුදු 2-18 අතර ළමුන් සිටින කාන්තාවන් විදේශ ගතවීමේදී අදාළ ප්‍රාදේශීය ලේකම් කාර්යාල මගින් නිකුත් කරන ලද DS4 ලේඛනය ඉදිරිපත් කළ යුතු බව එම නිවේදනයේ සඳහන් වේ.

කෙසේවෙතත්, DS4 ලේඛනය නිකුත් කරනු ලබන්නේ කාන්තාවන්ට ඔවුන්ගේ රැකියා ඉල්ලුම්පත්‍ර ප්‍රදේශයේ ග්‍රාම සේවක නිලධාරියා සහ පිළිගත් නොතාරිස්වරයා විසින් සහතික කළ හැකි නම් පමණක් බවද එම කාර්යාංශය පවසයි.

තවද, ඔවුන්ගේ දරුවන්ගේ ආරක්ෂාව සහ අධ්‍යාපන විධිවිධාන පිළිබඳ භාරකරුවන් විසින් සහතික කරන ලියකියවිලි ලබා දීමටද සිදුවන බව එහි වැඩිදුරටත් වාර්තා වේ.

Continue Reading

Trending

Copyright © 2023 Sri Lanka Mirror. All Rights Reserved