Pasidol
Sathosa Ad Final Sinhala
Feb 15, 2018

ෆ්ලොරිඩා පාසැල් වෙඩි තැබීමකින් 17ක් පමණ මරුට

ඇමෙරිකාවේ ෆ්ලොරිඩා හි උසස් පාසලක වෙඩි තැබීමකින් අවම වශයෙන් 17 දෙනෙකු මියගොස් ඇති බව පොලිසිය පවසයි.

නිකොලවුස් කෘස් ලෙස හඳුනාගෙන ඇති සැකකරු 19 වැනි වියේ පසුවන අතර ඔහු පාසලෙන් නෙරපන ලද ශිෂ්‍යයෙකු වේ.

2012 වසරේ කනෙටිකට් ප්‍රාන්තයේ පාසලක වෙඩි තැබීමකදී ළමුන් 20 දෙනෙකු මියයාමෙන් අනතුරුව මෙතෙක් වාර්තා වූ පාසලක වෙඩි තැබීමේ සිද්ධියක් ලෙස සැළකේ.

 100036002 31029ab2 b65b 47b4 bea7 bc61029374ed

කුඩා කණ්ඩායම් ලෙස සිසුන් ඉවත් කිරීම

බ්‍රෝවඩ් හි ෂෙරිෆ් ස්කොට් ඊශ්‍රායෙල් පැවසුවේ රයිෆලයක් රැගෙන පැමිණි කෘස් පාසලින් පිටත කළ වෙඩි තැබීමෙන් තිදෙනෙකු මියගිය බවය. ඉන් පසු

වෙඩි තැබීම ආරම්භ වී පැයකට වැඩි කාලයකින් අනතුරුව බ්‍රොවර්ඩ් ෂෙරිෆ් කාර්යාලය පැවසුවේ, "වෙඩික්කරු දැන් අත්අඩංගුවේ" යනුවෙනි.ගොඩනැගිල්ල තුළට පිවිසි ඔහු 12 දෙනෙකු වෙඩිතබා මරා දමා තිබේ.

දෙදෙනෙකු මියගියේ රෝහල වෙත ගෙන යාමෙන් අනතුරුවය.

තුවාල ලත් කෘස් ප්‍රතිකාරවලින් අනතුරුව පොලිස් භාරයට පත්කර තිබේ.

 100035998 1209e498 ec0d 4beb 911d 37ec132ac457

 කණ්ඩායම් වශයෙන් ශිෂ්‍යයින් ඉවත් කරගන්නා ආකාරය වීඩියෝ දසුන් මගින් පෙනෙන්නට විය.

පාර්ක්ලන්ඩ් හි මාජරී ස්ටෝන්මන් ඩග්ලස් උසස් පාසලේ වෙඩි තැබීමෙන් "මරණ සිදුවී තිබෙනවා" යැයි පැවසූ පාසල් අධිකාරිවරයා, සැකකරු "ආදි සිසුවෙක් වෙන්නට පුළුවන්. අපි විශ්වාස කරන හැටියට ඒ පුදගලයා දැන් අත්අඩංගුවේ" යනුවෙන් සිද්ධිය හටගැනීමත් සමග සඳහන් කර තිබිණි.

 100036003 86d7ded5 0188 44d6 9326 28899d2429f2

දෙමාපිය රැකවරණයට පත් සිසුවියන් පිරිසක්

මේ අතර පාසල් අධිකාරිවරයා මෙන්ම එෆ්බීඅයි ඇතුළු අදාළ අංශ උපුටා දක්වමින් ෆ්ලොරිඩා හි සෙනෙට් සභික බිල් නෙල්සන් ෆොක්ස් පුවත් වෙත කියා තිබුණේ "මරණ රැසක්" සිදුවී ඇති බවය.

පාසල් පරිශ්‍රය අවට සන්නද්ධ පොලිස් නිලධාරීන් ගැවසේද්දී, කණ්ඩායම් වශයෙන් ශිෂ්‍යයින් ඉවත් කරගන්නා ආකාරය වීඩියෝ දසුන් මගින් පෙනෙන්නට විය.

ප්‍රාදේශීය නීති ආරක්ෂක අංශ හට සහය දීම සඳහා තමන් ද යෙදී සිටින බව එෆ්බීඅයි හෙවත් ෆෙඩරල් විමර්ශන කාර්යාංශය සඳහන් කළේය.

(බීබීසී සංදේශය)

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - [email protected] දුරකථන - +94 114 546 362

Top