Feb 27, 2019

ඉන්දීය ජෙට් යානා දෙකක් පකිස්ථාන ප්‍රහාරයෙන් බිමට

කාශ්මීර ප්‍රදේශයේදී ඉන්දීය ගුවන් හමුදාවට අයත් ජෙට් යානා දෙකකට වෙඩි ප්‍රහාර එල්ල කර බිම හෙළූ බවත් පසුව එක් ගුවන් නියමුවෙකු අත්අඩංගුවට ගත් බවත් පාකිස්තානය පවසයි.

පාකිස්තාන හමුදා ප්‍රකාශක මේජර් ජෙනරල් අසිෆ් ඝෆූර් ප්‍රකාශ කළේ, එක් ගුවන් යානයක් පාකිස්තාන පාලන ප්‍රදේශයට කඩා වැටුණු අතර අනෙක ඉන්දීය පාලන ප්‍රදේශයට කඩා වැටුණු බවය.

පාකිස්තානයේ සන්නද්ධ කැරලිකරුවන් ඉලක්ක කර ඉන්දියාව ඊයේ ( 26) ගුවන් ප්‍රහාර එල්ල කළේය.

එම ප්‍රහාර එල්ල කරනු ලැබුවේ, ඉන්දියාවට අයත් කාශ්මීර් ප්‍රදේශයේදී ඉන්දීය සන්නද්ධ පොලිස් භට පිරිසකට එල්ල කළ ප්‍රහාරයකට ප්‍රතිප්‍රහාර වශයෙනි.

පෙබරවාරි 14 වන දා පොලිස් භට පිරිසකට එල්ල වූ ප්‍රහාරයෙන් සෙබළුන් 40 දෙනෙකු ජීවිතක්ෂයට පත්වීමත් සමග උණුසුම් තත්ත්වයක් නිර්මාණය විය.

මේ අතර, පාකිස්තාන විදේශ කටයුතු අමාත්‍යංශය බදාදා (පෙබරවාරි 27) පැවසුවේ, පාකිස්තාන සහ ඉන්දීය පාලන සීමා හරහා පාකිස්තානය ද ගුවන් ප්‍රහාර එල්ල කළ බවය.

පාකිස්තානය සඳහන් කළේ, සිවිල් වැසියන් බේරා හමුදාමය නොවන ඉලක්කයක් වෙත ප්‍රහාර එල්ල කළ බවය.

මේ අතර, පාකිස්තාන ජෙට් යානා ආපසු හරවා යැවූ බවත් එක් යානයක් බිම හෙඵෑ බවත් ඉන්දීය බලධාරීහු පැවසූහ.

මුස්ලිම් වැසියන් බහුතරයක් වෙසෙන කාශ්මීර් ප්‍රදේශය සම්බන්ධයෙන් ඉන්දියාව සහ පාකිස්තානය අයිතිවාසිකම් කියන අතර මේ වන විට ඔවුහු එම කලාපය කොටස් වශයෙන් පාලනය කරමින් සිටිති. 1947 වසරේ බ්‍රිතාන්‍යයෙන් නිදහස ලැබීමෙන් පසු දෙරට අතර යුද්ධ තුනක් සහ එක් සුළු ගැටුමක් ඇති වී තිබේ.

(බීබීසී)

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top