ප්‍රකාශක වැන්ග් වෙන්බින් මේ බව ප්‍රකාශ කළේ ඇෆ්ගනිස්ථානයට චීනයේ හදිසි මානුෂීය ආධාරවල ප්‍රගතිය පිළිබඳ කළ විමසුමකට ප්‍රතිචාර දක්වමිනි.
බදාදා ඇෆ්ගනිස්ථානයට බලපෑ භූමිකම්පාව වසර 20 කට වැඩි කාලයක් තුළ එරටට බලපෑ බරපතළම භූමිකම්පාව සේ සැලැකේ.
එය අවම වශයෙන් මරණ 1,500 ක් සහ තුවාල 2,000 කට වැඩි ප්‍රමාණයක් ඇති කර ඇති අතර ඉන් නිවාස 3,000 කට වඩා විනාශ වී ඇති බව වැන්ග් පැවසීය.
ජීවිත හානි සංඛ්‍යාව තවදුරටත් ඉහළ යමින් පවතින බවද ඔහු කීය.
චීනය විසින් සපයනු ලබන ආධාරවලට ඇෆ්ගන් ජනතාවට හදිසි අවශ්‍ය වන කූඩාරම්, තුවා, නැමීමේ ඇඳන් සහ අනෙකුත් ද්‍රව්‍ය ඇතුළත් වන බව ඔහු පැවසීය.
පළමු ආධාර කණ්ඩායම හෙට (ජුනි 27) විශේෂ ගුවන් යානයකින් යැවීමට නියමිතය.
මීළඟ පියවරේදී, අවශ්‍යතා ඇති අයට සහන සැපයුම් හැකි ඉක්මනින් ලබා දීම සහතික කිරීම සහ ඇෆ්ගන් ජනතාවට ඔවුන්ගේ වර්තමාන දුෂ්කරතා මඟහරවා ගැනීමට උපකාර කිරීම සඳහා චීනය ඇෆ්ගන් අන්තර්වාර රජය සමඟ සමීපව සම්බන්ධීකරණය කරනු ඇති බව වැන්ග් පැවසීය.
ඇෆ්ගනිස්ථානය ගැන බිඳක්..
- තලේබාන්වරු රට පාලනය කරති: එක්සත් ජනපදය ප්‍රමුඛ හමුදා සන්ධානයක් විසින් නෙරපා හැරීමෙන් වසර 20 කට පමණ පසු දැඩි මතධාරී ඉස්ලාම්වාදීන් පසුගිය වසරේ ඇෆ්ගනිස්ථානය අත්පත් කර ගත්හ.
- ආහාර අර්බුදයක් තිබේ: තලේබාන් සංවිධානය බලයට පත්වීමෙන් අනතුරුව විදේශ ආධාර සහ මුල්‍ය හිඟය නිසා මිනිසුන්ගෙන් තුනෙන් එකකට වඩා මූලික අවශ්‍යතා සපුරාලීමට නොහැකිව ආර්ථික අරගලයකට මැදිව සිටියි.
- කාන්තා අයිතිවාසිකම් සීමා කර ඇත: ඔවුන්ට ප්‍රසිද්ධියේ මුහුණු ආවරණය කරන ලෙස නියෝග කර ඇති අතර නව යොවුන් වියේ ගැහැණු ළමයින්ට පාසල් යාමට ඉඩ නොදෙයි.
සබැඳි පුවත්: