Connect with us

විදෙස්

ආසියාවේ ප්‍රබලයන් අතරට ගිය ලාංකික යුවතිය

Published

on

ෆෝබ්ස් සඟරාව නවවැනි වරටත් පසුගියදා ප්‍රකාශයට පත් කළ “30 Under 30 Asia” ලැයිස්තුවට ඇතුළුවීමට ශ්‍රී ලාංකික රංගන ශිල්පිනියක සහ චිත්‍රපට නිෂ්පාදිකාවක වන ඩිනාරා පුංචිහේවා මහත්මිය සමත් වූවාය.

මෙම ලැයිස්තුවට ආසියා පැසිෆික් කාලාපයේ වෙනසක් ඇතිකළ ව්‍යවසායකයන්, නායකයන් සහ විවිධ ක්ෂේත්‍රවල පුරෝගාමීන් 300 දෙනෙකු ඇතුලත් වී ඇති අතර ඒ සියලු දෙනාම වයස අවුරුදු 30 ට අඩුවීම විශේෂත්වයකි.

ආසියා පැසිෆික් කාලාපයේ අවධානය යොමුකළ යුතු පුද්ගලයන් “30 Under 30 Asia” ලැයිස්තුව මගින් ෆෝබ්ස් සඟරාව ප්‍රකාශයට පත් කරනු ලබයි.

කාණ්ඩ 10ක් යටතේ මෙම ලැයිස්තුවට පුද්ගලයන් තෝරාගෙන ඇති අතර රසවින්දන සහ ක්‍රීඩා අංශයෙන් ඩිනාරා පුංචිහේවා මහත්මිය මෙම ලැයිස්තුවට ඇතුලත් වූවාය.

ඩිනාරා පුංචිහේවා මහත්මිය 2018 වසරේදී ඇයගේම චිත්‍රපටයක් වන “මාලා” ඔස්සේ චිත්‍රපට ක්ෂේත්‍රයට පැමිණියාය.මාලා චිත්‍රපටය ජාත්‍යන්තර සිනමා උළෙලකදී ප්‍රදර්ශනයවීමත් සමඟ චිත්‍රපට නිෂ්පාදක ප්‍රසන්න විතාන මහතාගේ අවධානය එම චිත්‍රපටය සඳහා යොමු වී ඇති අතර එහි දැක්වු කුසලතාවය හේතුවෙන් “ගාඩි” චිත්‍රපටයට රංගන දායකත්වය ලබා දීමට ඩිනාරා මහත්මියට ප්‍රසන්න විතානගේ මහතා ආරාධනා කර තිබිණි.

ඩිනාරා මහත්මිය ලන්ඩනයේ ක්වීන් මේරි විශ්ව විද්‍යාලයේ උපාධිධාරිණියක් වන අතර ඇය අඩු ආදායම්ලාභී පවුල්වල ළමුන් නාට්‍ය හා රංගනයට අවතීර්ණ වීමට අවස්ථාව ලබා දෙන පුංචි ඇක්ටර්ස් නම් ලාභ නොලබන ආයතනයේ නිර්මාතෘවරියද වූවාය.

පුවත්

ඉන්දියාවේ දුම්රිය අනතුරක්

Published

on

By

නැගෙනහිර ඉන්දියාවේ දුම්රිය දෙකක් ගැටී සිදුවුණු අනතුරින් පස් දෙනෙක් ජීවිතක්ෂයට පත්වූහ.

අනතුරින් තවත් 30 කට වැඩි පිරිසක් තුවාල ලැබූහ. අනතුර සිදුවූයේ භාණ්ඩ ප්‍රවාහන දුම්රියක් සහ මගී ප්‍රවාහන දුම්රියක් හැපීමෙනි.

භාණ්ඩ ප්‍රවාහන දුම්රියේ හැපුණේ, කොල්කොටා සහ ඊසාන දිග ඇසැම් ප්‍රාන්තයේ සිල්චාර් නගරයේ සිට බටහිර බෙංගාලයේ කොල්කොටා නුවර දක්වා ධාවනය වෙමින් තිබුණු ‘කංචෙන්ජුංගා එක්ස්ප්‍රස්’ මගී දුම්රියයි.

දුම්රිය එකිනෙක හැපුණේ තේ වතුවලින් බහුල ඩාර්ජේලීං කඳුකරය ආසන්නයේය.

භාණ්ඩ දුම්රියේ හැපුණු මගී දුම්රියේ මැදිරි දුම්රිය මාර්ගයෙන් පිටතට විසිවී ගිය බව ද පැවැසෙයි.

පෙරළී විසිවුණු දුම්රිය මැදිරි තුළ සිරවුණු මගීන් මුදා ගැනීමේ මෙහෙයුම් කඩිනමින් ආරම්භ කළ බව බෙංගාල මහ ඇමැතිනී මම්තා බෙනර්ජි මාධ්‍ය හමුවේ පවසා ඇත.

Continue Reading

පුවත්

මක්කම ගිය 14 ක් මරුට – තවත් 17 ක් අතුරුදන්

Published

on

By

සෞදි අරාබියේ මක්කම වන්දනාවේ ගිය ඉස්ලාම් වන්දනාකරුවන් 14 දෙනෙකු මියගොස් තිබේ.

