Connect with us

විදෙස්

K-drama හා ඇමෙරිකානු චිත්‍රපට බැලුවට මරණ දඬුවම

Published

on

ඇමෙරිකන් හොලිවුඩ් චිත්‍රපට සහ දකුණු කොරියානු ටෙලි කතා නැරැඹූ උතුරු කොරියානු ගැටවරයන් දෙදෙනකුට මරණ දඩුවම ලබා දීමට උතුරු කොරියානු රජය පියවර ගෙන ඇත.

හොලිවුඩ් චිත්‍රපට මෙන්ම, අසල්වැසි දකුණු කොරියානු ටෙලි කතා සහ චිත්‍රපට ද උතුරු කොරියාවේ තහනම්ය. මරණ හිමිවී ඇත්තේ අවුරුදු 16 ත් 17 ත් වයසේ ගැටවරයන් දෙදෙනකුටය.

මොවුන් දෙදෙනා උතුරු කොරියාවේ රයැන්ජියැන් පළාතේ නගරයක පාසල් සිසුන් වන අතර, ඔවුන් හොලිවුඩ් චිත්‍රපට සහ දකුණු කොරියානු ටෙලි කතා නරඹා ඇත්තේ පාසලේ දී යැයි ද පැවැසෙයි.

මරණ දඩුවම ක්‍රියාත්මක කර ඇත්තේ හමුදාවේ මැදිහත් වීමෙනි. ගැටවරයන් දෙදෙනාගේ පවුලේ සාමාජිකයන් ඉදිරියේ ඔවුන්ට වෙඩි තැබීම සිදු කෙරුණි.

විදෙස් මාධ්‍ය මේ පිළිබඳ පුවත් ඊයේ (6) පළ කළත් මෙම සිද්ධිය සිදුවී ඇත්තේ පසුගිය ඔක්තෝබර් මාසයේ බව ද පැවැසෙයි.

(එන්.ඩී.ටී. වී.)

Continue Reading

විදෙස්

බැල්ටිමෝර් අනතුරෙන් මියගිය දෙදෙනෙකුගේ සිරුරු හමුවේ

Published

on

By

බැල්ටිමෝර් නෞකා අනතුරෙන් මියගිය පුද්ගලයන් දෙදෙනෙකුගේ සිරුරු සොයාගෙන ඇතැයි වාර්තා වේ.

ඇමෙරිකාවේ බැල්ටිමෝර් වරාය අසළ පාලමේ පෙරේදා දිනයේදී ඩාලි නම් භාණ්ඩ ප්‍රවාහන නෞකාව ගැටීමෙන් අනතුරක් සිදු වුණු අතර, එම අවස්ථාවේදී පාලම මත සිටි ඉදිකිරීම් කම්කරුවන් 08 දෙනෙකු ජලයට වැටී තිබුණි.

ඉන් දෙදෙනෙකු එදිනම බේරාගෙන තිබුණු අතර, ඉතිරි සයදෙනා මිය යන්නට ඇතැයි අනුමාන කර ඇත.

මෙලෙස හමුවී ඇත්තේ එලෙස අතුරුදහන් වූ දෙදෙනෙකුගේ සිරුරුය.

රතු පිකප් රථයක තිබියදී එම සිරුරු හමුවී ඇති බව විදෙස් වාර්තා සඳහන් කරයි.

කෙසේවෙතත්, ජලය යට ඇති පාලමේ සුන්බුන් හා කොන්ක්‍රීට් කැබලි හේතුවෙන් කිමිදුම්කරුවන්ට දිය යට කිමිදීම අසීරු වී ඇති අතර, මේ හේතුවෙන් සෝනාර් හා ස්ක්‍රෑන් තාක්ෂණය යොදාගනිමින් සිරුරු සෙවීමේ මෙහෙයුම් ක්‍රියාත්මක වන බව විදෙස් වාර්තා වැඩිදුරටත් සඳහන් කර සිටියි.

Continue Reading

විදෙස්

විශ්ව රූ රැජින තරගයට සෞදි අරාබියත් එක්වෙයි!

Published

on

By

ඉතිහාසයේ පළමු වරට සෞදි අරාබිය, විශ්ව රූ රැජින තරගයට සහභාගී වීමට නියමිත බව විදෙස් වාර්තා සඳහන් කරයි. 

රූ රැජින තරගාවලි රැසකට සහභාගී වී ඇති රූමි අල්ඛහ්තානි නම් තරුණියක් පසුගිය සඳුදා දින සිය ඉන්ස්ටර්ග්‍රෑම් ගිණුමේ සටහනක් එක්කරමින් පවසා ඇත්තේ ඇය සෞදි අරාබිය නියෝජනය කරමින් විශ්ව රූ රැජින තරගයට සහභාගී වන බවයි.

2024 විශ්ව රූ රැජින තරගය මෙක්සිකෝ හි දී පැවැත්වීමට නියමිතය. 2023 විශ්ව රූ රැජින ලෙස කිරුළු පැළඳුවේ නිකරගුවා රාජ්‍යය නියෝජනය කළ ෂෙයිනිස් පැලැසියොස් මෙනෙවියයි.

Continue Reading

Videos

බැල්ටිමෝ පාලම් අනතුරෙන් විපතට පත්වූවන් දිගටම සොයයි!

Published

on

By

අද (26) දින භාණ්ඩ ප්‍රවාහන නෞකාවක් ගැටීමෙන් අනතුරුව ඇමෙරිකාවේ බැල්ටිමෝ ප්‍රදේශයේ පැටප්ස්කෝ ගංගාව හරහා තිබූ විශාල පාලමක් කඩා වැටීමෙන් අතුරුදහන් වූ බව පැවසෙන පුද්ගලයන් සත්දෙනෙකුට වැඩි පිරිසක් සෙවීමට මේ වන විටත් මෙහෙයුම් ක්‍රියාත්මක වෙමින් තිබේ.

විදෙස් මාධ්‍ය වාර්තා කරන අන්දමට Dali නම් මෙම භාණ්ඩ ප්‍රවාහන නෞකාව ශ්‍රී ලංකාව බලා එමින් තිබූ බවයි. 

එරට වේලාවෙන් අළුයම 1ට පමණ බැල්ටිමෝ නගරයෙන් පිටත් වී ඇති මෙම නෞකාව අප්‍රේල් අවසානයේදී ශ්‍රී ලංකාවට ළඟාවීමට නියමිතව තිබුණි.

Continue Reading
Advertisement

Trending

Copyright © 2023 Sri Lanka Mirror. All Rights Reserved