ගල්ෆ් කලාපයේ රටවල් කිහිපයකට මේ දින වල ඇදහැලෙන මහ වැසි හේතුවෙන් ඇතැම් ප්‍රදේශ වල ගංවතුර තත්ත්වයක් හට ගෙන තිබේ.
මේ හේතුවෙන් ලොව කාර්යබහුලම ගුවන් තොටුපල වන ඩුබායි ගුවන් තොටුපල හරහා සිදුකරන ගුවන් ගමන්වාර  වෙනත් ගුවන්තොටුපලවල් වලට හරවා යවා තිබේ.

මේ අතර, සුප්‍රකට ඩුබායි සාප්පු සංකීර්ණය, එමිරේට්ස් සාප්පු සංකීර්ණය දණක් තෙක් ජලයෙන් යටවී ඇති බව වාර්තා වේ.

එමෙන්ම එහි දියුණු උමං දුම්රිය ස්ථාන සහ මාර්ග පවා ජලයෙන් යටවී තිබුණේ එමීර් රාජ්‍යයේ ජලඅපවහන පද්ධතිවල ක්‍රියාකාරිත්වය පිළිබඳ ගැටලු මතුකරමිනි.

මේ අතර, ඕමාන බලධාරීන් පවසා තිබුණේ ගංවතුර තත්ත්වය හේතුවෙන් පුද්ගලයන් 18 දෙනෙකු මියගොස් ඇති බවයි.

අමෙරිකානු සමාගමක් වන BARK Inc. විසින් එළඹෙන මැයි මස 23 වැනිදා බාර්ක් එයාර් (BARK Air) නමින් සුනඛයින් සඳහාම වෙන් වුණු නව ගුවන්සේවයක් ආරම්භ කිරීමට නියමිත බව විදෙස් මාධ්‍ය වාර්තා කරයි.

අප්‍රේල් 11වැනි දා එම සමාගම මේ බව නිවේදනය කළේය.

ඒ අනුව සුනඛයින්ට සහ ඔවුන්ගේ හිමිකරුවන්ට සුවපහසු ගුවන් ගමනකට එක්වීමේ හැකියාව BARK Air විසින් සලසා දී ති‌බේ.

නිව්යෝර්ක් හි සිට පිටත්වන පළමු ගුවන් ගමන් සඳහා BARK Air වෙබ් අඩවිය ඔස්සේ අසුන් වෙන් කරවා ගැනීමේ පහසුකමද මේ වන විටත් ලබාදී ඇත.

කෙසේ වෙතත්, සුනඛ හිතකාමී ගුවන් ගමන සඳහා විශාල ගාස්තුවක් ගෙවීමට සිදුවනු ඇතැයි ද සදහන් වේ.

ඒ අනුව දැනට, එක් සුනඛයෙකුට සහ එක් මිනිසෙක් සඳහා ප්‍රවේශපත්‍රයක් අවම වශයෙන් ඩොලර් 6,000ක් වනු ඇත.

එක්සත් ජනපද ඉතිහාසයේ පළමු වතාවට ජනාධිපතිවරයෙකුට එරෙහි අපරාධ නඩුවක් අද (15) නිව්යෝක් අධිකරණයේදී විභාගයට ගැනීම සිදුවිය.

ඒ ඩොනල්ඩ් ට්‍රම්ප්ට එරෙහිවයි.

2016 වසරේ මැතිවරණයට ටික කලකට පෙර වැඩිහිටි චිත්‍රපට තරුවක් වන ස්ටෝමි ඩැනියෙල්ස් සහ කැරන් මැක්ඩොගල් වෙනුවෙන් කරන ලද මුදල් ගෙවීමක් වසන් කිරීම සඳහා ව්‍යාපාරික වාර්තා ව්‍යාජ ලෙස සකස් කිරීම සම්බන්ධයෙන් හිටපු ජනාධිපතිවරයාට එරෙහිව මෙම අපරාධ නඩුවක් විභාගයට ගැනීම සිදුවිය.

77 හැවිරිදි ට්‍රම්ප් වරදකරු වුවහොත් උපරිම වශයෙන් වසර හතරක සිරදඬුවමකට මුහුණ දීමට සිදුවනු ඇති නමුත් සිරගත වීම වළක්වා ඒ වෙනුවට දඩයක් නියම කළ හැකියි.

කෙසේ වෙතත් ඔහු වරද පිළිගෙන නැත.

හිටපු ජනපති ට්‍රම්ප්ගේ මෙම ඓතිහාසික නඩු විභාගය ඔහුගේ 2024 ජනාධිපතිවරණ ප්‍රචාරක ව්‍යාපාරයේ පසුබිමට එරෙහිව සිදුවනු ඇති අතර, අවසානයේදී ඡන්දදායකයින් නොවැම්බර් මාසයේ මැතිවරණයට යාමට මාස කිහිපයකට පෙර රිපබ්ලිකන් අපේක්ෂකයා වැරදිකරුවෙකු ද නැතිනම් නිවැරදිකරුද යන වග හඳුනාගැනීමට නියමිතය.

සඳුදා ජූරි තේරීමෙන් ආරම්භ වූ නඩු විභාගය සති හයේ සිට අට දක්වා පවතිනු ඇතැයි අපේක්ෂා කෙරේ.

ට්‍රම්ප්ට එරෙහි මෙම නඩුවේ ජූරි සභාවට ජූරි සභිකයන් 12 ඇතුලත් අතර, නිශ්චිත චෝදනාවකට ට්‍රම්ප් මහතා වැරදිකරුද නැද්ද යන්න පිළිබඳව ජූරි සභිකයන් 12 දෙනාම එකඟ විය යුතුය.