ඇමෙරිකා ජනාධිපති ට්‍රම්ප් ඇමරිකානු රජයේ සේවකයින් 1,300ක් සේවයෙන් ඉවත් කිරීමට නියෝග කර ඇත.

ඩොනල්ඩ් ට්‍රම්ප් ජනවාරි මාසයේදී දෙවන වරටත් එක්සත් ජනපද ජනාධිපති ධුරයට පත්වීමෙන් පසු, ඔහු විවිධ පරිපාලන ප්‍රතිසංස්කරණ පියවර ගනිමින් sitii.

මෙම සන්දර්භය තුළ, ඇමරිකානු රාජ්‍ය දෙපාර්තමේන්තුවේ සේවකයින් 1,300ක් සේවයෙන් ඉවත් කිරීමට ට්‍රම්ප් නියෝග කර ඇත.

ඒ අනුව, එක්සත් ජනපදයේ ගෘහ සේවයේ යෙදී සිටි සේවකයින් 1,107ක් සහ විදේශ සේවයේ යෙදී සිටි සේවකයින් 246ක් සේවයෙන් ඉවත් කරන බව වාර්තා වී ඇත.

තවද, පරිපාලන ප්‍රතිසංවිධානයේ කොටසක් ලෙස මෙම සේවකයින් සේවයෙන් ඉවත් කරන බව එක්සත් ජනපද ප්‍රවෘත්ති වාර්තා පෙන්වා දෙයි.

ගුජරාටයේ සිට එංගලන්තයේ ලන්ඩන් නුවර බලා පියාසර කරද්දී, කඩා වැටුණු එයාර් ඉන්දියා ගුවන් යානා අනතුර සම්බන්ධයෙන් ඉදිරිපත් කරන ලද මූලික වාර්තාවට අනුව, යානයේ නියමුවන් දෙදෙනාගේ ක්‍රියා කලාපය කෙරෙහි මේවනවිට වැඩි අවධානයක් යොමු වී ඇත.

ගුවන් යානයේ කළු පෙට්ටිය හෙවත් පියසැරි දත්ත සටහනේ පටිගත වූ නියමුවන් දෙදෙනාගේ කතාබහ අනුව, අනතුර සිදුවෙද්දී යානයේ, ඉන්ධන සැපයුම් විසන්ධි වී තිබුණු බව තහවුරු වී ඇත.

නියමු කුටියේ හඬ පට අනුව, එක් නියමුවකු අනෙක් නියමුවාගෙන් විමසන්නේ, ඇන්ජින්වලට ඉන්ධන කපා හැරියේ ඇයි යනුවෙනි. දෙවැනි නියමුවා පිළිතුරු දෙන්නේ තමන් එසේ නොකළ බවය. ඒ සමඟ යානය කඩා වැටී ඇත.

ජූනි 12 වැනිදා සිදුවුණු මෙම ගුවන් අනතුරින්, යානයේ සිටි 241 දෙනාට අමතරව, බිම සිටි 19 දෙනෙක් ද ජීවිතක්ෂයට පත් වූහ.

(බීබීසී)

ඊශ්‍රායල විසින් ගාසා තීරයට එල්ල කරන ගුවන් ප්‍රහාර දැඩි කර තිබේ.

ඒ අනුව අද අලු‍යම සිට එල්ල කළ ප්‍රහාරවලින් පලස්තීනුවන් 24 දෙනෙකු මිය ගොස් ඇති බව විදෙස් මාධ්‍ය වාර්තා කළේය.

ඊශ්‍රායලයේ අඛණ්ඩ මෙහෙයුම් හමුවේ ගාසාහි විශාලම රෝහල්වල කටයුතු පවත්වා ගෙන යාමට අවශ්‍ය ඉන්ධන නොමැතිවීම හේතුවෙන් ප්‍රතිකාර කටයුතු අඩාල වී රෝගීන්ගේ ජීවිත අවදානමට ලක්ව ඇති බව ද සඳහන්ය.