විදෙස් මාධ්‍ය පැවසුවේ තවත් වන්දනාකරුවන් 17 දෙනෙකු අතුරුදහන් වී ඇති බවයි.

මේ වන විට සෞදි අරාබියට බලපා ඇති අධික උෂ්ණත්වය මෙම මරණ සඳහා හේතු වී තිබේ.

එහි උෂ්ණත්වය  සෙල්සියස් අංශක 47 දක්වා ඉහල ගොස් ඇති අතර මෙම තත්ත්වය දිගටම පවතිනු ඇති බවට අපේක්ෂා කරන බවයි එරට රජය පවසයි.

සෞදි සෞඛ්‍ය අමාත්‍යාංශය උපදේශනයක් නිකුත් කරමින් වන්දනාකරුවන්ගෙන් ඉල්ලා සිටියේ දවසේ ඉහළ උණුසුම් තත්ත්වයක් පවතින පෙරවරු 10 සිට පස්වරු 04 දක්වා කාලය තුළ එළිමහනේ සිටීමෙන් වළකින ලෙසය.

මක්කම වන්දනාව යනු ලොව ඉස්ලාමීය භක්තිකයන් විශාල ලෙස ඒකරාශී වීම් සිදුවන ස්ථානයකි.

මෙම වසරේ මක්කම වන්දනාව සඳහා මිලියන 01යි දශම 08කට අධික වන්දනාකරුවන් පිරිසක්  සහභාගී වී ඇති බවයි වාර්තා වේ.

එමෙන්ම පසුගිය වසර 30 තුලදී තෙරපීම්, කූඩාරම් ගිනි ගැනීම්, සහ අධික උණුසුම හේතුවෙන් සිය ගණනක් පිරිස්  මිය ගොස් ඇති බවයි විදෙස් මාධ්‍ය පවසයි.

මේ සම්බන්ධයෙන් සෞදි සෞඛ්‍ය අමාත්‍යාංශයේ ප්‍රකාශකයෙකු වන මොහොමඩ් අල්-අබ්දුලාලි පවසන්නේ, මේ වනවිට වන්දනාකරුවන් 2,760කට අධික  පිරිසක් උෂ්ණත්වය හේතුවෙන් පිඩා විදින බවයි.

මෙම වසරේ හජ් උත්සවය අතරතුර මක්කම වන්දනාවේ ගිය ඉරාන වන්දනාකරුවන් 05 දෙනෙකු ද මිය ගොස් ඇති බව එරට රතු ක්‍රෙසන්ට් සංවිධානය සඳහන් කර තිබේ.

කෙසේවෙතත් ඔවුන් මිය ගියේ කෙසේද යන්න ඉරාන රජය තවමත් ප්‍රකාශ කර නැත.

මේ පිළිබඳව ජෝර්දානයේ විදේශ අමාත්‍යාංශය පැවසුවේ මක්කම වන්දනාවේ ගොස් මිය ගිය ජෝර්දාන වැසියන්ගේ දේහයන් සෞදි අරාබියේදී භූමදාන කිරීමට හෝ දේහයන් ජෝර්දානයට ගෙන්වා ගැනීමට සෞදි බලධාරීන් සමඟ තවදුරටත් සාකච්ජා කරන බවය.

Continue Reading

විදෙස්

ඕස්ට්‍රේලියාවට අලුතෙන් පැන්ඩාවුන් දෙන්න චීනය සූදානම්

Published

on

By

පැන්ඩා සංරක්ෂණය සඳහා ඕස්ට්‍රේලියාව හා සිදුකරන සහයෝගීතාවය තවදුරටත් දීර්ඝ කිරීමට චීනය සූදානම් බව චීන අගමැති ලී චියැං මහතා පවසයි.

මේ වන විට ඕස්ට්‍රේලියාවේ සංචාරයක නිරත වන ඔහු, මේ බව පැවසුවේ ඇඩලේඩ් සත්වෝද්‍යානයේ සංචාරයකට එක්වෙමිනි.

ඕස්ට්‍රේලියාවේ යෝධ පැන්ඩා සතුන් දැකිය හැකි එකම ස්ථානය ඇඩලේඩ් සත්වෝද්‍යානයයි. මෙහි සිටින වාං වාං හා ෆූ නී නැමැති පැන්ඩා සතුන් දෙදෙනා මේ වසර අවසානයේදී යළිත් චීනයට ගෙන යාමට නියමිතයි.

එබැවින් ඔවුන් වෙනුවට නව පැන්ඩා සතුන් දෙදෙනෙකු ඇඩලේඩ් සත්වෝද්‍යානයට ලබාදීමට චීනය සූදානම් බව ලී අග්‍රාමත්‍යවරයා පවසා ඇත.

දකුණු අර්ධද්වීපයටම සිටින එකම යෝධ පැන්ඩා යුවළ මොවුන් බවත්, ඔවුන් දෙරට අතර මිත්‍රත්වයේ තානාපතිවරුන් බවට පත්ව ඇති බවත් ලී මහතා වැඩිදුරටත් පවසා තිබේ

Continue Reading

Trending

Copyright © 2023 Sri Lanka Mirror. All Rights Reserved