Pasidol
Sathosa Ad Final Sinhala
new year 2018 sin
තෙරේසා මේ : ඉදිරි වසර පහ ඇතුළත බ්‍රිතාන්‍යය ගොඩනගන බවට ප්‍රතිඥාවක් තෙරේසා මේ : ඉදිරි වසර පහ ඇතුළත බ්‍රිතාන්‍යය ගොඩනගන බවට ප්‍රතිඥාවක්
Jun 10, 2017

තෙරේසා මේ සුළුතර ආණ්ඩුවක් පිහිටුවයි

බ්‍රහස්පතින්දා පැවැත්වුණු මහ මැතිවරණයේදී බහුතර බලයක් ලබාගැනීමට නොහැකි වුවත්, සුළුතර ආණ්ඩුවක් පිහිටුවන බව වැඩිම ආසන දිනාගත් තනි පක්ෂයේ නායිකාවවන තෙරේසා මේ නිවේදනය කළාය.

කොන්සර්වේටිව් පක්ෂය ආසන 318 ක් දිනාගෙන සිටින අතර සුළුතර ආණ්ඩුවක් පිහිටුවීම පිණිස සහාය දෙන බව උතුරු අයර්ලන්තය දිගටම බ්‍රිතාන්‍යය තුළ රැඳී සිටීම වෙනුවෙන් පෙනී සිටින ඩිමොක්‍රටික් යූනියනිට් පක්ෂය (DUP) නිවේදනය කර තිබේ.

බකිංහැම් මාලිගයේදී එළිසබෙත් රැජින මුණගැසීමෙන් අනතුරුව අගමැති නිල නිවස ඉදිරිපස දී කෙටි ප්‍රකාශයක් කළ තෙරේසා මේ, බහුතර බලයක් දිනාගැනීමට නොහැකිවීම හෝ පක්ෂයේ පරාජය පිළිබඳව කිසිවක් සඳහන් නොකළාය.

කිසිදු පුද්ගලයකු හෝ ජනකොටසක් අත්හැර නොදමමින්, සෞභාග්‍යය සහ අවස්ථා සියලු දෙනාටම බෙදී යන ආකාරයෙන් ඉදිරි වසර පහ ඇතුළත බ්‍රිතාන්‍යය ගොඩනගන බවට ඇය ප්‍රතිඥා දුන්නාය.

"සමස්ත එක්සත් ජනපදයේ අවශ්‍යතා උදෙසා" කොන්සර්වේටිව් පක්ෂය සහ DUP පක්ෂය එකමුතුව කටයුතු කරන බවත් අගමැතිනි තෙරේසා මේ සඳහන් කළාය.

අගමැතිනිය වහාම නව කැබිනට් මණ්ඩලය පත්කිරීමට නියමිත බව දේශපාලන කටයුතු පිළිබඳ බීබීසී සංස්කාරකවරිය ලෝරා කුසෙන්බර්ග් සඳහන් කරයි.

(බීබීසී සිංහල සේවය)

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top