Pasidol
Sathosa Ad Final Sinhala
කැටලෝනියා පාර්ලිමේන්තුවේ ඡන්ද විමසීම පැවැත්වෙද්දී ඉන් පිටත රැස්වූ ආධාරකරුවන් කැටලෝනියා පාර්ලිමේන්තුවේ ඡන්ද විමසීම පැවැත්වෙද්දී ඉන් පිටත රැස්වූ ආධාරකරුවන්
Oct 28, 2017

කැටලෝනියාව ස්පාඤ්ඤයෙන් වෙන්වීම ප්‍රකාශයට පත්කරයි

කැටලෝනියාව ස්පාඤ්ඤයෙන් වෙන්වී නිදහස් රාජ්‍යයක් බවට පත්වීමට එම ප්‍රාදේශීය පාර්ලිමේන්තුව බහුතර ඡන්දයෙන් තීරණය කළේය.

විපක්ෂ මන්ත්‍රීවරුන්ගේ වර්ජනය මැද පැවති ඡන්ද විමසීමේදී 70 - 10 ක් ලෙසින් ප්‍රථිපල නිකුත්විණි.

ස්පාඤ්ඤ අගමැති මරියානෝ රයෝයි මීට පෙර සෙනෙට් මණ්ඩලයට දැන්වූයේ කැටලෝනියාවට "නීතිය, ප්‍රජාතන්ත්‍රවාදය මෙන්ම ස්ථාවරත්වය" යළි ගෙන ඒම සඳහා එය ඍජු පාලනය යටතට ගත යුතු බවය.

ස්පාඤ්ඤ ව්‍යවස්ථාවේ 155 වෙනි වගන්තිය අනුව කැටලෝනියාව මැඩ්රිඩ් පාලනය යටතට පවරා ගැනීමේ තීන්දුවට මේ වනවිට ස්පාඤ්ඤ සෙනේට් සභාවේ අනුමැතිය ලැබී ඇත.

ඒ අනුව කැටලෝනියාවේ නායකයින් ප්‍රාදේශීය පාලන බලයෙන් ඉවත් කොට එම කලාපයේ මුල්‍ය, පොලිස් හා පොදු මාධ්‍ය බලය සියතට ගැනීමට මැඩ්රිඩ් පාලනයට හැකියාව ලැබෙනු ඇත.

අර්බුදකාරී තත්ත්වයක් හමුවේ කිසියම් කලාපයක් සම්බන්ධයෙන් "අවශ්‍ය සියලු පියවර" ගැනීම සඳහා එම වගන්තිය මගින් ආණ්ඩුවට බලය පැවරේ.

කැටලෝනියාවට නිදහස් විය යුතුද යන්න සම්බන්ධයෙන් මේ මස මුලදී පැවති ජනමත විචාරණයත් සමග මෙම අර්බුදය පැන නැගිණි.

කැටලෝනියා අර්බුදය තවත් උග්‍ර වෙයිද?

'කැටලෝනියා' කොහේද? මොනවද වෙන්නෙ?

එම ජනමත විචාරණයෙදී ඡන්දය දුන් 43% න් 90% ක් ම නිදහස වෙනුවෙන් සිය කැමැත්ත දී ඇති බව කැටලාන් ආණ්ඩුව පැවසීය. නමුත් ස්පාඤ්ඤ ව්‍යවස්ථාදායක අධිකරණයේ තීන්දුව වූයේ එම ඡන්දය නීති විරෝධී බවය.

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - [email protected] දුරකථන - +94 114 546 362

Top