බුර්කිනා ෆාසෝ රාජ්‍යයේ උතුරු ප්‍රදේශයේ පිහිටි ඩබ්ලෝ නගරයේ ප‍්‍රහාරයට ලක්වූ දේවස්ථානය අසළ බුර්කිනා ෆාසෝ රාජ්‍යයේ උතුරු ප්‍රදේශයේ පිහිටි ඩබ්ලෝ නගරයේ ප‍්‍රහාරයට ලක්වූ දේවස්ථානය අසළ
May 13, 2019

බුර්කිනෝ ෆාසෝ කතෝලික පල්ලියට ප්‍රහාරයක්

දේව මෙහෙයක් පැවැත්වෙන අතරවාරයේ දේවස්ථානයකට ගිනි තැබූ තුවක්කුකරුවන් දේවගැතිවරයකු ඇතුළු හය දෙනෙකු මරා දැමූ බව බුර්කිනා ෆාසෝ රාජ්‍යයේ බලධාරීහු පවසති.

ප්‍රහාරය එල්ල වූයේ උතුරු ප්‍රදේශයේ පිහිටි ඩබ්ලෝ (Dablo) නගරයේ දී බව ප්‍රදේශයේ නිලධාරියෙක් සහ ආරක්ෂක ආරංචි මාර්ග සඳහන් කළේය.

"සන්නද්ධ පුද්ගලයන් කතෝලික දේවස්ථානයට කඩා වැදුනා ... බැතිමතුන් පලා යාමට උත්සාහ කරන කොට ඔවුන් වෙඩි තියන්න පටන් ගත්තා," ඩබ්ලෝ හි නගරාධිපති Ousmane Zongo ඒඑෆ්පී පුවත් සේවයට පැවසීය.

"නගරයේ මිනිස්සු තැති ගැනුණු ස්වභාවයක් පවතිනවා. ජනතාව ගෙවල්වලට කොටු වෙලා, කිසිම දෙයක් සිද්ද වෙන්නේ නෑ. කඩ සාප්පු සේරම වහල දාල. දැන් මේ නගරයම පාලු සොහොන් පිටියක් වගේ," ඔහු පැවසීය.

2016 සිට බුර්කිනා ෆාසෝ හි ජිහාඩ්වාදීන්ගේ ප්‍රහාරවලට ලක් වූ අතර, ගතව ගිය සති පහ ඇතුළත එහි කතෝලික දේවස්ථානවලට එල්ල වූ තුන්වෙනි ප්‍රහාරය එයයි.

ප්‍රහාරකයන් අසල්වැසි කඩ සාප්පුවලට සහ සෞඛ්‍ය මධ්‍යස්ථානයකට ද ගිනි තැබූ බව ආණ්ඩුවේ නිලධාරියෙක් බීබීසී යට පැවසීය.

අල් කයිඩා සංවිධානයට, අයිඑස් ඉස්ලාමීය රාජ්‍ය සංවිධානයට සහ අන්සරුල් ඉස්ලාම් (Ansarul Islam) සන්නද්ධ සංවිධානයට සම්බන්ධ ප්‍රහාරකයෝ කලාපය තුළ ක්‍රියාත්මකව සිටිති.

2016 සිට බුර්කිනා ෆාසෝ හි එල්ල වූ ජිහාඩ්වාදීන්ගේ ප්‍රහාර

(බීබීසී සිංහල සේවය)

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top