Pasidol
Sathosa Ad Final Sinhala
Mar 13, 2018

ගුවන් යානයක් කඩා වැටේ: '49ක් වත් මරුට'

නේපාලයේ කත්මන්ඩු ගුවන් තොටුපොල කරා ගොඩබාමින් සිටි ගවන් යානයක් කඩා වැටීමෙන් 49 දෙනෙකුවත් මරුමුවට පත් වී තිබේ.

මෑත යුගයේදී නේපාලය මුහුණ දුන් බරපතලම ගුවන් අනතුර එය වේ.

මගීන් 67 දෙනෙකු සහ කාර්ය මණ්ඩලයේ සිව් දෙනෙකු රැගත් යානය අනතුරකට ලක් වීමෙන් තවත් විස්සකට වැඩි පිරිසකට තුවාල සිදු වී තිබේ.

යානය දෙවැනි වරටත් ගොඩ බෑම සඳහා උත්සාහ කළ අවස්ථාවේ කඩා වැටී ගිනි ගත් බව අනතුර ඇසින් දුටුවෝ පැවසූහ.

බංග්ලාදේශයේ US-Bangla පුද්ගලිකගුවන් සේවයට අයත් යානය කඩා වැටීමට හේතුව පැහැදිලි නැතත්, යානය සහ ගුවන් තොටුපොලේ පාලක මැදිරිය අතර සන්නිවේදනය බිඳ වැටීම පිළිබඳව පරීක්ෂකයන්ගේ අවධානය පළ වී තිබෙන බව වාර්තා වේ.

 100376027 ebb46fc4 5e35 45da 8f58 89c4da6aec49

සඳුදා (මාර්තු 12) සවස් යාමයේ කත්මන්ඩු ගුවන් තොටුපොලේ ධාවන පථයෙන් ඉවතට ඇදී ගිය යානය ගිනි ගැනීමෙන් අනතුරුව ජාත්‍යන්තර ගුවන් තොටුපොළේ සියලු ගුවන් ගමන් නවතා දමා ඇති බව නේපාලයේ මාධ්‍ය වාර්තා කරයි.

යානය ගිනි ගෙන තිබෙන්නේ ගුවන් තොටුපොල අසල පිහිටි පාපන්දු ක්‍රීඩාංගනයකදීය.

අනතුර සම්බන්ධයෙන් ගුවන් පාලක මැදිරිය වගකිව යුතු යයි ගුවන් සේවය පවසන නමුත්, නේපාල බලධාරීන් පවසන්නේ යානය "අසාමාන්‍ය" ගොඩ බෑමේ ක්‍රමයක් අනුගමනය කළ බවය.

එක්වරම ගැස්සී ගිය යානය ඉන් අනතුරුව මහා හඬක් නගමින් කඩා වැටුණු බව යානයේ ජනේලයකින් පැන දිවි බේරා ගැනීමට සමත් වූ මගියෙක් පවසයි.

මේ වනවිට 22 දෙදෙනෙකු රෝහලේ ප්‍රතිකාර ලබමින් සිටින බව පොලිස් ප්‍රකාශකයෙක් පැවසීය.

 100376029 c018d232 7b2b 4b76 b497 cf8713358465

යානයේ ගමන් කළ මගීන් අතරින් 33 දෙනෙක් නේපාල ජාතිකයන් බවත්, 32 දෙදෙනෙක් බංග්ලාදේශ ජාතිකයන් සහ එක් අයෙක් චීන ජාතිකයෙක් බවත් දැන් අනාවරණය වී තිබේ. තවත් මගියෙක් මාලදිවයින් ජාතිකයෙකි.

(බීබීසී)

 

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - [email protected] දුරකථන - +94 114 546 362

Top