Sep 22, 2020

තස්මේනියානු වෙරළට ආ තල්මසුන් 90ක් මියගිහින් (වීඩියෝ)

ඕස්ට්‍රේලියාවේ තස්මේනියානු වෙරළ කරා පැමිණි තල්මසුන් රංචුවෙන් 1/3ක් පමණ මේ වන විට මියගොස් ඇති බව වාර්තා වේ.

තල්මසුන් 270 ක් පමණ සිටි මෙම රංචුව ඊයේ දිනයේදී මෙලෙස වෙරළ කරා පැමිණ ඇති අතර, මෙම සතුන් 25ක් පමණ යළි මුහුදට රැගෙන ගොස් බේරීමට ස්වේච්ඡා සේවකයන් හට හැකි වී තිබේ.

මෙම රංචුව නියමු තල්මසුන් (pilot whales) වේ.

මෙලෙස තල්මසුන් වෙරළට පැමිණීම beaching ලෙස හැඳින්වෙන අතර, එම කලාපයේ මෙවැනි සිද්ධීන් විරල නොවේ. 

කෙසේවෙතත්, මෙතරම් විශාල ප්‍රමාණයෙන් එවැන් සිද්ධියක් වාර්කාවන්නේ  දශකයකට වැඩි කාලයකට පසුව බව විදෙස් වාර්තා සඳහන් කරයි.

විශාල වශයෙන් තල්මසුන් පැමිණීමක් තස්මේනියා වෙරළෙන් අවසන් වරට වාර්තා වූයේ 2009දීය. එහිදී තල්මසුන් 200ක් පමණ වෙරළාසන්න ප්‍රදේශයෙන් හමුවිය.

 

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - [email protected] දුරකථන - +94 114 546 362

Top