Apr 07, 2021

බ්‍රසීලයේ දෛනික මරණ ගණන පළමු වරට 4,000 පන්නයි

බ්‍රසීල ඉතිහාසයේ මුල්වරට පැය 24 ක් තුළදී එරටින් වාර්තාවූ කොවිඩ් මරණ ගණන 4,000 ඉක්මවා ඇති බව විදෙස් වාර්තා සඳහන් කරයි.

බ්‍රසීලයේ රෝහල් වල කොවිඩ් රෝගීන් පිරී ඉතිරී ගොස් ඇතිඅතර, එරට බොහෝ ප්‍රදේශ වල සෞඛ්‍ය සේවා බිඳවැටීමක් අභියස පවතියි.

මේ වන විට බ්‍රසීලයෙන් වාර්තා වන සමස්ත කොරෝනා මරණ ගණන 337,000 ක් පමණ වන අතර, එය මරණ ගණන දෙවැනි වන්නේ ඇමෙරිකාවට පමණි.

කෙසේවෙතත්, මෙම වසංගතය මැඩපැවැත්වීමට ලොක්ඩවුන් කිරීමක් සිදුකිරීමට එරට ජනපතිවරයා තවදුරටත් විරෝධය පළකරමින් සිටියි.

ඔහු පවසන්නේ එවැනි පියවරක් මගින් ආර්ථිකයට සිදුවන හානිය වෛරසයේ බලපෑමට වඩා දරුණු වනු ඇති බවයි.

 

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top